റിസുവാനെയും രോഹിതിനെയും മറികടന്ന് കോഹ്ലി ലോകകപ്പ് റണ്ണിൽ ഒന്നാമത്

ഇന്ത്യൻ സൂപ്പർ സ്റ്റാർ ബാറ്റർ വിരാട് കോഹ്ലി ഈ ലോകകപ്പിൽ ഏറ്റവും കൂടുതൽ റൺസ് നേടുന്നവരുടെ ലിസ്റ്റിൽ ഒന്നാമത് എത്തി‌. ഇന്ന് ന്യൂസിലൻഡിന് എതിരെ നേടിയ 95 റൺസിന്റെ ഇന്നിംഗ്സ് ആണ് കോഹ്ലിയെ ഒന്നാമത് എത്തിച്ചത്. ഇന്നത്തെ ഇന്നിംഗ്സോടെ കോഹ്ലിക്ക് ഈ ലോകകപ്പിൽ 354 റൺസ് ആയി. 311 റൺസ് ഉള്ള ഇന്ത്യൻ ക്യാപ്റ്റൻ രോഹിത് ശർമ്മയാണ് രണ്ടാം സ്ഥാനത്ത്.

294 റൺസ് ഉള്ള പാകിസ്താൻ താരം റിസുവാൻ ആയിരുന്നു ഇന്ന് മത്സരം തുടങ്ങുന്നത് വരെ ഒന്നമാത് ഉണ്ടായിരുന്നത്. ഏകദിനത്തിൽ കോഹ്ലിയുടെ 69-ാം അർധസെഞ്ചുറി ആയിരുന്നു ഇന്നത്തേത്‌.