Trailblazers News in Malayalam

വനിത ടി20 ചലഞ്ചിലെ അതിവേഗ ഫിഫ്റ്റിയുമായി കിരൺ, വെലോസിറ്റിയ്ക്ക് ജയമില്ലെങ്കിലും ഫൈനലില്‍ സ്ഥാനം

വനിത ടി20 ചലഞ്ചിൽ ഇന്നത്തെ മത്സരത്തിൽ കിരൺ നാവ്ഗിരേയുടെ തകര്‍പ്പന്‍ ബാറ്റിംഗ് പ്രകടനത്തിന്റെ ബലത്തിൽ ഫൈനലില്‍ കടന്ന് വെലോസിറ്റി. ഇന്നത്തെ മത്സരത്തിൽ വിജയം നേടുവാന്‍ വെലോസിറ്റിയ്ക്ക് സാധിച്ചില്ലെങ്കിലും 158 റൺസ് മറികടന്നതോടെ മികച്ച റൺ റേറ്റിന്റെ ബലത്തിൽ ഫൈനലിലേക്ക് ടീം യോഗ്യത നേടി.

ഗ്രൂപ്പ് ഘട്ടത്തിൽ മൂന്ന് ടീമുകളും ഓരോ ജയം നേടിയെങ്കിലും റൺ റേറ്റാണ് ട്രെയിൽബ്ലേസേഴ്സിന് വിനയായത്. 190 റൺസ് ചേസ് ചെയ്തിറങ്ങിയ ടീമിന് 9 വിക്കറ്റ് നഷ്ടത്തിൽ 174 റൺസ് നേടാനായുള്ളു. വനിത ടി20 ചലഞ്ച് ചരിത്രത്തിലെ തന്നെ ഏറ്റവും വേഗതയേറിയ അര്‍ദ്ധ ശതകം നേടിയ കിരൺ നാവ്ഗിരേ 34 പന്തിൽ 69 റൺസ് നേടിയാണ് വെലോസിറ്റിയ്ക്കായി തിളങ്ങിയത്.

ഷഫാലി വര്‍മ്മ 29 റൺസ് നേടിയപ്പോള്‍ യാസ്ടിക ഭാട്ടിയ(19), ലോറ വോള്‍വാര്‍ഡട്(17) എന്നിവരാണ് മറ്റ് പ്രധാന സ്കോറര്‍മാര്‍. 16 റൺസ് ജയം നേടിയെങ്കിലും ആദ്യ മത്സരത്തിൽ സൂപ്പര്‍നോവാസിനോടേറ്റ കനത്ത പരാജയം ആണ് ട്രെയിൽബ്ലേസേഴ്സിന് വിനയായത്.

കൂറ്റന്‍ സ്കോര്‍ നേടി ട്രെയിൽബ്ലേസേഴ്സ്, മേഘനയ്ക്കും റോഡ്രിഗസിനും അര്‍ദ്ധ ശതകങ്ങള്‍

വനിത ടി20 ചലഞ്ചിൽ കൂറ്റന്‍ സ്കോര്‍ നേടി ട്രെയിൽബ്ലേസേഴ്സ്. ടോസ് നഷ്ടമായി ആദ്യം ബാറ്റ് ചെയ്യാനിറങ്ങിയ ടീം 190/5 എന്ന കൂറ്റന്‍ സ്കോറാണ് നേടിയത്. 47 പന്തിൽ 73 റൺസ് നേടിയ സബിനേനി മേഘനയും 66 റൺസ് നേടിയ ജെമീമ റോഡ്രിഗസും ആണ് ടീമിനായി തിളങ്ങിയത്. ഹെയ്‍ലി മാത്യൂസ് 27 റൺസും സോഫിയ ഡങ്ക്ലി 19 റൺസും വേഗത്തിൽ നേടിയതും ടീമിന് തുണയായി.

158 റൺസിൽ താഴെയുള്ള സ്കോറിന് വെലോസിറ്റിയെ ഒതുക്കിയാൽ ഫൈനലിലേക്ക് ട്രെയിൽബ്ലേസേഴ്സിന് യോഗ്യത നേടാനാകും.

