Tag: West Ham

പകരക്കാരനായി ഇറങ്ങി ലൂക്കാസ് പെരസ് മിന്നൽ പിണറായ മത്സരത്തിൽ വെസ്റ്റ് ഹാമിന് മികച്ച ജയം. സ്വന്തം മൈതാനമായ ലണ്ടൻ സ്റ്റേഡിയത്തിൽ 3-1 നാണ് ഹാമേഴ്സ് ജയിച്ചു കയറിയത്. ജയത്തോടെ 18 പോയിന്റുള്ള വെസ്റ്റ് ഹാം 12 ആം സ്ഥാനത്തെത്തി.

മാർക്കോ അനാടോവിച് പരിക്കേറ്റ് പുറത്ത് പോയപ്പോൾ പകരക്കാരനായി ഇറങ്ങിയ ലൂക്കാസ് പെരസ് ആദ്യ പകുതിയിൽ നേടിയ ഇരട്ട ഗോളുകളാണ് പല്ലെഗ്രിനിയുടെ ടീമിന് ജയം ഉറപ്പാക്കിയത്. 49,54 മിനുട്ടുകളിലാണ് താരം ഗോൾ നേടിയത്. പിന്നീട് 61 ആം മിനുട്ടിൽ അന്റോണിയോ മൂന്നാം ഗോൾ നേടിയതോടെ അവർ ജയം ഉറപ്പാക്കുകയായിരുന്നു. നേരത്തെ കാർഡിഫിന് പെനാൽറ്റി ലഭിച്ചെങ്കിലും രാൾസിന്റെ കിക്ക് വെസ്റ്റ് ഹാം ഗോളി ഫാബിയൻസ്കി തടുത്തത് മത്സര ഫലത്തിൽ നിർണായകമായി. കളി തീരാൻ സെക്കന്റുകൾ ബാക്കി നിൽക്കേ ജോഷ് മർഫിയാണ് കാർഡിഫിന്റെ ആശ്വാസ ഗോൾ നേടിയത്.

ഇംഗ്ലീഷ് പ്രീമിയർ ലീഗിൽ വെസ്റ്റ് ഹാമിന് സമനില. ഹഡേഴ്‌സ്ഫീൽഡ് ടൗണാണ് പല്ലെഗ്രിനിയുടെ ടീമിനെ സമനിലയിൽ തളച്ചത്. ഇരു ടീമുകളും ഓരോ ഗോൾ വീതം നേടി.

മത്സര തുടക്കത്തിൽ തന്നെ ഹഡേഴ്‌സ്ഫീൽഡ് മികച്ച ഗോളോടെ മുന്നിലെത്തുകയായിരുന്നു. പ്രിച്ചാർഡിന്റെ ഷോട്ട് തടുക്കുന്നതിൽ വെസ്റ്റ് ഹാം ഗോളി ലൂക്കസ് ഫാബിയൻസ്കി പരാജയപ്പെട്ടതോടെ ഹഡേഴ്‌സ്ഫീൽഡ് മുന്നിലെത്തി. മത്സരത്തിൽ പിന്നീടും കാര്യമായി വെസ്റ്റ് ഹാം ഒന്നും ചെയ്തില്ല. അനാടോവിച് അടക്കമുള്ള വെസ്റ്റ് ഹാം ആക്രമണ നിര ഫോം കണ്ടെത്താൻ ഏറെ വിഷമിച്ചു. പക്ഷെ കളി 74 ആം മിനുട്ട് പിന്നിട്ടപ്പോൾ ഫിലിപ്പേ ആൻഡേഴ്സൺ രക്ഷക്കത്തി. താരത്തിന്റെ ഇടം കാലൻ ഷോട്ട് വലയിൽ പതിച്ചതോടെ വെസ്റ്റ് ഹാമിന് ആശ്വാസ സമനില ഉറപ്പായി.

12 പോയിന്റുള്ള വെസ്റ്റ് ഹാം നിലവിൽ 13 ആം സ്ഥാനത്താണ്. 7 പോയിന്റുള്ള ഹഡേഴ്‌സ്ഫീൽഡ് 19 ആം സ്ഥാനത്തും.

പ്രീമിയർ ലീഗിൽ ഫോമില്ലാതെ വിഷമിക്കുന്ന വെസ്റ്റ് ഹാം യുണൈറ്റഡിന് പുതിയ തിരിച്ചടി. ക്ലബ്ബിന്റെ പുതിയ വിങ്ങർ അഡ്രിയാൻ യാർമോലങ്കോ പരിക്ക് കാരണം 6 മാസത്തോളം പുറത്തിരിക്കേണ്ടി വരും. ടോട്ടൻഹാമിനെതിർ എതിരില്ലാത്ത 1 ഗോളിന് തോറ്റ മത്സരത്തിലാണ് താരത്തിന് പരിക്കേറ്റത്. താരത്തിന്റെ ആങ്കിളിൽ ആണ് പരിക്ക്. ഓപറേഷൻ വേണ്ടിവരുന്ന പരിക്കിന് താരം 6 മാസം പുറത്താകും എന്നുറപ്പാണ്.

ബൊറൂസിയ ഡോർട്മുണ്ടിൽ നിന്നാണ് താരം പ്രീമിയർ ലീഗിലേക്ക് എത്തുന്നത്. 28 വയസുകാരനായ താരം ഈ സീസണിൽ 9 മത്സരങ്ങളിൽ നിന്നായി 2 ഗോളുകൾ നേടിയിട്ടുണ്ട്. നിലവിൽ പ്രീമിയർ ലീഗ് ടേബിളിൽ 15 ആം സ്ഥാനത്താണ് വെസ്റ്റ് ഹാം.

