ഇന്ന് ഏഷ്യാ കപ്പിലെ സൂപ്പർ 4 പോരാട്ടത്തിൽ ശ്രീലങ്കയുടെ യുവ സ്പിന്നർ ദുനിത് വെല്ലലാഗെ ഇന്ത്യൻ ബാറ്റിങിനെ തകർത്തിരുന്നു. താൻ നേടിയ വിക്കറ്റുകളിൽ ഏറ്റവും സ്പെഷ്യൽ കോഹ്ലിയുടേതാണ് എന്ന് വെല്ലലാഗേ പറഞ്ഞു. ശുഭ്മാൻ ഗിൽ, രോഹിത് ശർമ്മ, വിരാട് കോഹ്ലി, കെ എൽ രാഹുൽ, ഹാർദിക് പാണ്ഡ്യ എന്നിവരുടെ വിക്കറ്റ് ആയിരുന്നു വെല്ലലഗെ ഇന്ന് നേടിയത്‌.
.
“ഈ പ്രകടനം നടത്താൻ ആയതിൽ ടീമംഗങ്ങളോടും ബൗളിംഗ് കോച്ചിനോടും പ്രത്യേകം നന്ദി അറിയിക്കാൻ ഞാൻ ആഗ്രഹിക്കുന്നു, ബൗളിംഗ് കോച്ചിനോട് പ്രത്യേക നന്ദി. അവരെല്ലാം ഇതിന്റെ ഭാഗമായിട്ടുണ്ട്. പ്രകടനത്തിൽ ഞാൻ സന്തുഷ്ടനാണ്, അവരുടെ പിന്തുണയില്ലാതെ ഇത് സാധ്യമല്ല.” യുവതാരം പറഞ്ഞു.
“വിരാട് കോഹ്ലിയുടെ വിക്കറ്റ് ഒരു വളരെ സ്പെഷ്യൽ ആയ ഒന്നാണ്. ഞാൻ ഇന്നും എന്റെ സ്വാഭാവിക ബൗളുകൾ ആണ് ചെയ്യാൻ ശ്രമിച്ചത്, കൂടുതൽ വ്യത്യാസങ്ങൾ പരീക്ഷിക്കാൻ നോക്കിയില്ല,” വെല്ലലഗെ പറഞ്ഞു.
