ഡെൽഹിയിൽ അഫ്ഗാനു കിട്ടിയ പിന്തുണയ്ക്ക് നന്ദി പറഞ്ഞ് റാഷിദ് ഖാൻ
ഞായറാഴ്ച ന്യൂഡൽഹിയിലെ അരുൺ ജെയ്റ്റ്ലി സ്റ്റേഡിയത്തിൽ നടന്ന മത്സരത്തിൽ അഫ്ഗാനിസ്താന് കിട്ടിയ പിന്തുണയ്ക്ക് നന്ദി പറഞ്ഞ് അവരുടെ സ്റ്റാർ പ്ലയർ റാഷിദ് ഖാൻ. നിലവിലെ ചാമ്പ്യന്മാരായ ഇംഗ്ലണ്ടിനെതിരെ തകർപ്പൻ ജയം നേടാൻ ഇന്നലെ അഫ്ഗാനായിരുന്നു. ഒരു അട്ടിമറി വിജയം ആയതു കൊണ്ടു തന്നെ അഫ്ഗാനൊപ്പം ആയിരുന്ന്ഹ് ഭൂരിഭാഗം കാണികളും നിന്നത്.
തന്റെ ടീമിന് ലഭിച്ച പിന്തുണ തന്നെ ആവേശഭരിതനാക്കി എന്ന് ലെഗ് സ്പിന്നർ റാഷിദ് ഖാൻ പറഞ്ഞു. “ഡൽഹി സച്ച് മേ ദിൽ വാലോൻ കി ഹെ,” റാഷിദ് ഖാൻ തിങ്കളാഴ്ച സാമൂഹിക മാധ്യമത്തിൽ പോസ്റ്റ് ചെയ്തു.
“ഞങ്ങളെ പിന്തുണച്ച സ്റ്റേഡിയത്തിലെ എല്ലാ ആരാധകർക്കും ലോകമെമ്പാടുമുള്ള ഞങ്ങളുടെ എല്ലാ പിന്തുണക്കാർക്കും നന്ദി, നിങ്ങളുടെ സ്നേഹത്തിന് നന്ദി,” അദ്ദേഹം കൂട്ടിച്ചേർത്തു.