അടിച്ച് തകര്ത്ത് നത്താലി, 182 റൺസ് നേടി മുംബൈ
വനിത പ്രീമിയര് ലീഗ് എലിമിനേറ്റര് മത്സരത്തിൽ യുപിയ്ക്ക് കനത്ത വെല്ലുവിളിയുയര്ത്തുന്ന സ്കോര് നേടി മുംബൈ ഇന്ത്യന്സ്. ഇന്ന് ടോസ് നഷ്ടമായി ബാറ്റിംഗിനിറങ്ങിയ മുംബൈ 4 വിക്കറ്റ് നഷ്ടത്തിൽ 182 റൺസാണ് നേടിയത്. യാസ്തിക ഭാട്ടിയ(21), ഹെയ്ലി മാത്യൂസ്(26) എന്നിവര് മികച്ച തുടക്കം മുംബൈയ്ക്ക് നൽകിയപ്പോള് വെടിക്കെട്ട് പ്രകടനവുമായി പുറത്താകാതെ നിന്ന നത്താലി സ്കിവര് ആണ് മുംബൈയ്ക്ക് മികച്ച സ്കോര് നൽകിയത്.
38 പന്തിൽ നിന്ന് 72 റൺസാണ് നത്താലി സ്കിവര് നേടിയത്. 9 ഫോറും 2 സിക്സും ആണ് സ്കിവര് നേടിയത്. മെലി കെര് 29 റൺസും പൂജ വസ്ട്രാക്കര് 4 പന്തിൽ 11 റൺസും നേടിയപ്പോള് നാല് വിക്കറ്റ് നഷ്ടത്തിൽ മിന്നും സ്കോറിലേക്ക് മുംബൈ എത്തി. യുപിയ്ക്കായി സോഫി എക്ലെസ്റ്റോൺ 2 വിക്കറ്റ് നേടി.