പരിക്കേറ്റ എതിരാളി പിന്മാറി, ജ്യോക്കോവിച് കളിക്കാതെ തന്നെ വിംബിൾഡൺ സെമിയിൽ

വിംബിൾഡൺ സെമിഫൈനലിലേക്ക് മുന്നേറി രണ്ടാം സീഡ് സെർബിയയുടെ നൊവാക് ജ്യോക്കോവിച്. എതിരാളി ആയിരുന്ന ഓസ്‌ട്രേലിയൻ താരം ഒമ്പതാം സീഡ് അലക്‌സ് ഡി മിനോർ പരിക്ക് കാരണം പിന്മാറിയതിനെ തുടർന്ന് ആണ് ജ്യോക്കോവിച് അവസാന നാലിൽ കളിക്കാതെ തന്നെ എത്തിയത്.

പ്രീ ക്വാർട്ടർ മത്സരത്തിൽ ആർതർ ഫിൽസിന് എതിരെ മാച്ച് പോയിന്റിന്റെ സമയത്ത് ആണ് ഓസ്‌ട്രേലിയൻ താരത്തിന് പരിക്കേറ്റത്. തുടർന്ന് ഇന്ന് താരം ക്വാർട്ടർ ഫൈനൽ കളിക്കാതെ പിന്മാറുക ആയിരുന്നു. സെമിഫൈനലിൽ 25 സീഡ് ഇറ്റലിയുടെ ലോറൻസോ മുസെറ്റി, 13 സീഡ് അമേരിക്കയുടെ ടെയ്‌ലർ ഫ്രിറ്റ്സ് മത്സരവിജയിയെ ആണ് 7 തവണ വിംബിൾഡൺ ജേതാവ് ആയ ജ്യോക്കോവിച് നേരിടുക.