വിശാഖപട്ടണത്ത് ഇന്നാരംഭിക്കുന്ന ഇന്ത്യ ഓസ്ട്രേലിയ ടി20 മത്സരത്തിന്റെ ആദ്യ മത്സരത്തില്‍ ടോസ് ഓസ്ട്രേലിയയ്ക്ക്. ടോസ് നേടിയ ഓസ്ട്രേലിയ ബൗളിംഗ് തിരഞ്ഞെടുക്കുകയായിരുന്നു. മത്സരത്തില്‍ ഇന്ത്യയ്ക്കായി മയാംഗ് മാര്‍ക്കണ്ടേയും ഓസ്ട്രേലിയയ്ക്കായി പീറ്റര്‍ ഹാന്‍ഡ്സ്കോമ്പും അരങ്ങേറ്റം കുറിയ്ക്കും. ഹാന്‍ഡ്സ്കോമ്പ് തന്നെ ടീമിനായി കീപ്പിംഗ് ദൗത്യവും ഏറ്റെടുക്കുമെന്ന് ഓസ്ട്രേലിയന്‍ നായകന്‍ ആരോണ്‍ ഫിഞ്ച് അറിയിച്ചു.
ടോസ് ലഭിച്ചിരുന്നുവെങ്കിലും താനും ബൗളിംഗ് തിരഞ്ഞെടുക്കുമായിരുന്നു എന്ന് വിരാട് കോഹ്‍ലി അഭിപ്രായപ്പെട്ടു. ലോകകപ്പ് സാധ്യത പട്ടികയിലുള്ള താരങ്ങള്‍ക്ക് അവസരം നല്‍കുവാനാകും ഈ മത്സരങ്ങളെല്ലാം ഉപയോഗിക്കുക എന്ന് കോഹ്‍ലി അറിയിച്ചു. ഇന്ത്യ ശിഖര്‍ ധവാനും ഭുവനേശ്വര്‍ കുമാറിനും മത്സരത്തില്‍ വിശ്രമം അനുവദിച്ചിട്ടുണ്ട്. പകരം കെഎല്‍ രാഹുല്‍ ടീമിനായി ഓപ്പണ്‍ ചെയ്യും ഭുവിയ്ക്ക് പകരം ഉമേഷഅ് യാദവ് ടീമിലെത്തിയിട്ടുണ്ട്.
ഇന്ത്യ: രോഹിത് ശര്‍മ്മ, ലോകേഷ് രാഹുല്‍, വിരാട് കോഹ്‍ലി, ഋഷഭ് പന്ത്, എംഎസ് ധോണി, ദിനേശ് കാര്‍ത്തിക്, ക്രുണാല്‍ പാണ്ഡ്യ, ഉമേഷ് യാദവ്, മയാംഗ് മാര്‍ക്കണ്ടേ, യൂസുവേന്ദ്ര ചഹാല്‍, ജസ്പ്രീത് ബുംറ
ഓസ്ട്രേലിയ: ആരോണ്‍ ഫിഞ്ച്, ഡാര്‍സി ഷോര്‍ട്ട്, മാര്‍ക്കസ് സ്റ്റോയിനിസ്, ഗ്ലെന്‍ മാക്സ്വെല്‍, പീറ്റര്‍ ഹാന്‍ഡ്സ്കോമ്പ്, ആഷ്ടണ്‍ ടര്‍ണര്‍, നഥാന്‍ കോള്‍ട്ടര്‍-നൈല്‍, പാറ്റ് കമ്മിന്‍സ്, ജൈ റിച്ചാര്‍ഡ്സണ്‍, ജേസണ്‍ ബെഹ്രെന്‍ഡോര്‍ഫ്, ആഡം സംപ
