നഥാൻ റെഡ്മണ്ടിനെ ബേർൺലി സ്വന്തമാക്കി

ഈ സമ്മർ ട്രാൻസ്ഫറിലെ അഞ്ചാമത്തെ സൈനിംഗ് ബേർൺലി പൂർത്തിയാക്കി. ഈ വേനൽക്കാലത്ത് ബെസിക്‌റ്റാസ് വിട്ട നഥാൻ റെഡ്മണ്ട് ആണ് ബേർൺലിയിൽ എത്തുന്നത്. 2 വർഷത്തെ കരാർ ആണ് താരം ഒപ്പുവെച്ചത്‌.

പരിചയസമ്പന്നനായ വിംഗർ കഴിഞ്ഞ സീസണിൽ ടർക്കിഷ് സൂപ്പർ ലിഗിൽ ആയിരുന്നു കളിച്ചത്‌‌ അവിടെ മുൻ സതാംപ്ടൺ ഫോർവേഡ് ബെസികാസിനായി 28 ഗെയിമുകളിൽ നിന്ന് ആറ് ഗോളുകൾ നേടി.

നോർവിച്ച് സിറ്റി, ബർമിംഗ്ഹാം സിറ്റി, സതാമ്പ്ടൺ എന്നിവർക്കായി 250-ലധികം പ്രീമിയർ ലീഗ് മത്സരങ്ങൾ താരം കളിച്ചിട്ടുണ്ട്.

“പ്രീമിയർ ലീഗിൽ വീണ്ടും കളിക്കാൻ എനിക്ക് എപ്പോഴും ആഗ്രഹമുണ്ടായിരുന്നു. ബേൺലിയുടെ പ്രോജക്റ്റ് എന്റെ അഭിലാഷങ്ങളുമായി പൊരുത്തപ്പെടുന്നു.” കരാർ ഒപ്പുവെച്ച ശേഷം റെഡ്മണ്ട് പറഞ്ഞു.