Tag: West Ham

പി.എസ്.ജി ഗോൾ കീപ്പർ അൽഫോൺസ് അരിയോളയെ സ്വന്തമാക്കി പ്രീമിയർ ലീഗ് ക്ലബായ വെസ്റ്റ്ഹാം. ഒരു വർഷത്തെ ലോൺ അടിസ്ഥാനത്തിലാണ് താരത്തെ വെസ്റ്റ്ഹാം സ്വന്തമാക്കിയത്. കഴിഞ്ഞ സീസണിൽ ഫുൾഹാമിൽ ലോണിൽ കളിച്ച അരിയോള അവർക്ക് വേണ്ടി മികച്ച പ്രകടനം പുറത്തെടുത്തിരുന്നു. ഫുൾഹാമിനെ പ്രീമിയർ ലീഗിൽ നിന്ന് റെലിഗെറ്റഡ് ആവുന്നതിൽ നിന്ന് തടയാൻ അരിയോളക്ക് കഴിഞ്ഞില്ലെങ്കിലും ക്ലബ്ബിന്റെ പ്ലയെർ ഓഫ് ദി ഇയർ പുരസ്ക്കാരം താരം സ്വന്തമാക്കിയിരുന്നു.

അരിയോള നേരത്തെ ലോൺ അടിസ്ഥാനത്തിൽ റയൽ മാഡ്രിഡിലും വില്ലറയലിലും കളിച്ചിട്ടുണ്ട്. 2018ൽ ഫ്രാൻസ് ലോക ചാമ്പ്യന്മാരായപ്പോൾ അരിയോള ഫ്രഞ്ച് ടീമിനൊപ്പം ഉണ്ടായിരുന്നു. നിലവിൽ വെസ്റ്റ്ഹാമിന്റെ ഒന്നാം നമ്പർ ഗോൾ കീപ്പറായ ഫാബിയാൻസ്കിക്ക് വെല്ലുവിളി ഉയർത്താൻ വേണ്ടിയാണ് അരിയോളയെ വെസ്റ്റ്ഹാം സ്വന്തമാക്കിയത്.

പ്രീമിയർ ലീഗിൽ ചാമ്പ്യൻസ് ലീഗ് യോഗ്യതക്കായി മത്സരിക്കുന്ന രണ്ട് ടീമുകൾ ഏറ്റുമുട്ടിയ മത്സരത്തിൽ ചെൽസിക്ക് ജയം. ഏകപക്ഷീയമായ ഒരു ഗോളിനാണ് ചെൽസി വെസ്റ്റ്ഹാമിനെ പരാജയപ്പെടുത്തിയത്. പ്രീമിയർ ലീഗിൽ വെസ്റ്റ്ഹാമിന്റെ തുടർച്ചയായ രണ്ടാമത്തെ തോൽവി കൂടിയാണ്. കഴിഞ്ഞ ദിവസം ന്യൂ കാസിൽ യൂണൈറ്റഡിനോടും വെസ്റ്റ്ഹാം തോറ്റിരുന്നു. ക്ലബ്ബിനും രാജ്യത്തിനും വേണ്ടി കഴിഞ്ഞ കുറച്ച് മത്സരങ്ങളിൽ ഗോളടിക്കാൻ പാടുപെടുന്ന ടിമോ വെർണറുടെ ഗോളിലാണ് ഇന്നത്തെ മത്സരത്തിൽ ചെൽസി ജയം സ്വന്തമാക്കിയത്.

മത്സരത്തിന്റെ അവസാന മിനിറ്റുകളിൽ വെസ്റ്റ്ഹാം താരം ബൽബൊയിന ചുവപ്പ്കാർഡ് കണ്ട് പുറത്തുപോയതോടെ 10 പേരുമായാണ് വെസ്റ്റ്ഹാം മത്സരം പൂർത്തിയാക്കിയത്. ചെൽസി പ്രതിരോധ താരം ചിൽവെല്ലിനെ ഫൗൾ ചെയ്തതിനാണ് റഫറി വെസ്റ്റ്ഹാം താരത്തിന് ചുവപ്പ്‌കാർഡ് കാണിച്ചത്. തുടർച്ചയായ രണ്ടാമത്തെ മത്സരത്തിലാണ് വെസ്റ്റ്ഹാം താരത്തിന് ചുവപ്പ് കാർഡ് ലഭിച്ചത്. ജയത്തോടെ അഞ്ചാം സ്ഥാനത്തുള്ള വെസ്റ്റ്ഹാമിനെക്കാൾ മൂന്ന് പോയിന്റിന്റെ ലീഡ് സ്വന്തമാക്കാൻ ചെൽസിക്കായി. നിലവിൽ ചെൽസിക്ക് നാലാം സ്ഥാനത്ത് 58 പോയിന്റും അഞ്ചാം സ്ഥാനത്തുള്ള വെസ്റ്റ്ഹാമിന് 55 പോയിന്റുമാണ് ഉള്ളത്.

പ്രീമിയർ ലീഗിൽ ടോപ് ഫോർ ഉറപ്പിച്ച് അടുത്ത വർഷത്തെ ചാമ്പ്യൻസ് ലീഗിന് യോഗ്യത നേടാമെന്ന വെസ്റ്റ്ഹാമിന്റെ മോഹങ്ങൾക്ക് കനത്ത തിരിച്ചടി. ഈ സീസണിൽ വെസ്റ്റ്ഹാമിന് വേണ്ടി മികച്ച പ്രകടനം പുറത്തെടുത്ത ഡെക്ലാൻ റൈസിന്റെ പരിക്കാണ് ടീമിന് തിരിച്ചടിയായത്. ലോകകപ്പ് യോഗ്യത മത്സരങ്ങൾക്കായി ഇംഗ്ലണ്ടിന് വേണ്ടി പോളണ്ടിനെതിരെ കളിക്കുന്ന സമയത്താണ് താരത്തിന് പരിക്കേറ്റത്.

കാൽമുട്ടിന് പരിക്കേറ്റ റൈസ് ഏകദേശം ഒരു മാസത്തോളം ടീമിന് പുറത്താവുമെന്നാണ് കരുതപ്പെടുന്നത്. ഇന്ന് നടക്കുന്ന വെസ്റ്റ്ഹാമിന്റെ വോൾവ്‌സിനെതിരായ മത്സരത്തിലും താരം കളിക്കില്ല. ഈ സീസണിൽ വെസ്റ്റ്ഹാമിന് വേണ്ടി മുഴുവൻ പ്രീമിയർ മത്സരങ്ങളും കളിച്ച താരമാണ് റൈസ്. യൂറോ കപ്പിൽ ഇംഗ്ലണ്ടിന് വേണ്ടി കളിക്കാമെന്ന റൈസിന്റെ പ്രതീക്ഷകൾക്കും തിരിച്ചടിയാണ് താരത്തിന്റെ പരിക്ക്.

തുടർച്ചയായ രണ്ട് തോൽവികൾക്ക് ശേഷം വിജയവഴിയിൽ തിരിച്ചെത്തി ചെൽസി. പൊരുതി നിന്ന വെസ്റ്റ്ഹാമിനെ ഏകപക്ഷീയമായ മൂന്ന് ഗോളിന് തോൽപ്പിച്ചാണ് ചെൽസി ജയം സ്വന്തമാക്കിയത്. എന്നാൽ സ്കോർ നില സൂചിപ്പിക്കുംപോലെ ചെൽസിക്ക് കാര്യങ്ങൾ എളുപ്പമായിരുന്നില്ല. ചെൽസിക്കൊപ്പം പൊരുതിയെ വെസ്റ്റ്ഹാം പലപ്പോഴും ചെൽസി ഗോൾ മുഖം വിറപ്പിക്കുകയും ചെയ്‌തു. എന്നാൽ രണ്ടാം പകുതിയിൽ തൊട്ടടുത്ത മിനിറ്റുകളിൽ ടാമി അബ്രഹാം നേടിയ രണ്ട് ഗോളുകളാണ് മത്സരം വെസ്റ്റ്ഹാമിൽ നിന്ന് ചെൽസി കൈക്കലാക്കിയത്.

