Author: specialdesk

ഇന്ന് ആന്ദ്രേയസ് പെര്യേരയുടെ കരാർ പുതുക്കിയതിനു പുറമെ യുവ ഇംഗ്ലീഷ് ഡിഫൻഡർ അക്സെൽ തുവാൻസെബെയുടെയും കരാർ പുതുക്കി മാഞ്ചസ്റ്റർ യുണൈറ്റഡ്. ആന്ദ്രേയസ് പെര്യേരയുടെ കരാർ പുതുക്കിയ വിവരം പുറത്തുവിട്ടതിനു പിന്നാലെയാണ് അക്സെലിന്റെയും കരാർ പുതുക്കിയ വാർത്ത യുണൈറ്റഡ് പുറത്തുവിട്ടത്. മൂന്നു വർഷത്തെ കരാറിൽ ഒപ്പിച്ച അക്സെൽ 2022 വരെ ക്ലബിൽ തുടരും. ഒരു വർഷത്തേക്ക് കൂടെ കരാർ പുതുക്കാനുള്ള ഉപാധിയും യുണൈറ്റഡിന്റെ പുതിയ കരാറിൽ ഉണ്ട്.

https://twitter.com/ManUtd/status/1147107292351029248?s=19

മാഞ്ചസ്റ്റർ യുണൈറ്റഡിന്റെ അക്കാദമി താരമായ ആക്സെൽ 2017ൽ ആണ് യുണൈറ്റഡിന് വേണ്ടി അരങ്ങേറ്റം കുറിക്കുന്നത്. തുടർന്ന് കഴിഞ്ഞ വർഷം ആസ്റ്റൻ വില്ലയിൽ ലോണടിസ്ഥാനത്തിൽ കളിക്കാൻ പോയ ആക്സെൽ മികച്ച പ്രകടനമായിരുന്നു പുറത്തെടുത്ത്. ആസ്റ്റൻ വില്ലയെ പ്രീമിയർ ലീഗിൽ തിരിച്ചെത്തിക്കുന്നതിൽ നിർണായക പങ്കായിരുന്നു ആക്സെൽ വഹിച്ചത്.

മാഞ്ചസ്റ്റർ യുണൈറ്റഡിന്റെ ബ്രസീലിയൻ മധ്യനിര താരം ആന്ദ്രേയസ് പെര്യേരക്ക് ഓൾഡ് ട്രാഫോഡിൽ പുതിയ കരാർ. താരം കരാർ പുതുക്കിയ വിവരം ഇന്നാണ് മാഞ്ചസ്റ്റർ യുണൈറ്റഡ് തങ്ങളുടെ ഒഫിഷ്യൽ സോഷ്യൽ മീഡിയ അക്കൗണ്ടുകൾ വഴിയും വെബ്‌സൈറ്റ് വഴിയും പുറത്തുവിട്ടത്. പുതിയ കരാർ പ്രകാരം പെര്യേരക്ക് 2023 ജൂൺ വരെ ഓൾഡ് ട്രാഫോഡിൽ തുടരാൻ കഴിയും. യുവതാരം റാഷ്‌ഫോർഡിന്റെയും കരാർ കഴിഞ്ഞ ദിവസം യുണൈറ്റഡ് പുതുക്കിയിരുന്നു.

നാല് വർഷത്തെ കരാറിൽ ആണ് പെര്യേര ഒപ്പിട്ടിരിക്കുന്നത്, വേണ്ടി വന്നാൽ ഒരു വര്ഷം കൂടെ കരാർ പുതുക്കാനുള്ള സാധ്യതയും കരാറിൽ ഉൾപ്പെടുത്തിയിട്ടുണ്ട്. 23 വയസുകാരനായ പെര്യേര 2011-12 സീസണിൽ ആണ് മാഞ്ചസ്റ്റർ യുണൈറ്റഡിൽ എത്തിയത്. അക്കാദമി താരമായ പെര്യേര ഇതുവരെ ഫസ്റ്റ് ടീമിനായി 35 മത്സരങ്ങളിൽ കുപ്പായം അണിഞ്ഞിട്ടുണ്ട്.

ബെൽജിയത്തിൽ ജനിച്ച പെര്യേര ബ്രസീലിനു വേണ്ടിയാണു കളിക്കുന്നത്. മുൻ ബ്രസീലിയൻ താരമായ മാർക്കോസ് പെര്യേരയുടെ മകനായ ആന്ദ്രേയസ് പെര്യേര കഴിഞ്ഞ വര്ഷം ബ്രസീലിനു വേണ്ടി അരങ്ങേറ്റം കുറിച്ചിരുന്നു.

കഴിഞ്ഞ വർഷമാണ് പെര്യേര മാഞ്ചസ്റ്റർ യുണൈറ്റഡ് ഫസ്റ്റ് ടീമിൽ സ്ഥിരാംഗമാവുന്നത്, അതിനു മുൻപ് വലൻസിയയിലും ഗ്രാനഡയാലും ഓരോ വര്ഷം ലോൺ അടിസ്ഥാനത്തിൽ പെര്യേര കളിച്ചിരുന്നു. സൗതാംപ്ടന് എതിരെയുള്ള ബോക്സിനു പുറത്തുവെച്ചു നേടിയ പെര്യേരയുടെ ഗോൾ കഴിഞ്ഞ വർഷത്തെ മികച്ച ഗോളായി മാഞ്ചസ്റ്റർ യുണൈറ്റഡ് ആരാധകർ തിരഞ്ഞെടുത്തിരുന്നു.

