പോയിന്റ് പട്ടികയില്‍ രണ്ടാം സ്ഥാനത്തുള്ള അഡിലെയിഡ് സ്ട്രൈക്കേഴ്സിനെതിരെ ആദ്യ വിജയം തേടി ഇറങ്ങുന്ന മെല്‍ബേണ്‍ സ്റ്റാര്‍സ് ആദ്യം ബാറ്റ് ചെയ്യും. ടോസ് നേടിയ സ്റ്റാര്‍സ് നായകന്‍ ജോണ്‍ ഹേസ്റ്റിംഗ്സ് ബാറ്റിംഗ് തിരഞ്ഞെടുക്കുകയായിരുന്നു. നാല് മത്സരങ്ങളില്‍ നാലും തോറ്റ് പോയിന്റൊന്നും ലഭിക്കാതെ ഏറ്റവും അവസാനമായാണ് സ്റ്റാര്‍സ് ഇപ്പോള്‍ സ്ഥിതി ചെയ്യുന്നത്. അതേ സമയം ഇതുവരെ ഒരു മത്സരം മാത്രം പരാജയം ഏറ്റുവാങ്ങിയ സ്ട്രൈക്കേഴ്സ് 8 പോയിന്റാണ് നേടിയിട്ടുള്ളത്. പെര്‍ത്ത് സ്കോര്‍ച്ചേര്‍സിനു പിന്നിലായി രണ്ടാം സ്ഥാനത്താണ് നിലവില്‍ അവര്‍. ഇന്ന് ജയം സ്വന്തമാക്കി ഒന്നാം സ്ഥാനം നേടുക എന്ന ലക്ഷ്യത്തോടെയാണ് സ്ട്രൈക്കേഴ്സ് നിര ഇറങ്ങുന്നത്.
മെല്‍ബേണ്‍ സ്റ്റാര്‍സ്: മാര്‍ക്കസ് സ്റ്റോയിനിസ്, ബെന്‍ ഡങ്ക്, ഗ്ലെന്‍ മാക്സ്വെല്‍, കെവിന്‍ പീറ്റേര്‍സണ്‍, പീറ്റര്‍ ഹാന്‍ഡ്സ്കോമ്പ്, സെബ് ഗോച്ച്, ജെയിംസ് ഫോക്നര്‍, ജോണ്‍ ഹേസ്റ്റിംഗ്സ്, ആഡം സാംപ, സ്കോട്ട് ബോളണ്ട്, ജാക്സണ്‍ കോള്‍മാന്‍
അഡിലെയിഡ് സ്ട്രൈക്കേഴ്സ്: ജേക്ക് വെതേറാള്‍ഡ്, അലക്സ് കാറേ, ട്രാവിസ് ഹെഡ്, കോളിന്‍ ഇന്‍ഗ്രാം, ജോനാഥന്‍ വെല്‍സ്, ജേക്ക് ലേമാന്‍, മൈക്കല്‍ നേസേര്‍, റഷീദ് ഖാന്‍, പീറ്റര്‍ സിഡില്‍, ബെന്‍ ലൗഗ്ലിന്‍, ബില്ലി സ്റ്റാന്‍ലേക്ക്
കൂടുതൽ കായിക വാർത്തകൾക്ക് : www.facebook.com/FanportOfficial
