Transfer

എഡിസൺ കവാനി ഇനി വലൻസിയ ജേഴ്സിയിൽ

1 min read

മുൻ മാഞ്ചസ്റ്റർ യുണൈറ്റഡ് താരം എഡിസൺ കവാനി ഇനി വലൻസിയയിൽ. സ്പാനിഷ് ക്ലബായ വലൻസിയയിൽ രണ്ട് വർഷത്തെ കരാർ ആണ് കവാനി ഒപ്പുവെച്ചത്. ഇന്ന് ക്ലബ് ഔദ്യോഗികമായി ഈ നീക്കം പ്രഖ്യാപിച്ചു.

നേരത്തെ വിയ്യാറയലും ഫ്രഞ്ച് ക്ലബായ നീസും കവാനിക്ക് വേണ്ടി രംഗത്ത് ഉണ്ടായിരുന്നു. പക്ഷെ കവാനി അവസാനം വലൻസിയ തിരഞ്ഞെടുക്കുക ആയിരുന്നു.

കഴിഞ്ഞ സീസണിൽ മാഞ്ചസ്റ്റർ യുണൈറ്റഡിൽ അധികം തിളങ്ങാൻ കവാനിക്ക് ആയിരുന്നില്ല. നിരന്തരം പരിക്കേറ്റ കവാനിക്ക് വളരെ ചുരുക്കം മത്സരങ്ങൾ മാത്രമെ കളിക്കാൻ ആയിരുന്നുള്ളൂ. മുമ്പ് പി എസ് ജിയിലും നാപോളിയിലും ഐതിഹാസിക പ്രകടനങ്ങൾ നടത്തിയിട്ടുള്ള താരമാണ് കവാനി. ഉറുഗ്വേക്ക് ആയി 130ൽ അധികം മത്സരങ്ങൾ കളിച്ചിട്ടുണ്ട്.