പെഗുലയെ പരാജയപ്പെടുത്തി സബലെങ്ക മിയാമി ഓപ്പൺ കിരീടം നേടി
WTA 1000 ഫൈനലിൽ ജെസീക്ക പെഗുലയെ 7-5, 6-2 എന്ന സ്കോറിന് പരാജയപ്പെടുത്തി ലോക ഒന്നാം നമ്പർ താരം അരിന സബലെങ്ക തന്റെ ആദ്യ മയാമി ഓപ്പൺ കിരീടം നേടി. ജനുവരിയിൽ ബ്രിസ്ബേൻ വിജയിച്ചതിന് ശേഷം സീസണിലെ സബലെങ്കയുടെ രണ്ടാമത്തെ കിരീടമാണിത്.
ഇന്ത്യൻ വെൽസ് ഫൈനലിൽ മിറ ആൻഡ്രീവയോട് തോറ്റതിന് ശേഷം, മറ്റൊരു തിരിച്ചടി ഒഴിവാക്കാൻ ദൃഢനിശ്ചയം ചെയ്ത പോരാട്ടം ആണ് സബലെങ്ക ഇന്ന് കാഴ്ചവെച്ചത്. ഒരു മണിക്കൂർ 27 മിനിറ്റിനുള്ളിൽ അവൾ വിജയം ഉറപ്പിച്ചു. സബലെങ്കയ്ക്കെതിരെ കളിച്ച മൂന്ന് ഫൈനലുകളിലും പെഗുല പരാജയപ്പെട്ടു.