Van De Beek News in Malayalam

വാൻ ഡെ ബീക് അവസാനം മാഞ്ചസ്റ്റർ യുണൈറ്റഡ് വിടുന്നു, ജിറോണ താരത്തെ സ്വന്തമാക്കും

മാഞ്ചസ്റ്റർ യുണൈറ്റഡ് മധ്യനിര താരം വാൻ ഡെ ബീക് ലാലിഗയിലേക്ക്. താരത്തെ ജിറോണ സ്വന്തമാക്കുന്നതിന് അടുത്ത് എത്തിയിരിക്കുകയാണ്. ഇതിനായി ക്ലബുകൾ തമ്മിൽ ധാരണയിൽ ആയി. ഇനി താരവും ജിറോണയും തമ്മിൽ കരാർ ധാരണയിൽ എത്തിയാൽ ട്രാൻസ്ഫർ നടക്കും. മാഞ്ചസ്റ്റർ യുണൈറ്റഡിന് 5 മില്യൺ മാത്രമെ ട്രാൻസ്ഫർ ഫീ ആയി ലഭിക്കൂ.

അവസാന ആറ് മാസം ലോൺ അടിസ്ഥാനത്തിൽ വാൻ ഡെ ബീക് ജർമ്മൻ ക്ലബായ ഫ്രാങ്ക്ഫർട്ടിൽ ആയിരുന്നു കളിച്ചത്. അവസാന സമ്മർ മുതൽ മാഞ്ചസ്റ്റർ യുണൈറ്റഡ് താരത്തെ വിൽക്കാൻ ശ്രമിക്കുന്നുണ്ട്.

മൂന്ന് സീസണിൽ അധികമായി ക്ലബിൽ എത്തിയിട്ട് എങ്കിലും ഓർമ്മിക്കാൻ ഒരു നല്ല പ്രകടനം പോലും വാൻ ഡെ ബീക് മാഞ്ചസ്റ്ററിൽ നടത്തിയിട്ടില്ല. ഡച്ച് യുവതാരം ഒരു സീസൺ മുമ്പ് എവർട്ടണിൽ ലോണിലേക്ക് പോയെങ്കിലും അവിടെയും വാൻ ഡെ ബീകിന് അവിടെയും തിളങ്ങാൻ ആയിരുന്നില്ല.

പൂർണ്ണസജ്ജൻ, വീണ്ടും കളത്തിൽ ഇറങ്ങാൻ തയ്യാർ : വാൻ ഡെ ബീക്

ചെറിയ ഒരിടവേളയ്ക്ക് ശേഷം വീണ്ടും കളത്തിൽ കളത്തിൽ തിരിച്ചെത്തുന്നതിന്റെ ആവേശത്തിലാണ് ഡോണി വാൻ ഡെ ബീക്. സീസണിന്റെ തുടക്കത്തിൽ പരിക്കേറ്റ ശേഷം പുറത്തായിരുന്ന താരം കഴിഞ്ഞ വാരമാണ് തിരിച്ചെത്തിയത്. ഷെറീഫിനെതിരായ യൂറോപ്പ ലീഗ് മത്സരത്തിൽ കുറഞ്ഞ സമയം കളത്തിൽ ഇറങ്ങാൻ താരത്തിന് അവസരം ലഭിച്ചിരുന്നു. ഇപ്പൊ വീണ്ടും മുഴുവൻ സമയം ടീമിനായി കളിക്കാനുള്ള തന്റെ ആഗ്രഹം വെളിപ്പെടുത്തിയിരിക്കുകയാണ് വാൻ ഡെ ബീക്. യുനൈറ്റഡിന്റെ ഔദ്യോഗിക വെബ് സൈറ്റിന് വേണ്ടി സംസാരിക്കുകയായിരുന്നു ഡച്ച് താരം.

