കേരളത്തിനെതിരെ രഞ്ജി ട്രോഫിയുടെ രണ്ടാം ദിവസം ലീഡിന് അരികെയെത്തി ബംഗാള്‍. രണ്ടാം ദിവസം കളി നിര്‍ത്തുമ്പോള്‍ കേരളത്തിന്റെ സ്കോറിന് മൂന്ന് റണ്‍സ് പിന്നിലായി 236/6 എന്ന നിലയിലാണ്. ഓപ്പണര്‍ അഭിഷേക കുമാര്‍ രാമന്‍ 240 പന്തില്‍ നിന്ന് പുറത്താകാതെ നേടിയ 110 റണ്‍സാണ് ബംഗാളിന് തുണയായത്. മനോജ് തിവാരി 51 റണ്‍സും ശ്രീവത്സ് ഗോസ്വാമി 24 റണ്‍സും നേടി. മൂന്നാംവിക്കറ്റില്‍ മനോജ് തിവാരിയുമായി 99 റണ്‍സാണ് അഭിഷേക് കുമാര്‍ രാമന്‍ നേടിയത്.
മനോജ് തിവാരി പുറത്തായ ശേഷവും അഭിഷേക് ബംഗാളിന്റെ ഇന്നിംഗ്സിനെ മുന്നോട്ട് നയിക്കുകയായിരുന്നു. 48 റണ്‍സ് അഞ്ചാം വിക്കറ്റ് കൂട്ടുകെട്ടാണ് താരം ശ്രീവത്സ് ഗോസ്വാമിയുമായി നേടിയത്. പിന്നീട് ഷഹ്ബാസ് അഹമ്മദുമായി ചേര്‍ന്ന് 41 റണ്‍സാണ് നേടിയത്. ഇന്ന് വീണ അവസാന വിക്കറ്റായാണ് അഭിഷേക് മടങ്ങിയത്. കേരളത്തിനായി മോനിഷ് കാരപ്പറമ്പിലും ബേസില്‍ തമ്പിയും രണ്ട് വീതം വിക്കറ്റ് നേടി.
ബംഗാളിനായി 25 റണ്‍സുമായി ഷഹ്ബാ് അഹമ്മദും 7 റണ്‍സുമായി അര്‍ണാബ് നന്ദിയുമാണ് ക്രീസിലുള്ളത്.