ട്രെയിൽബ്ലേസേഴ്സിനെ വെള്ളംകുടിപ്പിച്ച് പൂജ, സൂപ്പര്‍നോവാസിന് മിന്നും ജയം

വനിത ടി20 ചലഞ്ചിലെ ഈ സീസണിലെ ആദ്യ മത്സരത്തിൽ സൂപ്പര്‍നോവാസിന് വിജയം. ആദ്യം ബാറ്റ് ചെയ്ത് 163 റൺസ് നേടിയ സൂപ്പര്‍നോവാസ് എതിരാളികളെ 114 റൺസിലൊതുക്കിയാണ് വിജയം പിടിച്ചെടുത്തത്. 49 റൺസിന്റെ കൂറ്റന്‍ വിജയം ആണ് ടീം നേടിയത്. 9 വിക്കറ്റ് നഷ്ടത്തിലാണ് ടീം ഈ സ്കോര്‍ നേടിയത്.

സൂപ്പര്‍നോവാസിനായി പൂജ വസ്ട്രാക്കര്‍ നാല് വിക്കറ്റ് നേടിയപ്പോള്‍ 34 റൺസ് നേടി സ്മൃതി മന്ഥാനയാണ് ടീമിന്റെ ടോപ് സ്കോറര്‍. ജെമീമ റോഡ്രിഗസ് 24 റൺസ് നേടി. ഒരു ഘട്ടത്തിൽ 63/1 എന്ന നിലയിലായിരുന്ന ശേഷമാണ് ടീമിന്റെ തകര്‍ച്ച.

വെറും 12 റൺസ് വിട്ട് നൽകിയാണ് പൂജ 4 വിക്കറ്റ് നേടിയത്.

വനിത ടി20 ചലഞ്ചിലെ ഏറ്റവും ഉയര്‍ന്ന സ്കോര്‍ നേടി സൂപ്പര്‍നോവാസ്, 163 റൺസിന് ഓള്‍ഔട്ട്

വനിത ടി20 ചലഞ്ചിൽ ഇന്ന് സൂപ്പര്‍നോവാസും ട്രെയിൽബ്ലേസേഴ്സും തമ്മിലുള്ള മത്സരത്തിൽ ആദ്യം ബാറ്റ് ചെയ്ത് 163 റൺസ് നേടി സൂപ്പര്‍നോവാസ്. വനിത ടി20 ചലഞ്ചിലെ തന്നെ ഏറ്റവും ഉയര്‍ന്ന സ്കോറാണ് ഇത്.

37 റൺസ് നേടിയ ഹര്‍മ്മന്‍പ്രീത് കൗര്‍ ടീമിന്റഎ ടോപ് സ്കോറര്‍ ആയപ്പോള്‍ ഹര്‍ലീന്‍ ഡിയോള്‍(35), ഡിയാന്‍ഡ്ര ഡോട്ടിന്‍(32), പ്രിയ പൂനിയ(22) എന്നിവരാണ് സൂപ്പര്‍നോവാസിനായി തിളങ്ങിയത്.

ട്രെയിൽബ്ലേസേഴ്സിന് വേണ്ടി ഹെയ്‍ലി മാത്യൂസ് 3 വിക്കറ്റ് നേടി.

സൂപ്പര്‍നോവാസിന് ടോസ്, ബാറ്റിംഗ് തിരഞ്ഞെടുത്തു

വനിത ടി20 ചലഞ്ചിൽ ടോസ് നേടി ബാറ്റിംഗ് തിരഞ്ഞെടുത്ത് സൂപ്പര്‍നോവാസ് ക്യാപ്റ്റന്‍ ഹര്‍മ്മന്‍പ്രീത് കൗര്‍. ട്രെയില്‍ബ്ലേസേഴ്സ് ആണ് ഇന്ന് ടീമിന്റെ എതിരാളികള്‍. താന്‍ ഫീൽഡ് ചെയ്യുവാന്‍ ആണ് ആഗ്രഹിച്ചതെന്നും അതിനാൽ തന്നെ ടോസ് നഷ്ടമായതിൽ പ്രശ്നമില്ലെന്നാണ ട്രെയിൽബ്ലേസേഴ്സ് ക്യാപ്റ്റന്‍ സ്മൃതി മന്ഥാന വ്യക്തമാക്കി.