“പരിക്കേൽക്കുന്നത് തന്നെയാണ് ഒരു കളിക്കാരന്റെ ഏറ്റവും മോശം സമയം. പിച്ചിലേക്ക് ഇറങ്ങാനും അവിടെ നിന്ന് കാണികളെ കാണാനും എല്ലാം ആഗ്രഹം ഉണ്ടാവും. തിരിച്ചെത്താൻ കഴിഞ്ഞതിൽ സന്തോഷവാനാണ്, കൂടുതൽ കാലം പരിക്കിൽ നിന്നും മുക്തനായി നിൽക്കാൻ തന്നെയാണ് പദ്ധതി. ടീമിനായി കഴിവിന്റെ പരമാവധി പുറത്തെടുക്കണം.” വാൻ ഡി ബീക് പറഞ്ഞു.

അവസരം ലഭിക്കുന്നത് അറ്റാക്കിങ് സ്ഥാനത്ത് ആയാലും മധ്യനിരയിൽ ആയാലും താൻ മികച്ച പ്രകടനം തന്നെ പുറത്തെടുക്കാൻ ശ്രമിക്കും എന്നും ഏത് അവസരങ്ങളേയും നേരിടാൻ താനിപ്പോൾ പൂർണ്ണ സജ്ജനാണെന്നും വാൻ ഡി ബീക് കൂടിച്ചേർത്തു. ചാമ്പ്യൻസ് ലീഗിൽ റയൽ സോസിഡാഡിനെ കീഴടക്കാൻ കഴിയുമെന്ന ശുഭാപ്തി വിശ്വാസവും താരം പ്രകടിപ്പിച്ചു.

ഇത് പുതിയ എവർട്ടൺ!! ലമ്പാർഡിന്റെ എവർട്ടണ് ലീഗിലെ ആദ്യ വിജയം!!

ഇംഗ്ലീഷ് പ്രീമിയർ ലീഗിൽ ലമ്പാർഡിന്റെ കീഴിൽ എവർട്ടണ് ആദ്യ വിജയം. ഇന്ന് ഗുഡിസൺ പാർക്കിൽ വെച്ച് ലീഡ്സ് യുണൈറ്റഡിനെ നേരിട്ട എവർട്ടൺ ഏകപക്ഷീയമായ വിജയമാണ് ഇന്ന് നേടിയത്. എതിരില്ലാത്ത മൂന്ന് ഗോളുകൾക്കായിരുന്നു എവർട്ടൺ വിജയിച്ചത്. ആദ്യ 23 മിനുട്ടിൽ തന്നെ എവർട്ടൺ രണ്ടു ഗോളുകൾക്ക് മുന്നിൽ എത്തി. പത്താം മിനുട്ടിൽ അവരുടെ വിശ്വസ്തനായ കോൾമാൻ ആണ് ലീഡ് നൽകിയത്.

പിന്നാലെ 23ആം മിനുട്ടിൽ ഡിഫൻഡർ മൈക്കിൾ കീനിലൂടെ രണ്ടാം ഗോളും നേടി. രണ്ടാം പകുതിയിലും എവർട്ടൺ അറ്റാക്ക് തുടർന്നു. അവസാനം 78ആം മിനുട്ടിൽ റിച്ചാർലിസന്റെ സ്ട്രൈക്ക് ഗോർഡനിൽ തട്ടി വലയിൽ എത്തി. ഡച്ച് താരം വാൻ ഡെ ബീക് ഇന്ന് എവർട്ടൺ മിഡ്ഫീൽഡിൽ 90 മിനുട്ടും കളിച്ചു. ഡെലെ അലി സബ്ബായും ഇന്ന് എത്തി.

ഈ വിജയത്തോടെ എവർട്ടണ് 22 പോയിന്റ് ആയി. അവർക്ക് തൽക്കാലം റിലഗേഷൻ ഭീതി ഒഴിഞ്ഞു. എവർട്ടൺ 16ആം സ്ഥാനത്തും ലീഡ്സ് 15ആം സ്ഥാനത്തുമാണ് ഉള്ളത്.

