പാക്കിസ്ഥാനെതിരെ ടെസ്റ്റ് ടീമിനെ പ്രഖ്യാപിച്ച് ഓസ്ട്രേലിയ. ആരോണ്‍ ഫിഞ്ചും ട്രാവിസ് ഹെഡും ഉള്‍പ്പെടെ അഞ്ച് പുതുമുഖ താരങ്ങളെയാണ് സ്ക്വാഡില്‍ ഓസ്ട്രേലിയ ഉള്‍പ്പെടുത്തിയിട്ടുള്ളത്. മൈക്കല്‍ നീസര്‍, ബ്രണ്ടന്‍ ഡോഗ്ഗെറ്റ്, മാര്‍ണസ് ലാബുഷാംഗ്നേ എന്നിവരാണ് മറ്റു താരങ്ങള്‍. പല പ്രധാന താരങ്ങളുമില്ലാത്തതിനാലാണ് ഓസ്ട്രേലിയ ഈ മാറ്റങ്ങള്‍ക്ക് മുതിരേണ്ടി വന്നിരിക്കുന്നത്. യുഎഇയിലെ പിച്ചുകളെ കൂടി കണക്കിലെടുത്താണ് ഓസ്ട്രേലിയയുടെ ടീം പ്രഖ്യാപനമെന്ന് ഓസ്ട്രേലിയയുടെ ദേശീയ സെലക്ടറായ ട്രെവര്‍ ഹോണ്‍സ് പറഞ്ഞു.
ഇന്ത്യയില്‍ ഓസ്ട്രേലിയ എ ടീമിനൊപ്പമുള്ള ചില താരങ്ങളെയും ടീമില്‍ ഉള്‍പ്പെടുത്തിയിട്ടുണ്ട്. പീറ്റര്‍ സിഡില്‍ ടെസ്റ്റ് ടീമിലേക്ക് മടങ്ങിയെത്തുമ്പോള്‍ ഗ്ലെന്‍ മാക്സ്വെല്‍, പീറ്റര്‍ ഹാന്‍ഡ്സ്കോമ്പ് എന്നിവര്‍ക്ക് സ്ഥാനം ലഭിച്ചില്ല. ടിം പെയിനാണ് ടീമിന്റെ നായകന്‍.
ഓസ്ട്രേലിയ ടെസ്റ്റ് സ്ക്വാഡ്: ടിം പെയിന്‍, ആരോണ്‍ ഫിഞ്ച്, ട്രാവിസ് ഹെഡ്, ഉസ്മാന്‍ ഖ്വാജ, ആഷ്ടണ്‍ അഗര്‍, ബ്രണ്ടന്‍ ഡോഗ്ഗെറ്റ്, ജോണ്‍ ഹോളണ്ട്, മാര്‍ണസ് ലാബുഷാംഗ്നേ, നഥാന്‍ ലയണ്‍, മിച്ച് മാര്‍ഷ്, ഷോണ്‍ മാര്‍ഷ്, മൈക്കല്‍ നീസേര്‍, മാറ്റ് റെന്‍ഷാ, പീറ്റര്‍ സിഡില്‍, മിച്ചല്‍ സ്റ്റാര്‍ക്ക്