എവർട്ടനു വേണ്ടി കളിയ്ക്കാൻ ടീം വിട്ടു കൃത്യം പന്ത്രണ്ട് വർഷങ്ങൾക്ക് ശേഷം ഷെഫീൽഡ് യുണൈറ്റഡിൽ തിരിച്ചെത്തി പ്രതിരോധ നിര താരം ഫിൽ ജഗിയെൽക്ക. കഴിഞ്ഞ മാസം എവർട്ടൻ വിടുമെന്ന് പ്രഖ്യാപിച്ചിരുന്ന ജഗിയെൽക്ക ഇന്നലെയാണ് ഫ്രീ ട്രാൻസ്ഫറിൽ തന്റെ കുട്ടിക്കാലത്തെ ക്ലബ് ആയിരുന്ന ഷെഫീൽഡ് യുണൈറ്റഡിൽ തിരിച്ചെത്തിയത്.

തന്റെ പതിനഞ്ചാം വയസിൽ ഷെഫീൽഡിൽ ചേർന്ന ജഗിയെൽക്ക ക്ലബിന് വേണ്ടി 287ഓളം മത്സരങ്ങൾ കളിച്ച ശേഷം 2007ൽ ആണ് എവർട്ടനിൽ എത്തിയത്. തുടർന്നിങ്ങോട്ട് 12 വർഷത്തോളം എവർട്ടനിൽ കളിച്ച ജഗിയെൽക്ക 387 മത്സരങ്ങളിൽ എവർട്ടൻ കുപ്പായമണിഞ്ഞു. 36കാരനായ ജഗിയെൽക്കയെ കരാർ കഴിഞ്ഞതിനെ തുടർന്ന് എവർട്ടൻ റിലീസ് ചെയ്യുകയായിരുന്നു.

2007ൽ പ്രീമിയർ ലീഗിൽ നിന്നും തരംതാഴ്ത്തപ്പെട്ടതിനു ശേഷം ആദ്യമായാണ് ഷെഫീൽഡ് യുണൈറ്റഡ് പ്രീമിയർ ലീഗ് കളിയ്ക്കാൻ യോഗ്യത നേടിയിരിക്കുന്നത്. 2007ൽ ഷെഫീൽഡിൽ ജഗിയെൽക്ക കളിച്ചതിനു ശേഷം ആദ്യമായി വീണ്ടും പ്രീമിയർ ലീഗിൽ കളിയ്ക്കാൻ ഷെഫീൽഡ് യുണൈറ്റഡിന്റെ കൂടെ ഇനി ജഗിയെൽക്കയും ഉണ്ടാവും.

കഴിഞ്ഞ ദിവസമാണ് സ്പാനിഷ് താരം ഹുവാൻ മാറ്റ മാഞ്ചസ്റ്റർ യുണൈറ്റഡിന് വേണ്ടി തന്റെ കരാർ പുതുക്കിയത്. ഇപ്പോൾ പുറത്തു വരുന്ന വാർത്തകൾ പ്രകാരം രണ്ടു വർഷത്തെ മാഞ്ചസ്റ്റർ യുണൈറ്റഡ് കരാർ ലഭിക്കാൻ വേണ്ടി മാറ്റ തന്റെ വേതനത്തിൽ കുറവ് വരുത്താൻ തയ്യാറായി എന്നതാണ്.

2014 ജനുവരിയിൽ ചെൽസിയിൽ നിന്നുമാണ് ഹുവാൻ മാറ്റ 37 മില്യൻ തുകക്ക് അഞ്ചു വർഷത്തെ കരാറിൽ മാഞ്ചസ്റ്റർ യുണൈറ്റഡിൽ എത്തിയത്. ഏകദേശം 180,000 പൗണ്ട് തുകയായിരുന്നു മാറ്റയുടെ ഒരാഴ്ചയിലെ വേതനം. അതിൽ നിന്നും ഏകദേശം 45,000 തുക കുറച്ചു 135,000 പൗണ്ട് തുകയാണ് പുതിയ കരാർ പ്രകാരം മാറ്റക്ക് വേതനമായി ലഭിക്കുക. നിലവിലെ കരാർ പ്രകാരം മാറ്റ 2021 വരെ ഓൾഡ് ട്രാഫോഡിൽ തുടരും.

2014 മുതൽ മാഞ്ചസ്റ്റർ യുണൈറ്റഡിന്റെ പ്രധാന താരമായിരുന്ന മാറ്റ ഇതുവരെ യൂണിറ്റഡിനായി 218 മത്സരങ്ങളിൽ ബൂട്ട് കെട്ടുകയും 45 ഗോളുകൾ നേടുകയും ചെയ്തിട്ടുണ്ട്. കഴിഞ്ഞ രണ്ടു സീസണുകളിൽ ടീമിൽ അവസരം കുറഞ്ഞു വന്നു മാറ്റ ടീം വിടുമെന്ന വാർത്തകൾ വന്നതിനിടക്കാണ് പുതിയ കരാറിൽ ഒപ്പിട്ടിരിക്കുന്നത്.