വാൻ ഡെ ബീക് ഇനി ഫുട്ബോൾ കളിക്കും!! എവർട്ടൺ ജേഴ്സി അണിഞ്ഞു

മാഞ്ചസ്റ്റർ യുണൈറ്റഡിലെ അവഗണനയ്ക്ക് അവസാനം. ഡച്ച് യുവതാരം വാൻ ഡെ ബീക് എവർട്ടണിൽ എത്തി. മാഞ്ചസ്റ്ററിൽ നിന്ന് ലോണടിസ്ഥാനത്തിൽ ആണ് വാൻ ഡെ ബീക് എവർട്ടണിലേക്ക് എത്തിയത്‌. ഇത് സംബന്ധിച്ച് ഔദ്യോഗിക പ്രഖ്യാപനം എത്തി. രണ്ട് സീസൺ മുമ്പ് മാഞ്ചസ്റ്റർ യുണൈറ്റഡിൽ എത്തിയ വാൻ ഡെ ബീകിന് തന്റെ കഴിവ് തെളിയിക്കാൻ ഒരിക്കലും അവസരം ലഭിച്ചിരുന്നില്ല. ഒലെ പരിശീലകനായിരുന്നപ്പോഴും റാൾഫ് എത്തിയപ്പോഴും വാൻ ഡെ ബീക് ബെഞ്ചിൽ തന്നെ ഇരിക്കുക ആയിരുന്നു.

Donny van de Beek is a Blue! 🔵✍️ pic.twitter.com/Aiv8PfFT3Z

— Everton (@Everton) January 31, 2022

ആകെ 580 മിനുട്ട് പ്രീമിയർ ലീഗ് ഫുട്ബോൾ മാത്രമാണ് ഒന്നര വർഷത്തിൽ വാൻ ഡെ ബീക് കളിച്ചത്. ലമ്പാർഡ് ചുമതലയേറ്റ എവർട്ടണിൽ വാൻ ഡെ ബീകിന് കൂടുതൽ അവസരങ്ങൾ കിട്ടും. ലമ്പാർഡിന് കീഴിൽ കളിക്കുന്നതിൽ സന്തോഷം ഉണ്ട് എന്ന് വാൻ ഡെ ബീക് കരാർ ഒപ്പുവെച്ച ശേഷം പറഞ്ഞു. ലമ്പാർഡ് തന്റെ അതേ പൊസിഷനിൽ കളിച്ച താരമാണെന്നും അദ്ദേഹത്തിന് എന്നെ കൂടുതൽ മനസ്സിലാക്കാൻ ആകും എന്നും വാൻ ഡെ ബീക് പറഞ്ഞു. ലോൺ കാലാവധി കഴിഞ്ഞാൽ വാൻ ഡെ ബീക് തിരികെ മാഞ്ചസ്റ്റർ യുണൈറ്റഡിലേക്ക് തന്നെ പോകും.

വാൻ ഡെ ബീക് മിന്നി, എങ്കിലും മാഞ്ചസ്റ്റർ യുണൈറ്റഡിന് തോൽവി

മാഞ്ചസ്റ്റർ യുണൈറ്റഡിന്റെ പ്രീസീസണിലെ ഏക മത്സരത്തിൽ യുണൈറ്റഡിന് പരാജയം. ഇന്നലെ വില്ലാപാർക്കിൽ വെച്ച് ആസ്റ്റൺ വില്ലയെ നേരിട്ട മാഞ്ചസ്റ്റർ യുണൈറ്റഡ് എതിരില്ലാത്ത ഒരു ഗോളിന്റെ പരാജയമാണ് ഏറ്റുവാങ്ങിയത്. പ്രധാന തരങ്ങളിൽ പലതും ഇല്ലാതെ ആയിരുന്നു മാഞ്ചസ്റ്റർ യുണൈറ്റഡ് ആസ്റ്റൺ വില്ലയ്ക്ക് എതിരെ ഇറങ്ങിയത്. അതുകൊണ്ട് തന്നെ അത്ര മികച്ച പ്രകടനമല്ല യുണൈറ്റഡിൽ നിന്ന് കാണാൻ ആയത്.