ആദ്യ പകുതിയിൽ മേസൺ മൗണ്ടിന്റെ കോർണറിൽ നിന്ന് തിയാഗോ സിൽവയാണ് ചെൽസിക്ക് വേണ്ടി ഗോൾ നേടിയത്. എന്നാൽ ഗോൾ നേടിയതിന് ശേഷം മത്സരത്തിൽ കാര്യമായ അവസരങ്ങൾ സൃഷ്ട്ടിക്കാൻ ചെൽസിക്കായിരുന്നില്ല. തുടർന്നാണ് രണ്ടാം പകുതിയിൽ തൊട്ടടുത്ത മിനിറ്റുകളിൽ ഇരട്ട ഗോളുകൾ നേടി ടാമി അബ്രഹാം ചെൽസിയുടെ വിജയം ഉറപ്പിച്ചത്. ജയത്തോടെ പോയിന്റ് പട്ടികയിൽ അഞ്ചാം സ്ഥാനത്ത് എത്താനും ചെൽസിക്കായി.

പ്രീമിയർ ലീഗിൽ ഈ ആഴ്ച നടത്തിയ കൊറോണ വൈറസ് ടെസ്റ്റിൽ 10 പ്രീമിയർ ലീഗ് അംഗങ്ങൾക്ക് കൊറോണ വൈറസ് ബാധ സ്ഥിരീകരിച്ചു. പ്രീമിയർ ലീഗിൽ കൊറോണ വൈറസ് ബാധ പരിശോധന തുടങ്ങിയതിന് ശേഷം ആദ്യമായാണ് ഇത്രയും താരങ്ങൾക്ക് കൊറോണ വൈറസ് ബാധ സ്ഥിരീകരിക്കുന്നത്.

കഴിഞ്ഞ മൂന്ന് ആഴ്ചകളിൽ നടത്തിയ ടെസ്റ്റിൽ 3-4 അംഗങ്ങൾക്ക് മാത്രമാണ് കൊറോണ പോസറ്റീവ് ആയത്. പരിശീലകൻ ഡേവിഡ് മോയസ് അടക്കം മൂന്ന് താരങ്ങൾക്ക് വെസ്റ്റ്ഹാമിൽ കൊറോണ വൈറസ് ബാധ സ്ഥിരീകരിച്ചിരുന്നു.

സെപ്റ്റംബർ 21 മുതൽ സെപ്റ്റംബർ 27 വരെയുള്ള സമയത്ത് നടത്തിയ 1595 പരിശോധനകളിലാണ് 10 പേർക്ക് കൊറോണ വൈറസ് പോസറ്റീവ് ആയത്. പോസിറ്റീവ് ആയ താരങ്ങൾ 10 ദിവസം ഐസൊലേഷനിൽ ചിലവഴിച്ചതിന് ശേഷമാവും ടീമിനൊപ്പം ചേരുക.

ഇംഗ്ലീഷ് പ്രീമിയർ ലീഗിൽ അവസാന ഹോം മത്സരത്തിന് ഇറങ്ങിയ വെസ്റ്റ് ഹാമിന് അനായാസ ജയം. സൗത്താംപ്ടനെ എതിരില്ലാത്ത 3 ഗോളുകൾക്ക് അവർ മറികടന്നു. ഓസ്ട്രിയൻ സ്‌ട്രൈക്കർ മാർക്കോ അനാടോവിച് നേടിയ ഇരട്ട ഗോളുകളാണ് മത്സരത്തിൽ നിർണായകമായത്.

