ബംഗ്ലാദേശിനെ കാത്തിരിക്കുന്നത് വലിയ തോല്‍വി

ക്രൈസ്റ്റ്ചര്‍ച്ചിൽ ബംഗ്ലാദേശിന്റെ ഒന്നാം ഇന്നിംഗ്സ് തകര്‍ന്നടിഞ്ഞു. ഇന്ന് മത്സരത്തിന്റെ രണ്ടാം ദിവസം ന്യൂസിലാണ്ട് തങ്ങളുടെ ഒന്നാം ഇന്നിംഗ്സ് 521/6 എന്ന നിലയിൽ ഡിക്ലയര്‍ ചെയ്ത ശേഷം ബംഗ്ലാദേശ് ബാറ്റിംഗിനിറങ്ങിയ ദയനീയമായ തകര്‍ച്ച നേരിടുകയായിരുന്നു.

ഇന്നിംഗ്സ് തോല്‍വി ഒഴിവാക്കുവാന്‍ കഷ്ടപ്പെടുന്ന ബംഗ്ലാദേശ് 126 റൺസിന് ഓള്‍ഔട്ട് ആയി. യാസിര്‍ അലി നേടിയ അര്‍ദ്ധ ശതകം ആണ് ടീമിന്റെ ബാറ്റിംഗിൽ എടുത്ത് പറയാനാകുന്ന പ്രകടനം. 55 റൺസാണ് താരം നേടിയത്. നൂറുള്‍ ഹസന്‍ 41 റൺസ് നേടി.

ന്യൂസിലാണ്ടിനായി ട്രെന്റ് ബോള്‍ട്ട് അഞ്ചും ടിം സൗത്തി മൂന്നും വിക്കറ്റ് നേടി. കൈൽ ജാമിസണ് രണ്ട് വിക്കറ്റ് ലഭിച്ചു. ഇന്നിംഗ്സ് തോല്‍വി ഒഴിവാക്കുവാന്‍ ബംഗ്ലാദേശ് 395 റൺസ് കൂടി നേടേണം.