യുണൈറ്റഡിന്റെ പുതിയ സൈനിംഗ് വാൻ ഡെ ബീക് യുണൈറ്റഡിനായി അരങ്ങേറ്റം നടത്തി. താരം കളിയിൽ ഉടനീളം മികച്ച പ്രകടനവും കാഴ്ചവെച്ചു. എന്നാൽ പോൾ പോഗബ, ബ്രൂണൊ ഫെർണാണ്ടസ്, മാർഷ്യൽ എന്നിവരെ പോലുള്ള പ്രധാന താരങ്ങളുടെ അഭാവം യുണൈറ്റഡിന്റെ പ്രകടനത്തെ ബാധിച്ചു. അടുത്ത ആഴ്ച നടക്കുന്ന ആദ്യ ലീഗ് മത്സരത്തിന് മുമ്പ് പ്രധാന താരങ്ങളെ തിരിച്ചു കിട്ടുമെന്ന് ഒലെ ഗണ്ണാർ സോൾഷ്യാർ മത്സര ശേഷം പ്രതീക്ഷ പ്രകടിപ്പിച്ചു.

“മാഞ്ചസ്റ്റർ യുണൈറ്റഡിനേക്കാൾ മികച്ച ക്ലബ് ഇല്ല” – വാൻ ഡെ ബീക്

മാഞ്ചസ്റ്റർ യുണൈറ്റഡിന്റെ പുതിയ സൈനിംഗ് വാൻ ഡെ ബീക് താൻ യുണൈറ്റഡിൽ എത്തിയതിൽ അതീവ സന്തോഷവാൻ ആണെന്ന് അറിയിച്ചു. 23കാരനായ വാൻ ഡെ ബീക് അയാക്സിൽ നിന്നാണ് മാഞ്ചസ്റ്റർ യുണൈറ്റഡിലേക്ക് എത്തുന്നത്. യുണൈറ്റഡ് ആണ് ഫുട്ബോൾ ലോകത്ത് ഏറ്റവും വലിയ ലെവൽ എന്നും ഇതിനേക്കാൾ മികച്ച ക്ലബ് വേറെ ഇല്ല എന്നും വാൻ ഡെ ബീക് കരാർ ഒപ്പുവെച്ച ശേഷം പറഞ്ഞു.

ഇത് തന്നെ സംബന്ധിച്ചെടുത്തോളം വലിയ അവസരമാണ്. മാഞ്ചസ്റ്റർ യുണൈറ്റഡ് പോലെ ഇത്ര വലിയ ചരിത്രമുള്ള ക്ലബിന്റെ ഭാഗമാവുക എളുപ്പമുള്ള കാര്യമല്ല. വാൻ ഡെ ബീക് പറഞ്ഞു. തന്റെ നിലവാരം താൻ ഇനി ഉയർത്തേണ്ടതുണ്ട് എന്നും യുവതാരം പറഞ്ഞു. പരിശീലകൻ ഒലെ മാഞ്ചസ്റ്റർ യുണൈറ്റഡിന്റെ ഭാവിക്കായി ഒരുക്കുന്ന പദ്ധതിയുടെ ഭാഗമാകുന്നതിൽ സന്തോഷം ഉണ്ടെന്നും താരം പറഞ്ഞു. ബ്രൂണോയും പോഗ്ബയും പോലെ ലോകോത്തര താരങ്ങളാണ് യുണൈറ്റഡ് മിഡ്ഫീൽഡിൽ ഉള്ളത്. അവരിൽ നിന്ന് പഠിക്കാൻ ഏറെ ഉണ്ട് എന്നും വാൻ ഡെ ബീക് പറഞ്ഞു.