റൺ കണ്ടെത്താൻ പ്രയാസപ്പെട്ട് ഗുജറാത്ത് ജയന്റ്സ്, ആർ സി ബിക്ക് ജയിക്കാൻ 108 റൺസ്

വനിതാ പ്രീമിയർ ലീഗിൽ ആർ സി ബിയെ നേരിടുന്ന ഗുജറാത്ത് ജയന്റ്സ് 20 ഓവറിൽ ആകെ എടുത്തത് 107 റൺസ് മാത്രം. ഇന്ന് 20 ഓവറും ബാറ്റു ചെയ്ത ഗുജറാത്ത് റൺസ് കണ്ടെത്താൻ പ്രയാസപ്പെട്ടു. 25 പന്തിൽ നിന്ന് 31 റൺസ് എടുത്ത ഹേമലത ആണ് ഗുജറാത്തിന്റെ ടോപ് സ്കോറർ ആയത്. ഹർലീൻ ദിയോൾ 22 റൺസും എടുത്തു വേറെ ആരും തിളങ്ങിയില്ല.

ആർ സി ബിക്ക് ആയി സോഫി മൊലിനക്സ് 3 വിക്കറ്റ് വീഴ്ത്തി. രേണുക സിംഗ് 2 വിക്കറ്റും വീഴ്ത്തി. മലയാളി താരം ശോഭന ആശ മൂന്ന് ഓവർ എറിഞ്ഞ് 13 റൺസ് മാത്രം വിട്ടുകൊടുത്തു. കഴിഞ്ഞ മത്സരത്തിൽ ആശ 5 വിക്കറ്റ് എടുത്തിരുന്നു.