സൂപ്പര്‍നോവാസ്: Deandra Dottin, Priya Punia, Sune Luus, Harmanpreet Kaur(c), Harleen Deol, Taniya Bhatia(w), Sophie Ecclestone, Alana King, V Chandu, Pooja Vastrakar, Meghna Singh

ട്രെയിൽബ്ലേസേഴ്സ്: Smriti Mandhana(c), Jemimah Rodrigues, Poonam Yadav, Hayley Matthews, Sophia Dunkley, Rajeshwari Gayakwad, Arundhati Reddy, Salma Khatun, Renuka Singh, Richa Ghosh(w), Sharmin Akhter

സൂപ്പര്‍നോവാസിനെ കീഴടക്കി ട്രെയില്‍ബ്ലേസേഴ്സ് ചാമ്പ്യന്മാര്‍

നിലവിലെ ചാമ്പ്യന്മാരായ സൂപ്പര്‍നോവാസിനെതിരെ 16 റണ്‍സ് വിജയം നേടി ട്രെയില്‍ബ്ലേസേഴ്സിന് കിരീടം. 118 റണ്‍സിന് ട്രെയില്‍ബ്ലേസേഴ്സിനെ എറിഞ്ഞ് പിടിക്കുവാന്‍ രാധ യാദവിന്റെ പ്രകടനത്തിലൂടെ സൂപ്പര്‍നോവാസിന് സാധിച്ചുവെങ്കിലും മറുപടി ബാറ്റിംഗിനിറങ്ങിയ ടീമിന് 7 വിക്കറ്റ് നഷ്ടത്തില്‍ 102 റണ്‍സ് മാത്രമേ നേടാനായുള്ളു.

30 റണ്‍സ് നേടിയ ഹര്‍മ്മന്‍പ്രീത് കൗര്‍ ടീമിന്റെ ടോപ് സ്കോറര്‍ ആയെങ്കിലും ടീമിനെ വിജയത്തിലേക്ക് നയിക്കുവാന്‍ ഈ പ്രകടനത്തിന് ആയില്ല. ശശികല സിരിനര്‍ദ്ധേനെ(19), താനിയ ഭാട്ടിയ(14), ജെമീമ റോഡ്രിഗസ്(13) എന്നിവരാണ് റണ്‍സ് കണ്ടെത്തിയ മറ്റു താരങ്ങള്‍.

സ്മൃതി മന്ഥാനയ്ക്ക് അര്‍ദ്ധ ശതകം, അഞ്ച് വിക്കറ്റ് നേട്ടവുമായി സൂപ്പര്‍നോവാസിന്റെ കഥകഴിച്ച് രാധ യാദവ്

ഇന്ന് വനിത ടി20 ചലഞ്ചിന്റെ ഫൈനല്‍ മത്സരത്തില്‍ ആദ്യം ബാറ്റ് ചെയ്ത ട്രെയില്‍ബ്ലേസേഴ്സിന് 118 റണ്‍സ്. ഓപ്പണിംഗ് കൂട്ടുകെട്ടായ സ്മൃതി മന്ഥാനയും ഡിയാന്‍ഡ്ര ഡോട്ടിനും മികച്ച ഫോമില്‍ ബാറ്റ് വീശിയപ്പോള്‍ 11.1 ഓവറില്‍ 71 റണ്‍സാണ് ട്രെയില്‍ബ്ലേസേഴ്സ് നേടി. എന്നാല്‍ അതിന് ശേഷം തുടരെ വിക്കറ്റുകള്‍ വീണപ്പോള്‍ ടീമിന് വലിയ സ്കോര്‍ നേടുവാന്‍ സാധിച്ചില്ല.

ഡോട്ടിന്‍ 20 റണ്‍സ് നേടി പുറത്തായപ്പോള്‍ 49 പന്തില്‍ നിന്ന് 68 റണ്‍സാണ് മന്ഥാനയുടെ സ്കോര്‍. രാധ യാദവ് അഞ്ച് വിക്കറ്റ് നേടി ട്രെയില്‍ബ്ലേസേഴ്സിന്റെ സ്കോറിംഗിന് തടയിടുകയായിരുന്നു. 16 റണ്‍സ് മാത്രം വിട്ട് നല്‍കിയാണ് രാധ യാദവിന്റെ അഞ്ച് വിക്കറ്റ് നേട്ടം.

സൂപ്പര്‍നോവാസിന് ടോസ്, ബൗളിംഗ് തിരഞ്ഞെടുത്തു

വനിത ടി20 ചലഞ്ചിന്റെ ഫൈനലില്‍ ടോസ് നേടി ബൗളിംഗ് തിരഞ്ഞെടുത്ത് സൂപ്പര്‍നോവാസ് ക്യാപ്റ്റന്‍ ഹര്‍മ്മന്‍പ്രീത് കൗര്‍. സൂപ്പര്‍നോവാസ് ട്രെയില്‍ബ്ലേസേഴ്സിനെതിരെ ഗ്രൂപ്പ് ഘട്ടത്തില്‍ 2 റണ്‍സിന്റെ വിജയം പിടിച്ചെടുത്ത് റണ്‍റേറ്റിന്റെ ബലത്തിലാണ് ഫൈനലില്‍ എത്തിയത്.

