ബെഞ്ചിൽ നിന്ന് മെസ്സി എത്തി, ബാഴ്സലോണക്ക് രക്ഷ

Newsroom

Download the Fanport app now!
Appstore Badge
Google Play Badge 1

ഇന്ന് ലാലിഗയിൽ നടന്ന മത്സരത്തിൽ മെസ്സി ബെഞ്ചിൽ നിന്ന് ഇറങ്ങേണ്ടി വന്നു ബാഴ്സലോണക്ക് ജയിക്കാൻ. ഇന്ന് ലെഗനെസിന് എതിരായ മത്സരത്തിലാണ് മെസ്സി ഇല്ലാതെ ബാഴ്സലോണ ഇറങ്ങിയത്. കളിയുടെ തുടക്കത്തിൽ ഡെമ്പലെ ബാഴ്സലോണക്ക് ലീഡ് നൽകി എങ്കിലും കളി 64 മിനുട്ട് കഴിഞ്ഞപ്പോൾ 1-1 എന്ന നിലയിലായിരുന്നു. ഇതാണ് ബാഴ്സയെ മെസ്സിയെ ഇറക്കാൻ നിർബന്ധിതരാക്കിയത്.

മെസ്സി ഇറങ്ങിയതോടെ കളി മാറുകയും ബാഴ്സലോണ 3-1ന് ജയിക്കുകയുമായുരുന്നു‌. മെസ്സിയും സുവാരസുമാണ് രണ്ടാം പകുതിയിൽ ബാഴ്സലോണക്കായി ഗോളുകൾ നേടിയത്. കളിയിൽ ഡെംബലെ പരിക്കേറ്റ് കളം വിട്ടത് ബാഴ്സലോണക്ക് നിരാശ നൽകും. 20 മത്സരങ്ങളിൽ 46 പോയന്റുമായി ലീഗിൽ ഒന്നമതായി തന്നെ നിൽക്കുകയാണ് ബാഴ്സലോണ.