മത്സരത്തിന്റെ ഇരു പകുതികളിലും ഓരോ ഗോൾ നേടിയാണ് അനാടോവിച് മത്സരം ഹാമേഴ്സിന് അനുകൂലമാക്കിയത്. ജനുവരിക്ക് ശേഷം ഇത് ആദ്യമായാണ് താരം ലരീമിയർ ലീഗിൽ ഗോൾ നേടുന്നത്. ഡിഫൻഡർ റയാൻ ഫെഡറിക്‌സ് ആണ് അവരുടെ മൂന്നാം ഗോൾ നേടിയത്. 2001 ന് ശേഷം ആദ്യമായാണ് വെസ്റ്റ് ഹാം ഒരേ സീസണിൽ 2 തവണ സൗത്താംപ്ടനെ തോൽപ്പിക്കുന്നത്.

സൗത്താംപ്ടൻ നിലവിൽ റലഗേഷൻ ഭീഷണിയിൽ നിന്ന് പുറത്ത് ആണെങ്കിലും ഇത് നാലാം മത്സരത്തിലാണ് അവർ ജയമില്ലാതെ മൈതാനം വിടുന്നത്. നിലവിൽ വെസ്റ്റ് ഹാം പതിനൊന്നാം സ്ഥാനത്തും, സൗത്താംപ്ടൻ 16 ആം സ്ഥാനത്തുമാണ്.

ഇംഗ്ലീഷ് പ്രീമിയർ ലീഗിൽ വെസ്റ്റ് ഹാമിന് മികച്ച ജയം. ഒരു ഗോളിന് പിറകിൽ പോയ ശേഷം തിരിച്ചടിച്ചാണ് അവർ 2-1 ന്റെ ജയം സൗത്താംപ്ടനെതിരെ സ്വന്തമാക്കിയത്. ഫിലിപ്പേ ആൺഡേഴ്സൻ നേടിയ ഇരട്ട ഗോളുകളാണ് ഹാമേഴ്സിന് ജയം ഒരുക്കിയത്.

ഗോൾ രഹിതമായ ആദ്യ പകുതിക്ക് ശേഷം 50 ആം മിനുട്ടിലാണ് സൗത്താംപ്ടൻറെ ആദ്യ ഗോൾ പിറന്നത്. നഥാൻ റെഡ്മണ്ടാണ് ഗോൾ നേടിയത്. പക്ഷെ 3 മിനുട്ടുകൾക്ക് ശേഷം ഫിലിപ്പേ ആന്ഡേഴ്സൻ സമനില ഗോൾ നേടി. പിന്നീട് 6 മിനുട്ടുകൾക്ക് ശേഷം താരം വീണ്ടും വല കുലുക്കിയതോടെ ഹാമേഴ്‌സ് ജയം ഉറപ്പിക്കുകയായിരുന്നു.

ജയത്തോടെ 27 പോയിന്റുള്ള വെസ്റ്റ് ഹാം ഒൻപതാം സ്ഥാനത്താണ്. 15 പോയിന്റുള്ള സൗത്താംപ്ടൻ 16 ആം സ്ഥാനത്താണ്.

വെസ്റ്റ് ഹാം ക്യാപ്റ്റൻ മാർക് നോബിളിന്റെ കരാർ വെസ്റ്റ് ഹാം പുതുക്കി. നോബിളിന്റെ കരാറിൽ ഒരു വർഷം കൂടെ നീട്ടാനുള്ള ഓപ്‌ഷൻ ക്ലബ്ബ് ആക്റ്റീവ് ആക്കുകയായിരുന്നു. ഇതോടെ താരം 2021 വരെ ഹാമേഴ്സിൽ തുടരും.

ക്ലബ്ബിന്റെ വരാനിരിക്കുന്ന നല്ല നാളുകളിൽ ഭാഗമാവാൻ സാധിക്കുന്നതിൽ സന്തോഷമുണ്ടെന്ന് താരം പ്രതികരിച്ചു. 31 വയസുകാരനായ നോബിൾ തന്റെ 13 ആം വയസ് മുതൽ വെസ്റ്റ് ഹാമിന്റെ ഭാഗമാണ്. മധ്യനിര താരമാണ് നോബിൾ. ക്ലബ്ബിനായി 446 മത്സരങ്ങൾ കളിച്ച താരമാണ് നോബിൾ.