ഇരു ടീമുകളിലും ഓരോ മാറ്റമുണ്ട്. പ്രിയം പൂനിയയ്ക്ക് പകരം പൂജ വസ്ത്രാക്കര്‍ സൂപ്പര്‍നോവാസിന് വേണ്ടി ടീമിലെത്തുമ്പോള്‍ ദയലന്‍ ഹേമലതയ്ക്ക് പകരം നുസാഹത്ത് പര്‍വീന്‍ എത്തുന്നു.

ട്രെയില്‍ബ്ലേസേഴ്സ്: Deandra Dottin, Smriti Mandhana(c), Richa Ghosh, Nuzhat Parween(w), Deepti Sharma, Harleen Deol, Sophie Ecclestone, Nattakan Chantam, Salma Khatun, Rajeshwari Gayakwad, Jhulan Goswami

സൂപ്പര്‍നോവാസ് :Chamari Athapaththu, Jemimah Rodrigues, Harmanpreet Kaur(c), Shashikala Siriwardene, Anuja Patil, Radha Yadav, Pooja Vastrakar, Shakera Selman, Taniya Bhatia(w), Poonam Yadav, Ayabonga Khaka

ആവേശം അവസാന പന്ത് വരെ, സൂപ്പര്‍നോവാസിന് 2 റണ്‍സ് വിജയം, വെലോസിറ്റിയെ പിന്തള്ളി ഫൈനലിലേക്ക്

അവസാന ഓവറില്‍ 9 റണ്‍സെന്ന നിലയില്‍ ദീപ്തി ശര്‍മ്മയും ഹര്‍ലീന്‍ ഡിയോളും ട്രെയില്‍ബ്ലേസേഴ്സിന് വേണ്ടി ക്രീസില്‍ നില്‍ക്കുമ്പോള്‍ ടീം ജയം പ്രതീക്ഷിച്ചിരുന്നു. 2 പന്തില്‍ നാല് റണ്‍സെന്ന നിലയില്‍ മത്സരം എത്തിച്ചുവെങ്കിലും അഞ്ചാം പന്തില്‍ ഹര്‍ലീന്‍ ഡിയോള്‍ പുറത്തായത് ടീമിന് വലിയ തിരിച്ചടിയായി മാറുകയായിരുന്നു. ലക്ഷ്യം അവസാന പന്തില്‍ 4 റണ്‍സ് ആയിരിക്കെ ഒരു റണ്‍സ് മാത്രം ടീം നേടിയപ്പോള്‍ സൂപ്പര്‍നോവാസ് 2 റണ്‍സ് വിജയം സ്വന്തമാക്കുകയായിരുന്നു. ജയത്തോടെ ഇരു ടീമുകളും ഫൈനല്‍ മത്സരത്തിന് യോഗ്യത നേടി. മൂന്ന് ടീമുകള്‍ക്കും ഓരോ ജയം കൈവശമുള്ളപ്പോള്‍ റണ്‍റേറ്റിന്റെ ബലത്തില്‍ ട്രെയില്‍ബ്ലേസേഴ്സ് ഒന്നാം സ്ഥാനത്തും

15 പന്തില്‍ 27 റണ്‍സ് നേടി ഹര്‍ലീന്‍ പുറത്തായപ്പോള്‍ ദീപ്തി ശര്‍മ്മ 43 റണ്‍സുമായി പുറത്താകാതെ നില്‍ക്കുകയായിരുന്നു. 147 റണ്‍സ് വിജയ ലക്ഷ്യം തേടിയിറങ്ങിയ ട്രെയില്‍ബ്ലേസേഴ്സിന് വേണ്ടി ഡിയാന്‍ഡ്ര ഡോട്ടിനും(27) സ്മൃതി മന്ഥാനയും മികച്ച തുടക്കമാണ് നല്‍കിയത്. 6.3 ഓവറില്‍ 44 റണ്‍സ് എന്ന നിലയില്‍ നില്‍ക്കെ ഡിയാന്‍ഡ്രയെയും റിച്ചയെയും പുറത്താക്കി ഷെക്കീര സെല്‍മാന്‍ ആണ് ട്രെയില്‍ബ്ലേസേഴ്സിന് തിരിച്ചടി നല്‍കിയത്.

