Category: Womens Cricket

അമന്‍ജോത് കൗര്‍ സോഫി മോളിനക്സിനെ ബൗണ്ടറി പായിച്ചപ്പോള്‍
ലോകകപ്പ് ചരിത്രത്തിലെ തന്നെ ഏറ്റവും വലിയ റൺ ചേസ് ആണ് ഇന്ത്യ പൂര്‍ത്തിയാക്കിയത്. കഴിഞ്ഞ പതിനഞ്ച് മത്സരങ്ങള്‍ വിജയിച്ചെത്തിയ ഓസ്ട്രേലിയ നൽകിയ കൂറ്റന്‍ സ്കോര്‍ ഇന്ത്യ പിന്തുടര്‍ന്ന് മറികടന്നപ്പോള്‍ മുന്‍ ലോക ചാമ്പ്യന്മാര്‍ മാത്രമായി ഇനി ഓസ്ട്രേലിയ കുറച്ച് കാലം അറിയപ്പെടും.

339 റൺസെന്നത് ഏവരും അപ്രാപ്യമെന്ന് കരുതിയ സ്കോര്‍ തന്നെയാണ്. ജെമീമയുടെ അപരാജിത ഇന്നിംഗ്സിനൊപ്പം ക്യാപ്റ്റന്‍ ഹര്‍മ്മന്‍പ്രീത് കൗര്‍ കളം നിറഞ്ഞാടിയപ്പോള്‍ ഇന്ത്യയ്ക്ക് തന്നെയായിരുന്നു മേൽക്കൈ. എന്നാൽ ഓസ്ട്രേലിയയെ ഒരിക്കലും എഴുതിത്തള്ളാനാകില്ലായിരുന്നു.

ഗ്രൂപ്പ് സ്റ്റേജിൽ ദക്ഷിണാഫ്രിക്ക, ഓസ്ട്രേലിയ, ഇംഗ്ലണ്ട് എന്നിവരോട് പരാജയപ്പെട്ട ശേഷമാണ് ഇന്ത്യ സെമി ഫൈനലില്‍ യോഗ്യത നേടിയത്. മോശം ഫീൽഡിംഗും ക്യാച്ച് കൈവിട്ടതും ടീമിന് സെമിയിൽതിരിച്ചടിയായപ്പോള്‍ ഓസ്ട്രേലിയ നേടിയ വലിയ സ്കോര്‍ ഇന്ത്യ മറികടക്കുമെന്ന് ആരും കരുതിയില്ല.

എന്നാൽ കൃത്യമായ ഇടവേളകളിൽ ബൗണ്ടറികള്‍ കണ്ടെത്തി ഇന്ത്യ തങ്ങളുടെ കന്നി കിരീടത്തിലേക്കുള്ള പ്രയാണത്തിന് സഹായകരമാകുന്ന ഒരു റൺ ചേസ് ആണ് ഇന്നലെ നെയ്തെടുത്തത്.

സെമി ഫൈനൽ പോലുള്ള അതിസമ്മര്‍ദ്ദ മത്സരത്തിലാണ് ഇന്ത്യ ഈ ചേസ് നടത്തിയത് എന്നത് ഈ റൺ ചേസിന്റെ പ്രത്യേകതയുയര്‍ത്തുന്നു. ഫൈനലില്‍ ദക്ഷിണാഫ്രിക്കയ്ക്കെതിരെ ഇന്ത്യ ഏറ്റുമുട്ടുമ്പോള്‍ വിജയിക്കുന്നത് ആരായാലും പുതിയ ഒരു കിരീടാവകാശികളാണ് ഉയര്‍ന്ന് വരുന്നത്.

ഐസിസി വനിത ഏകദിന ലോകകപ്പ് ഫൈനലില്‍ കടന്ന് ഇന്ത്യ. ജെമീമ റോഡ്രിഗസിന്റെ തകര്‍പ്പന്‍ ശതകത്തിനൊപ്പം ക്യാപ്റ്റന്‍ ഹര്‍മ്മന്‍പ്രീത് കൗറും തിളങ്ങിയ മത്സരത്തിൽ ഇന്ത്യ ഓസ്ട്രേലിയയ്ക്കെതിരെ 48.3 ഓവറിലാണ് 5 വിക്കറ്റ് വിജയം കരസ്ഥമാക്കിയത്.

339 റൺസെന്ന കൂറ്റന്‍ സ്കോര്‍ തേടി ഇറങ്ങിയ ഇന്ത്യയ്ക്ക് രണ്ടാം ഓവറിൽ ഷഫാലിയെയും പത്തോവറിനുള്ളിൽ സ്മൃതി മന്ഥാനയെയും നഷ്ടമായി. 59/2 എന്ന നിലയിലായിരുന്ന ഇന്ത്യയെ പിന്നീട് മുന്നോട്ട് നയിച്ചത് ജമീമ റോഡ്രിഗസ് – ഹര്‍മ്മന്‍പ്രീത് കൗര്‍ കൂട്ടുകെട്ടായിരുന്നു. മൂന്നാം വിക്കറ്റിൽ ഈ കൂട്ടുകെട്ട് 147 റൺസ് കൂട്ടിചേര്‍ത്തപ്പോള്‍ ഇന്ത്യ അനായാസ വിജയത്തിലേക്ക് കുതിയ്ക്കുമെന്ന് കരുതി.

എന്നാൽ 89 റൺസ് നേടിയ ഹര്‍മ്മന്‍പ്രീത് കