യുഎസ് ഓപ്പണിൽ കാർലോസ് അൽക്കാരാസിന് തകർപ്പൻ ജയം; യിബിങ് വൂവിനെ തകർത്ത് അഞ്ചാം തവണയും പ്രീക്വാർട്ടറിൽ

യുഎസ് ഓപ്പൺ ടെന്നീസിൽ സ്പാനിഷ് സൂപ്പർ താരം കാർലോസ് അൽക്കാരാസ് തകർപ്പൻ പ്രകടനത്തോടെ മുന്നേറ്റം തുടരുന്നു. മൂന്നാം റൗണ്ടിൽ ചൈനയുടെ യിബിങ് വൂവിനെ നേരിട്ടുള്ള സെറ്റുകൾക്ക് തകർത്താണ് അൽക്കാരാസ് പ്രീക്വാർട്ടറിലേക്ക് പ്രവേശിച്ചത്. 6-3, 6-4, 6-1 എന്ന സ്കോറിനാണ് സ്പാനിഷ് താരത്തിന്റെ ആധികാരിക വിജയം.

ഹാർഡ് കോർട്ട് ഗ്രാന്റ്സ്ലാമുകളിൽ തുടർച്ചയായ 17-ാം വിജയമാണ് അൽക്കാരാസ് ഈ മത്സരത്തിലൂടെ കുറിച്ചത്. യുഎസ് ഓപ്പണിൽ താരത്തിന്റെ തുടർച്ചയായ 10-ാം ജയമാണിത്. കരിയറിൽ 16-ാം തവണയാണ് അൽക്കാരാസ് ഒരു ഗ്രാന്റ്സ്ലാം ടൂർണമെന്റിന്റെ രണ്ടാം വാരത്തിലേക്ക് യോഗ്യത നേടുന്നത്. യുഎസ് ഓപ്പണിൽ അഞ്ചാം തവണയും പ്രീക്വാർട്ടർ ഘട്ടത്തിലെത്തിയ താരം മികച്ച ഫോമും ആത്മവിശ്വാസവും നിലനിർത്തി കിരീടത്തിലേക്ക് കുതിക്കുകയാണ്.