വനിത ഐപിഎൽ ഫ്രാഞ്ചൈസിയ്ക്കായി മാഞ്ചസ്റ്റര് യുണൈറ്റഡ് ഉടമകളും
വനിത ഐപിഎൽ ഫ്രാഞ്ചൈസിയിൽ താല്പര്യം പ്രകടിപ്പിച്ച് മാഞ്ചസ്റ്റര് യുണൈറ്റഡ് ഉടമകളായ ഗ്ലേസേഴ്സ് കുടുംബം. ഐഎൽടി20 ദുബായിയിൽ ഡെസേര്ട് വൈപ്പേഴ്സിന്റെ ഉടമകള് കൂടിയാണ് ഗ്ലേസേഴ്സ് കുടുംബം.
ഐഎൽടി20യിൽ പങ്കാളിത്തം ഉറപ്പാക്കിയതോടെ ക്രിക്കറ്റിലെ മറ്റ് സാധ്യതകളും നോക്കുന്നുണ്ട് അതിൽ വനിത ഐപിഎലും ഉള്പ്പെടുന്നുവെന്നാണ് ഡെസേര്ട് വൈപ്പേഴ്സിന്റെ സിഇഒ ആയ ഫിൽ ഒളിവര് വ്യക്തമാക്കിയത്.
എന്നാൽ ഇതിനുള്ള ടെണ്ടര് വാങ്ങിയോ എന്നത് വ്യക്തമാക്കുവാന് അദ്ദേഹം തുനിഞ്ഞില്ല. ആ വിശദാംശങ്ങള് തനിക്കിപ്പോള് പുറത്ത് വിടാനാകില്ല എന്നാണ് അദ്ദേഹം പറഞ്ഞത്.