ബ്രിസ്ബെയിനില്‍ ഓസ്ട്രേലിയയുടെ ഒന്നാം ഇന്നിംഗ്സ് 369 റണ്‍സില്‍ അവസാനിപ്പിച്ച് ഇന്ത്യ. ടിം പെയിനിനെയും കാമറൂണ്‍ ഗ്രീനിനെയും നഷ്ടമായ ശേഷം ഓസ്ട്രേലിയയുടെ വാലറ്റം നേടിയ നിര്‍ണ്ണായകമായ 56 റണ്‍സാണ് ടീമിനെ ഈ സ്കോറിലേക്ക് നയിച്ചത്. ഇന്ത്യയ്ക്കായി ടി നടരാജന്‍, ശര്‍ദ്ധുല്‍ താക്കൂര്‍, വാഷിംഗ്ടണ്‍ സുന്ദര്‍ എന്നിവര്‍ മൂന്ന് വീതം വിക്കറ്റ് നേടി.
274/5 എന്ന നിലയില്‍ ബാറ്റിംഗ് പുനരാരംഭിച്ച ഓസ്ട്രേലിയ രണ്ടാം ദിവസത്തെ ആദ്യ സെഷന്‍ അവസാനിക്കുമ്പോള്‍ * റണ്‍സാണ് നേടിയിട്ടുള്ളത്. തലേ ദിവസത്തെ ബാറ്റ്സ്മാന്മാരായ ടിം പെയിനിന്റെയും കാമറൂണ്‍ ഗ്രീനിന്റെയും വിക്കറ്റാണ് ആതിഥേയര്‍ക്ക് നഷ്ടമായത്.
പെയിനിനെ(50) താക്കൂറും ഗ്രീനിനെ(47) വാഷിംഗ്ടണ്‍ സുന്ദറുമാണ് പുറത്താക്കിയത്. പാറ്റ് കമ്മിന്‍സിനെ വിക്കറ്റിന് മുന്നില്‍ കുടുക്കി ശര്‍ദ്ധുല്‍ താക്കൂര്‍ തന്റെ മൂന്നാം വിക്കറ്റ് നേടി.
39 റണ്‍സുമായി ഓസ്ട്രേലിയയുടെ ഒമ്പതാം വിക്കറ്റ് കൂട്ടുകെട്ട് വെല്ലുവിളി ഉയര്‍ത്തിയെങ്കിലും 24 റണ്‍സ് നേടിയ നഥാന്‍ ലയണിനെ പുറത്താക്കി വാഷിംഗ്ടണ്‍ സുന്ദര്‍ ഈ കൂട്ടുകട്ട് തകര്‍ത്തു. സുന്ദറിന്റെ മത്സരത്തിലെ മൂന്നാം വിക്കറ്റായിരുന്നു ഇത്. മിച്ചല്‍ സ്റ്റാര്‍ക്ക് 20 റണ്‍സ് നേടിയപ്പോള്‍ ജോഷ് ഹാസല്‍വുഡിനെയാണ് അവസാന വിക്കറ്റായി നടരാജന്‍ പുറത്താക്കിയത്. താരം 11 റണ്‍സാണ് നേടിയത്.
