Tag: West Ham

തുടർച്ചയായി അഞ്ച് ജയങ്ങളുമായി പ്രീമിയർ ലീഗിൽ ഒന്നാം സ്ഥാനത്ത് നിൽക്കുന്ന ചെൽസിയുടെ കുതിപ്പ് തടയാൻ വെസ്റ്റ് ഹാമിനാകുമെന്ന്‌ അവരുടെ അർജന്റീനൻ ഡിഫൻഡർ പാബ്ലോ സബലെറ്റ. പ്രീമിയർ ലീഗിൽ സബാലേറ്റയുടെ വെസ്റ്റ് ഹാമുമായാണ് സാറിയുടെ ചെൽസിയുടെ അടുത്ത ലീഗ് മത്സരം.

തുടർച്ചയായ 4 തോൽവികൾക്ക് ശേഷം എവർട്ടനെ മറികടന്ന് ലീഗിൽ ആദ്യ ജയം സ്വന്തമാക്കിയാണ് വെസ്റ്റ് ഹാം ചെൽസിയെ കാത്തിരിക്കുന്നത്. ചെൽസിയിൽ നിരവധി മികച്ച താരങ്ങൾ ഉണ്ടെങ്കിലും എവർട്ടനെതിരെ പുറത്തെടുത്ത പ്രകടനം ആവർത്തിച്ചാൽ നീലപടയെ പിടിച്ചു കെട്ടാനാവുമെന്ന് സബലേറ്റ പറഞ്ഞു. സ്വന്തം മൈതാനത്ത് കാണികളുടെ പിന്തുണയിൽ അത് നേടാനാവുമെന്നു താരം ആത്മവിശ്വാസം പ്രകടിപ്പിച്ചു.

പ്രീമിയർ ലീഗ് സീസണിലെ ആദ്യ ജയം സ്വന്തമാക്കി ആഴ്‌സണൽ. ഇന്ന് നടന്ന മത്സരത്തിൽ വെസ്റ്റ് ഹാമിനെയാണ് ആഴ്‌സണൽ ഒന്നിനെതിരെ മൂന്ന് ഗോളുകൾക്ക് തോൽപ്പിച്ചത് സീസണിൽ തങ്ങളുടെ ആദ്യ ജയം സ്വന്തമാക്കിയത്. പുതിയ പരിശീലകൻ ഉനൈ എംറിക്ക് കീഴിൽ ആഴ്‌സണലിന്റെ ആദ്യ ജയം കൂടിയായിരുന്നു.

ആഴ്‌സണലിനെ ഞെട്ടിച്ചു കൊണ്ട് എമിറേറ്റ്സിൽ വെസ്റ്റ് ഹാം ആണ് ആദ്യം ഗോൾ നേടിയത്. ആഴ്‌സണൽ പ്രതിരോധ നിരയിലെ പിഴവ് മുതലെടുത്ത് കൊണ്ട് അർണടോവിച്ചാണ് വെസ്റ്റ് ഹാമിന്റെ ഗോൾ നേടിയത്. എന്നാൽ അധികം താമസിയാതെ മോൺറിയലിലൂടെ ആഴ്‌സണൽ സമനില പിടിച്ചു. വലതു വിങ്ങിൽ ബെല്ലറിൻ നടത്തിയ മികച്ചൊരു നീക്കത്തിനൊടുവിലാണ് ആഴ്‌സണൽ ഗോൾ നേടിയത്.