അധികം വൈകാതെ ക്യാപ്റ്റന്‍ സ്മൃതി മന്ഥാനയും(33) ദയലന്‍ ഹേമലതയും(4) പുറത്തായതോടെ 91/4 എന്ന നിലയിലേക്ക് വീണ ടീമിനെ ദീപ്തിയും ഹര്‍ലീനും ചേര്‍ന്ന് വിജയത്തിന്റെ അടുത്തെത്തിച്ചുവെങ്കിലും അവസാന കടമ്പ കടക്കുവാന്‍ അവര്‍ക്കായില്ല. സെല്‍മാന് പുറമെ രാധ യാദവ് സൂപ്പര്‍നോവാസിന് വേണ്ടി രണ്ട് വിക്കറ്റ് നേടി.

നേരത്തെ ആദ്യം ബാറ്റ് ചെയ്ത സൂപ്പര്‍നോവാസ് ചാമരി അത്തപ്പത്തു നല്‍കിയ മികച്ച തുടക്കം ടീമിന് മുതലാക്കാനായില്ലെങ്കിലും 146 റണ്‍സിലേക്ക് ടീമിനെത്തുവാനായി. ഒന്നാം വിക്കറ്റില്‍ ചാമരി-പ്രിയ കൂട്ടുകെട്ട് 89 റണ്‍സാണ് നേടിയത്. 30 റണ്‍സ് നേടിയ പ്രിയ പുറത്താകുമ്പോള്‍ 12ാം ഓവര്‍ പൂര്‍ത്തിയാകുകയായിരുന്നു. അധികം വൈകാതെ 48 റണ്‍സ് നേടിയ ചാമരിയും പുറത്തായി. ഹര്‍മ്മന്‍പ്രീത് കൗര്‍ 31 റണ്‍സ് നേടി. മൂന്ന് വിക്കറ്റ് സൂപ്പര്‍നോവാസിന് റണ്ണൗട്ട് രൂപത്തിലാണ് നഷ്ടമായത്.

ഇന്ന് പരാജയപ്പെട്ടിരുന്നെങ്കില്‍ ടൂര്‍ണ്ണമെന്റില്‍ നിന്ന് പുറത്താകുമെന്ന നിലയില്‍ നിന്നാണ് ഫൈനലില്‍ ട്രെയില്‍ബ്ലേസേഴ്സിനോട് ഏറ്റുമുട്ടുവാനുള്ള അവസരം സൂപ്പര്‍നോവാസ് റണ്‍റേറ്റിന്റെ ബലത്തില്‍ പിടിച്ചെടുത്തത്.

വനിതാ ടി 20 ചലഞ്ച്; വമ്പൻ ജയവുമായി ട്രെയില്‍ബ്ലേസേഴ്സ്

വനിതാ ടി 20 ചലഞ്ചിലെ രണ്ടാമത്തെ മത്സരത്തിൽ വമ്പൻ ജയം സ്വന്തമാക്കി ട്രെയില്‍ബ്ലേസേഴ്സ്. വെലോസിറ്റിക്കെതിരെ 9 വിക്കറ്റിനായിരുന്നു ട്രെയില്‍ബ്ലേസേഴ്സിന്റെ ജയം. ആദ്യം ബാറ്റ് ചെയ്ത വെലോസിറ്റി 47 റൺസിന് എല്ലാവരും ഓൾ ഔട്ട് ആയിരുന്നു. മറുപടി ബാറ്റിങ്ങിന് ഇറങ്ങിയ ട്രെയില്‍ബ്ലേസേഴ്സ് 7.5 ഓവറിൽ ഒരു വിക്കറ്റ് നഷ്ടത്തിൽ 49 റൺസ് എടുത്ത് 9 വിക്കറ്റ് ജയം ഉറപ്പിക്കുകയായിരുന്നു.

പുറത്താവാതെ 28 പന്തിൽ നിന്ന് 29 റൺസ് എടുത്ത ഡിയേന്ദ്ര ഡോട്ടിനും പുറത്താവാതെ 13 റൺസ് എടുത്ത റിച്ച ഘോഷും ചേർന്ന് ട്രെയില്‍ബ്ലേസേഴ്സിന് അനായാസ ജയം നേടികൊടുക്കുകയായിരുന്നു. 6 റൺസ് എടുത്ത സ്‌മൃതി മന്ദനയുടെ വിക്കറ്റാണ് ട്രെയില്‍ബ്ലേസേഴ്സിന് നഷ്ട്ടമയത്.

