WPL 2025 ലേലം; 16 വയസ്സുകാരി ജി കമാലിനിയെ മുംബൈ ഇന്ത്യൻസ് 1.6 കോടി രൂപയ്ക്ക് സ്വന്തമാക്കി
16 വയസ്സുള്ള തമിഴ്നാട് ഓൾറൗണ്ടർ ജി കമാലിനിയെ 1.6 കോടി രൂപയ്ക്ക് മുംബൈ ഇന്ത്യൻസ് WPL 2025 മിനി ലേലത്തിൽ സ്വന്തമാക്കി. 10 ലക്ഷം രൂപ അടിസ്ഥാന വിലയിൽ ആരംഭിച്ച അൺക്യാപ്ഡ് താരത്തിനായുള്ള ലേലം ആവേശകരമായിരുന്നു. അവസാനം MI ഡൽഹി ക്യാപിറ്റൽസിനെ മറികടന്നാണ് സ്വന്തമാക്കിയത്.
അടുത്തിടെ പാക്കിസ്ഥാനെതിരായ അണ്ടർ 19 ഏഷ്യാ കപ്പ് വിജയത്തിൽ കമാലിനി 29 പന്തിൽ 44 റൺസ് നേടിയിരുന്നു. എട്ട് മത്സരങ്ങളിൽ നിന്ന് 311 റൺസ് നേടിയ അവർ U-19 വനിതാ ടി20 ട്രോഫിയിലെ ഏറ്റവും ഉയർന്ന രണ്ടാമത്തെ ടോപ് സ്കോറർ കൂടിയാണ്.