മാഞ്ചസ്റ്റർ യുണൈറ്റഡിനെ വീഴ്ത്തിയ ആത്മവിശ്വാസവുമായി എത്തിയ വെസ്റ്റ് ഹാം യുണൈറ്റഡ് ബ്രയ്ട്ടനിൽ വീണു. എതിരില്ലാത്ത ഒരു ഗോളിനാണ് ബ്രയ്ട്ടൻ പല്ലെഗ്രിനിയുടെ ടീമിനെ മറികടന്നത്. ജയത്തോടെ 8 പോയിന്റുള്ള ബ്രയ്ട്ടൻ ലീഗിൽ 12 ആം സ്ഥാനത്തേക്ക് ഉയർന്നപ്പോൾ 7 പോയിന്റുള്ള വെസ്റ്റ് ഹാം 15 ആം സ്ഥാനത്താണ്.

ഗ്ലെൻ മറി ആദ്യ പകുതിയിൽ നേടിയ ഗോളാണ് മത്സര ഫലം നിർണയിച്ചത്. വെസ്റ്റ് ഹാം ആക്രമണ നിരയെ പിടിച്ചു കെട്ടിയ ബ്രയ്ട്ടൻ പ്രതിരോധവും അവരുടെ ജയത്തിൽ നിർണായക സ്വാധീനം ചെലുത്തി. രണ്ടാം പകുതിയിൽ മറിയുടെ 2 ഹെഡറുകൾ ഗോളാകാതെ പോയത് ഹാമേഴ്സിന് രക്ഷയായി.

ലണ്ടൻ സ്റ്റേഡിയത്തിൽ ചെൽസി വെസ്റ്റ് ഹാമിനെ പിടിച്ചു കെട്ടി. ഗോൾ രഹിത സമനില വഴങ്ങിയതോടെ ചെൽസിയുടെ വിജയ കുതിപ്പിന് അവസാനമായി. ഇതോടെ 16 പോയിന്റുള്ള ചെൽസി മൂന്നാം സ്ഥാനത്തേക്ക് പിന്തള്ളപ്പെട്ടു.

യൂറോപ്പ ലീഗ് കളിച്ച ടീമിൽ നിന്ന് കാര്യമായ മാറ്റങ്ങളുമായാണ് ചെൽസി ഇറങ്ങിയത്. ഹസാർഡ്, കോവാചിച്, ലൂയിസ് എന്നിവർ ആദ്യ ഇലവനിൽ തിരിച്ചെത്തി. വെസ്റ്റ് ഹാമിൽ അനാടോവിച്ചിന് പകരം മിക്കൽ അന്റോണിയോ ആണ് സ്ട്രൈക്കർ റോളിൽ കളിച്ചത്.

ആദ്യ പകുതിയിൽ ചെൽസി ഏറെ സമയം പന്ത് കൈവശം വച്ചെങ്കിലും അവസരങ്ങൾ സൃഷ്ടിക്കാനായില്ല. വെസ്റ്റ് ഹാമിന് അന്റോണിയോയിലൂടെ രണ്ട് അവസരങ്ങൾ ലഭിച്ചെങ്കിലും ഫിനിഷ് ചെയാനായില്ല.

രണ്ടാം പകുതിയിലും ചെൽസി നിരന്തരം ശ്രമങ്ങൾ നടത്തിയെങ്കിലും വെസ്റ്റ് ഹാമിന്റെ പ്രതിരോധം തകർക്കാനായില്ല. വെസ്റ്റ് ഹാമിന് രണ്ടാം പകുതിയിൽ ലഭിച്ച മികച്ച അവസരം യമലങ്കോ നഷ്ടപ്പെടുത്തുകയും ചെയ്തു.

അപരാജിത കുതിപ്പ് തുടരുന്ന ചെൽസിക്ക് ഇന്ന് ലണ്ടൻ ഡർബി പരീക്ഷണം. വെസ്റ്റ് ഹാമിനെ അവരുടെ മൈതാനത്ത് നേരിടുന്ന നീലപട ലീഗിൽ തുടർച്ചയായ ആറാം ജയമാകും ലക്ഷ്യമിടുക. എവർട്ടനെതിരെ സീസണിലെ ആദ്യ ജയം നേടിയ വെസ്റ്റ് ഹാം ഫോം തുടരാനാകും ശ്രമിക്കുക. ഇന്ത്യൻ സമയം വൈകീട്ട് 6 നാണ് കിക്കോഫ്.

നിലവിലെ ഫോമിൽ ചെൽസിയെ തടയുക പ്രയാസമാണ് എങ്കിലും ഡർബി ആവേശവും ഹോം ഗ്രൗണ്ടിന്റെ നേട്ടവും ഗോളാക്കാനായാൽ വെസ്റ്റ് ഹാമിന് സാധ്യത ഉണ്ട്. പ്രത്യേകിച്ചും ചെൽസി പ്രതിരോധത്തിൽ അത്ര ശക്തന്മാരല്ല എന്നത് കണക്കിൽ എടുക്കുമ്പോൾ. പക്ഷെ ഈഡൻ ഹസാർഡ് അടക്കമുള്ള ആക്രമണ നിര വല നിറയെ ഗോൾ അടിക്കാൻ കരുത്തുള്ളവരാണ് എന്നത് ചെൽസിക്ക് മുൻതൂക്കം നൽകുന്നു.

ചെൽസി നിരയിലേക്ക് യൂറോപ്പ ലീഗിൽ കളിക്കാതിരുന്ന ഹസാർഡ്, കോവാചിച്, ഡേവിഡ് ലൂയിസ്, ജിറൂദ് എന്നിവർ തിരിച്ചെത്തും. വെസ്റ്റ് ഹാം നിരയിൽ അനാടോവിച് കളിക്കാനാണ് സാധ്യത.