തകർപ്പൻ വിജയത്തോടെ ഏഷ്യ കപ്പിന് തുടക്കം കുറിച്ച് ഇന്ത്യൻ വനിതകൾ

വനിതാ ഏഷ്യ കപ്പ് ക്രിക്കറ്റ് ടൂർണമെന്റിലെ ആദ്യ മത്സരത്തിൽ തായ്‌ലൻഡിനെ 94 റൺസിന് തകർത്ത് ഇന്ത്യൻ വനിതാ ടീം വിജയത്തുടക്കം കുറിച്ചു. ആദ്യം ബാറ്റ് ചെയ്ത ഇന്ത്യ നിശ്ചിത 20 ഓവറിൽ 9 ഓവറിൽ 159 റൺസ് എടുത്തപ്പോൾ തായ്‌ലൻഡിന്റെ മറുപടി ബാറ്റിംഗ് 16.1 ഓവറിൽ 65 റൺസിൽ അവസാനിച്ചു. 36 പന്തിൽ 64 റൺസ് നേടിയ ഷഫാലി വർമ്മയുടെ മികച്ച ബാറ്റിംഗാണ് ഇന്ത്യയ്ക്ക് ശക്തമായ അടിത്തറ നൽകിയത്. തായ്‌ലൻഡിനായി സുലീപോൺ ലാവോമി 26 റൺസിന് 3 വിക്കറ്റും സുനിദ ചതുരംഗ്രത്താന 31 റൺസിന് 2 വിക്കറ്റും വീഴ്ത്തി.

160 റൺസ് വിജയലക്ഷ്യവുമായി മറുപടി ബാറ്റിംഗിനിറങ്ങിയ തായ്‌ലൻഡിന് ഇന്ത്യൻ ബൗളർമാർക്ക് മുന്നിൽ പിടിച്ചുനിൽക്കാനായില്ല. 48 പന്തിൽ 41 റൺസ് നേടിയ നന്നപത് കോഞ്ചാരോയെങ്കായ് മാത്രമാണ് തായ് നിരയിൽ പൊരുതിയത്. ഇന്ത്യയ്ക്കായി ദീപ്തി ശർമ്മ 1.1 ഓവറിൽ വെറും 1 റൺ മാത്രം വഴങ്ങി 3 വിക്കറ്റുകൾ വീഴ്ത്തി തിളങ്ങിയപ്പോൾ നന്ദനി ശർമ്മ 18 റൺസിന് 3 വിക്കറ്റും നേടി ടീമിന്റെ വിജയം എളുപ്പമാക്കി.