വനിത ടി20 ചലഞ്ചിലെ രണ്ടാം മത്സരത്തില്‍ ബാറ്റിംഗ് തിരഞ്ഞെടുത്ത് വെലോസിറ്റി

ഇന്നലെ സൂപ്പര്‍നോവാസിനെതിരെയുള്ള തകര്‍പ്പന്‍ ജയത്തിന് ശേഷം ഇന്ന് ട്രെയില്‍ബ്ലേസേഴ്സിനെതിരെ ടോസ് നേടി ബാറ്റിംഗ് തിരഞ്ഞെടുത്ത് വെലോസിറ്റി ടീം ക്യാപ്റ്റന്‍ മിത്താലി രാജ്. ഇന്നലെ ഒരു പന്ത് അവശേഷിക്കെയാണ് ടീം തകര്‍പ്പന്‍ വിജയം നേടിയത്. ഇന്നത്തെ ടീമില്‍ ഒരു മാറ്റമാണ് വെലോസിറ്റി വരുത്തിയിട്ടുള്ളത്.

സ്മൃതി മന്ഥാനയാണ് ട്രെയില്‍ബ്ലേസേഴ്സിന്റെ ക്യാപ്റ്റന്‍.

വെലോസിറ്റി: Shafali Verma, Danielle Wyatt, Mithali Raj(c), Veda Krishnamurthy, Sushma Verma(w), Sune Luus, Shikha Pandey, Sushree Dibyadarshini, Ekta Bisht, Leigh Kasperek, Jahanara Alam

ട്രെയില്‍ബ്ലേസേഴ്സ്: Smriti Mandhana(c), Deandra Dottin, Richa Ghosh(w), Harleen Deol, Deepti Sharma, Dayalan Hemalatha, Nattakan Chantam, Salma Khatun, Sophie Ecclestone, Rajeshwari Gayakwad, Jhulan Goswami

സ്കോര്‍ നെല്‍സണിലെത്തിയപ്പോള്‍ വെലോസിറ്റിയ്ക്ക് നഷ്ടമായത് 5 വിക്കറ്റ്, എന്നിട്ടും ജയം കരസ്ഥമാക്കി ടീം

വനിത ടി20 ചലഞ്ചില്‍ ട്രെയില്‍ബ്ലേസേഴ്സിനെ 3 വിക്കറ്റിനു പരാജയപ്പെടുത്തി വെലോസിറ്റി. ആദ്യം ബാറ്റ് ചെയ്ത വെലോസിറ്റി 20 ഓവറില്‍ 112/6 എന്ന നിലയിലേക്ക് ചെറുത്ത് നിര്‍ത്തപ്പെട്ടപ്പോള്‍ ലക്ഷ്യം 7 വിക്കറ്റുകളുടെ നഷ്ടത്തില്‍ 18 ഓവറില്‍ വെലോസിറ്റി മറികടക്കുകയായിരുന്നു. 46 റണ്‍സ് നേടിയ ഡാനിയേല്‍ വയട്ടും ഷെഫാലി വര്‍മ്മയുമാണ് (34) വെലോസിറ്റി ബാറ്റിംഗ് നിരയില്‍ തിളങ്ങി താരങ്ങള്‍. മിത്താലി രാജ് 17 റണ്‍സ് നേടി.

ജയം വെറും 2 റണ്‍സ് അകലെയായപ്പോള്‍ സ്കോര്‍ 111/2 എന്ന നിലയിലെത്തിയ ശേഷം ദീപ്തി ശര്‍മ്മ നാല് വിക്കറ്റ് നേടിയപ്പോള്‍ 111/7 എന്ന നിലയിലേക്ക് വെലോസിറ്റി വീണുവെങ്കിലും 18ാം ഓവറില്‍ ടീമിനു ജയം നേടുവാന്‍ സാധിയ്ക്കുകയായിരുന്നു.

നേരത്തെ ആദ്യം ബാറ്റ് ചെയ്ത ട്രെയില്‍ബ്ലേസേഴ്സിനു വേണ്ടി 43 റണ്‍സുമായി ദീപ്തി ശര്‍മ്മ ടോപ് സ്കോറര്‍ ആയി. സൂസി ബെയ്റ്റ്സ് 26 റണ്‍സും ദീപ്തി ശര്‍മ്മ 16 റണ്‍സും നേടി. ഏകത ബിഷ്ട്, അമേലിയ കെര്‍ എന്നിവര്‍ രണ്ട് വീതം വിക്കറ്റ് വെലോസിറ്റിയ്ക്ക് വേണ്ടി നേടി.