തുടർന്നാണ് സെൽഫ് ഗോളിൽ വെസ്റ്റ് ഹാം പിറകിലായത്. ലകാസറ്റെയുടെ പാസ് ഡിയോപ്പിന്റെ ശരീരത്തിൽ തട്ടി സ്വന്തം പോസ്റ്റിൽ തന്നെ പതിക്കുകയായിരുന്നു. ഇതോടെ മത്സരത്തിന്റെ നിയന്ത്രണം ഏറ്റെടുത്ത ആഴ്‌സണൽ  ഇഞ്ചുറി ടൈമിൽ മൂന്നാമത്തെ ഗോളും നേടി വിജയം ഉറപ്പിച്ചു. വെസ്റ്റ് ഹാം താരങ്ങൾ എല്ലാം ആക്രമണത്തിന് ഇറങ്ങിയപ്പോൾ ബെല്ലറിൻ നൽകിയ പാസ് ഗോളാക്കാൻ വെൽബെക്കിന് അധികം പ്രയാസപ്പെടേണ്ടി വന്നില്ല.

രണ്ടാം പകുതിയിൽ നടത്തിയ മികച്ച തിരിച്ചുവരവിന്റെ പിൻബലത്തിൽ വെസ്റ്റ് ഹാമിനെ പരാജയപ്പെടുത്തി ബൗൺമൗത്ത്‌ പ്രീമിയർ ലീഗിൽ തുടർച്ചയായ രണ്ടാമത്തെ വിജയം സ്വന്തമാക്കി. ആദ്യ പകുതിയിൽ ഒരു ഗോളിന് പിന്നിട്ടു നിന്നതിനു ശേഷമാണു വെസ്റ്റ് ഹാമിന്റെ ഗ്രൗണ്ടിൽ രണ്ടു ഗോളടിച്ച് ബൗൺമൗത്ത്‌ വിജയം സ്വന്തമാക്കിയത്.  വെസ്റ്റ് ഹാമിന്‌ വേണ്ടി അർണട്ടോവിച്ച് പെനാൽറ്റിയിലൂടെ ഗോൾ നേടിയപ്പോൾ വിൽസണും സ്റ്റീവ് കുക്കുമാണ് ബൗൺമൗത്തിന്റെ ഗോളുകൾ നേടിയത്.

മത്സരം അര മണിക്കൂറായപ്പോൾ പെനാൽറ്റിയിലൂടെയാണ് വെസ്റ്റ് ഹാം മുൻപിലെത്തിയത്.  പെനാൽറ്റി ബോക്സിൽ ഹെർണാണ്ടസിനെ അകെ ഫൗൾ ചെയ്തതിനു ലഭിച്ച പെനാൽറ്റി ഗോളാക്കിയാണ് വെസ്റ്റ് ഹാം ആദ്യം ഗോൾ നേടിയത്. പെനാൽറ്റി എടുത്ത അർണട്ടോവിച്ച് ബൗൺമൗത്ത്‌ ഗോൾ കീപ്പർ ബെഗോവിച്ചിന് ഒരു അവസരവും നൽകാതെ ഗോളാക്കി.

തുടർന്ന് രണ്ടാം പകുതിയിലാണ് വെസ്റ്റ് ഹാമിനെ ഞെട്ടിച്ച് കൊണ്ട് ബൗൺമൗത്ത്‌ തിരിച്ചുവരവ് നടത്തിയത്. ഗ്രൗണ്ടിന്റെ മധ്യ നിരയിൽ നിന്ന് പന്തുമായി കുതിച്ച വിൽസൺ വെസ്റ്റ് ഹാം പ്രതിരോധ താരങ്ങളെ കബളിപ്പിച്ച് ഗോൾ നേടുകയായിരുന്നു. തുടർന്ന് അധികം താമസിയാതെ സ്റ്റീവ് കുക്കിന്റെ ഗോളിലൂടെ ബൗൺമൗത്ത്‌ മത്സരത്തിൽ ലീഡ് എടുത്തു. തുടർന്ന് സമനില നേടാൻ വെസ്റ്റ് ഹാം ശ്രമിച്ചെങ്കിലും മികച്ച പ്രതിരോധ കാത്ത് സൂക്ഷിച്ച ബൗൺമൗത്ത്‌ വിജയം സ്വന്തമാക്കുകയായിരുന്നു.