ലോകകപ്പിലെ പ്ലയർ ഓഫ് ദി ടൂർണമെന്റ് പുരസ്കാരം, 9 പേരുടെ ഷോർട്ട് ലിസ്റ്റിൽ 4 ഇന്ത്യൻ താരങ്ങൾ
ഈ ലോകകപ്പിലെ മികച്ച താരത്തിനുള്ള പുരസ്കാരം ആർക്ക് ലഭിക്കും എന്ന് നാളെ അറിയാം. ഐ സി സി പ്രഖ്യാപിച്ച അവസാന ഒമ്പത് പേരുടെ ഷോർട്ട്ലിസ്റ്റിൽ നാല് ഇന്ത്യൻ താരങ്ങൾ ഇടം നേടി. ഇന്ത്യൻ ക്യാപ്റ്റൻ രോഹിത് ശർമ്മ, വിരാട് കോഹ്ലി, മുഹമ്മദ് ഷമി, ജസ്പ്രീത് ബുംറ എന്നിവരടക്കം ആണ് ഒമ്പത് പേർ.
വിരാട് കോഹ്ലി ഇതുവരെ 711 റൺസ് ഈ ലോകകപ്പിൽ നേടിയിട്ടുണ്ട്. ഒരു ലോകകപ്പിൽ 700ൽ അധികം റൺസ് നേടുന്ന ആദ്യ താരമായി കോഹ്ലി മാറിയിരുന്നു. രോഹിത് ശർമ്മ 550 റൺസും ഇതുവരെ നേടി. ബൗളിംഗിൽ മുഹമ്മദ് ഷമി 6 മത്സരവളിൽ നിന്ന് 23 വിക്കറ്റ് നേടിയപ്പോൾ ബുമ്ര ഇതുവരെ 18 വിക്കറ്റും നേടി.
ഓസ്ട്രേലിയൻ സ്പിന്നാർ ആഡം സാംബ, മാക്സ്വെൽ, ന്യൂസിലൻഡ് താരങ്ങളായ മിച്ചൽ, രചിൻ രവീന്ദ്ര, ദക്ഷിണാഫ്രിക്കയുടെ ഡി കോക്ക് എന്നിവരാണ് ലിസ്റ്റിൽ ഉള്ള മറ്റു താരങ്ങൾ.