ഓസ്ട്രേലിയ പരിഭ്രമിക്കേണ്ട സാഹചര്യമില്ല, എന്നാല്‍ മികച്ച ക്രിക്കറ്റ് പുറത്തെടുക്കേണ്ടതുണ്ട്

Sports Correspondent

Download the Fanport app now!
Appstore Badge
Google Play Badge 1

ഇന്ത്യയ്ക്കെതിരെ ടെസ്റ്റ് പരമ്പര കൈവിട്ട ഓസ്ട്രേലിയ പരിഭ്രമിക്കേണ്ട സാഹചര്യം അല്ല നിലവിലെന്ന് പറഞ്ഞ് മുന്‍ ഓസ്ട്രേലിയന്‍ നായകന്‍ റിക്കി പോണ്ടിംഗ്. എന്നാല്‍ ടീം മെച്ചപ്പെട്ട ക്രിക്കറ്റ് പുറത്തെടുക്കേണ്ടതുണ്ടെന്നും റിക്കി പോണ്ടിംഗ് വ്യക്തമാക്കി. ഓസ്ട്രേലിയയ്ക്ക് പരമ്പര വിജയിക്കുവാനായില്ല എന്നത് തന്നെ ഞെട്ടിച്ചുവെന്ന് പോണ്ടിംഗ് പറഞ്ഞു.

അഡിലെയ്ഡില്‍ ഇന്ത്യയെ 36 റണ്‍സിന് ഓള്‍ഔട്ട് ആക്കി വിജയം പിടിച്ചെടുത്ത ഓസ്ട്രേലിയ പിന്നീട് വിരാട് കോഹ്ലി ഇല്ലാത്ത ഇന്ത്യയ്ക്ക് മുന്നില്‍ പതറുന്നതാണ് കണ്ടത്. പരിക്കും ഇന്ത്യയുടെ ശക്തി ക്ഷയിപ്പിച്ചിരുന്നുവെങ്കിലും ഇന്ത്യയുടെ പോരാട്ട വീര്യത്തിന് മുന്നില്‍ ഓസ്ട്രേലിയ ചൂളുകയായിരുന്നു.

സിഡ്നിയിലും ബ്രിസ്ബെയിനിലും ഇന്ത്യയ്ക്കെതിരെ മുന്‍തൂക്കം നേടിയിട്ട് ടീമിന് വിജയിക്കാനാകാത്തതില്‍ വിഷമമുണ്ടെന്നും റിക്കി പോണ്ടിംഗ് പറഞ്ഞു. ഇന്ത്യ പരമ്പരയ്ക്കായി എത്തുമ്പോള്‍ ഒന്നാം നമ്പര്‍ ടീമായിരുന്നുവെന്നും അതിനാല്‍ തന്നെ തോല്‍വിയില്‍ പരിഭ്രമിക്കേണ്ട സാഹചര്യമില്ലെന്നും റിക്കി പോണ്ടിംഗ് വ്യക്തമാക്കി. ഇനിയങ്ങോട്ട് മെച്ചപ്പെട്ട ക്രിക്കറ്റ് കളിക്കുന്നതില്‍ ഓസ്ട്രേലിയ ശ്രദ്ധ കേന്ദ്രീകരിച്ചാല്‍ മതിയെന്നും റിക്കി പോണ്ടിംഗ് സൂചിപ്പിച്ചു.