45 പന്തില്‍ 100 റണ്‍സ് നേടി നിക്കോളസ് പൂരന്‍, പാട്രിയറ്റ്സിനെ കീഴടക്കി ഗയാന ആമസോണ്‍ വാരിയേഴ്സ്

- Advertisement -

സെയിന്റ് കിറ്റ്സ് ആന്‍ഡ് നെവിസ് പാട്രിയറ്റ്സിനെതിരെ മികച്ച വിജയം നേടി ഗയാന ആമസോണ്‍ വാരിയേഴ്സ്. നിക്കോളസ് പൂരന്‍ 45 പന്തില്‍ നിന്ന് 100 റണ്‍സുമായി പുറത്താകാതെ നിന്നാണ് ടീമിനെ വിജയത്തിലേക്ക് നയിച്ചത്. 10 സിക്സും 4 ഫോറുമാണ് താരം നേടിയത്. 17.3 ഓവറില്‍ മൂന്ന് വിക്കറ്റ് നഷ്ടത്തില്‍ 153 റണ്‍സ് നേടിയാണ് ഗയാനയുടെ വിജയം. റോസ് ടെയിലര്‍ 25 റണ്‍സ് നേടി പുറത്താകാതെ നിന്നു. പാട്രിയറ്റ്സിന് വേണ്ടി ജോണ്‍-റസ്സ് ജഗ്ഗേസര്‍ രണ്ട് വിക്കറ്റ് നേടി.

നേരത്തെ ആദ്യം ബാറ്റ് ചെയ്ത പാട്രിയറ്റ്സ് ജോഷ്വ ഡ സില്‍വ(59), ദിനേശ് രാംദിന്‍(37*) എന്നിവരുടെ ബാറ്റിംഗ് മികവിലാണ് 5 വിക്കറ്റ് നഷ്ടത്തില്‍ 150 റണ്‍സ് നേടിയത്. ഗയാനയ്ക്ക് വേണ്ടി ക്രിസ് ഗ്രീന്‍ 2 വിക്കറ്റ് നേടി.

 

Advertisement