റയൽ മാഡ്രിഡ് ഗോളി ഇനി ഇംഗ്ലണ്ട് ചാമ്പ്യൻഷിപ്പിൽ
റയൽ മാഡ്രിഡ് ഗോൾകീപ്പർ കിക്കോ കാസില്ല ഇനി ഇംഗ്ലീഷ് ചാംപ്യൻഷിപ് ക്ലബ്ബായ ലീഡ്സ് യുണൈറ്റഡിൽ. നാലര വർഷത്തെ കരാറിലാണ് 32 വയസുകാരനായ കാസില്ല ലീഡ്സിൽ എത്തുന്നത്. 18 മാസത്തെ റയൽ കരാർ ബാക്കി ഉണ്ടെങ്കിലും താരത്തെ ഫ്രീ ആയിട്ട് നൽകാൻ റയൽ തീരുമാനിക്കുകയായിരുന്നു.
റയലിൽ കോർട്ടോ, നവാസ് എന്നിവർക്ക് പിറകിലായി മൂന്നാം സ്ഥാനത്തായിരുന്നു കാസില്ല. 2015 ൽ എസ്പാനിയോളിൽ നിന്നാണ് താരം മാഡ്രിഡിൽ എത്തിയത്. നിലവിൽ ചാമ്പ്യൻഷിപ്പിൽ ഒന്നാം സ്ഥാനത്താണ് അർജന്റീനക്കാരൻ മാർസെലോ ബിസ്ല പരിശീലിപ്പിക്കുന്ന ലീഡ്സ്.