തന്റെ കഴിഞ്ഞ മൂന്ന് വര്‍ഷത്തെ വൈറ്റ് ബോള്‍ ക്രിക്കറ്റിലെ റെക്കോര്‍ഡ് പരിശോധിച്ചാല്‍ തന്നെ ശ്രീലങ്കന്‍ പര്യടനത്തിന് തിരഞ്ഞെടുക്കേണ്ടതാണെന്ന് പറഞ്ഞ് നിതീഷ് റാണ. താന്‍ ആ വിളിക്കായി കാത്തിരിക്കുകയാണെന്നും താരം പറഞ്ഞു. ലങ്കയിലേക്ക് ഇന്ത്യ തങ്ങളുടെ രണ്ടാം നിര ടീമിനെയാണ് അയയ്ക്കുന്നതെന്ന് നേരത്തെ ബിസിസിഐ അറിയിച്ചിരുന്നു. അതിനാല്‍ തന്നെ നിതീഷ് റാണയുള്‍പ്പെടെയുള്ള താരങ്ങള്‍ക്ക് സാധ്യത നിലനില്‍ക്കുന്നുണ്ട്.
തനിക്ക് അവസരം ലഭിയ്ക്കുമെന്നാണ് തന്റെ മനസ്സ് പറയുന്നതെന്നും താന്‍ ആ വിളിയ്ക്കായി തയ്യാറെടുത്ത് കഴിഞ്ഞുവെന്നും നിതീഷ് വ്യക്തമാക്കി. തന്റെ വൈറ്റ് ബോളിലെ – അതിപ്പോള്‍ ഐപിഎല്‍ ആയാലും ആഭ്യന്തര ക്രിക്കറ്റ് ആയാലും മികച്ചതാണന്നാണ് താന്‍ വിശ്വസിക്കുന്നതെന്നും അതിനാല്‍ താന്‍ ഈ അവസരത്തിന് അര്‍ഹനാണെന്നും നിതീഷ് റാണ വ്യക്തമാക്കി.
