42ാം ഏകദിന ശതകവുമായി കോഹ്‍ലി

- Advertisement -

ഏകദിനത്തില്‍ തന്റെ 42ാം ശതകം നേടി വിരാട് കോഹ്‍ലി. ഇന്ന് പോര്‍ട്ട് ഓഫ് സ്പെയിനില്‍ ആദ്യം ബാറ്റ് ചെയ്ത ഇന്ത്യയ്ക്ക് വേണ്ടി തന്റെ 42ാം ശതകം നേടുമ്പോള്‍ കോഹ‍്‍ലി വേറെയും ചില റെക്കോര്‍ഡുകള്‍ നേടിയിരുന്നു. ക്യാപ്റ്റനെന്ന നിലയില്‍ 20 ശതകങ്ങള്‍ പൂര്‍ത്തിയാക്കിയ താരം ക്യാപ്റ്റനെന്ന നിലയില്‍ ഒരു പ്രത്യേക ടീമിനെതിരെ ഏറ്റവും കൂടുതല്‍ ശതകം നേടുന്ന താരം കൂടിയായി മാറി. വിന്‍ഡീസിനെതിരെ ആറ് ശതകമാണ് ക്യാപ്റ്റനെന്ന നിലയില്‍ വിരാട് കോഹ്‍ലി പൂര്‍ത്തിയാക്കിയത്. റിക്കി പോണ്ടിംഗ് ന്യൂസിലാണ്ടിനെതിരെ നേടിയ 5 ശതകങ്ങളുടെ റെക്കോര്‍ഡാണ് ഇന്ന് വിരാട് കോഹ്‍ലി മറികടന്നത്.

ഒരു ടീമിനെതിരെ ഏകദിനത്തില്‍ ഏറ്റവും അധികം ശതകം നേടുകയെന്ന സച്ചിന്‍ ടെണ്ടുല്‍ക്കറുടെ റെക്കോര്‍ഡിന് ഒരു ശതകം പിറകെ നില്‍ക്കുകയാണ് വിരാട്. ഓസ്ട്രേലിയയ്ക്കെതിരെ 9 ശതകം സച്ചിന്‍ നേടിയപ്പോള്‍ കോഹ്‍ലി വിന്‍ഡീസ്, ഓസ്ട്രേലിയ, ശ്രീലങ്ക എന്നിവര്‍ക്കെതിരെ എട്ട് ശതകങ്ങള്‍ നേടിയിട്ടുണ്ട്.

Advertisement