“സച്ചിന്റെ സെഞ്ച്വറി റെക്കോർഡ് ഈ ലോകകപിൽ തന്നെ കോഹ്ലി മറികടക്കും” – പോണ്ടിംഗ്

ഈ ഐസിസി ക്രിക്കറ്റ് ലോകകപ്പിനിടെ കോഹ്ലി ഏകദിനത്തിൽ ഏറ്റവും കൂടുതൽ സെഞ്ച്വറി നേടിയ സച്ചിൻ ടെണ്ടുൽക്കറുടെ റെക്കോർഡ് തകർക്കും എന്ന് ഓസ്‌ട്രേലിയൻ ഇതിഹാസം റിക്കി പോണ്ടിംഗ്. 282 ഏകദിനങ്ങളിൽ നിന്ന് 47 സെഞ്ചുറികൾ കോഹ്‌ലി ഇതിനകം നേടിയിട്ടുണ്ട്, സച്ചിന്റെ റെക്കോർഡിന് രണ്ട് സെഞ്ച്വറി മാത്രം കുറവ്.

463 ഏകദിനങ്ങളിൽ നിന്നായി 49 സെഞ്ചുറികൾ ആണ് സച്ചിൻ നേടിയിട്ടുള്ളത്. ഇന്ത്യക്ക് ഇനിയും കുറഞ്ഞത് എട്ട് ഏകദിനങ്ങളെങ്കിലും ലോകകപ്പിൽ കളിക്കാൻ ഉണ്ട്.

“കോഹ്ലി ഈ ലോകകപ്പിൽ ആ റെക്കോർഡ് മറികടക്കും എന്ന് ഞാൻ കരുതുന്നു. അയാൾക്ക് രണ്ട് സെഞ്ച്വറികൾ തീർച്ചയായും ലഭിക്കുമെന്ന് ഞാൻ കരുതുന്നു” പോണ്ടിംഗ് പറഞ്ഞു.“ഇന്ത്യയിലെ വേദികളും വിക്കറ്റുകളും ഗ്രൗണ്ടുകളും സ്‌കോറിംഗിനും വലിയ റൺസ് നേടുന്നതിനും വളരെ അനുയോജ്യമാണ്.” അദ്ദേഹം പറഞ്ഞു.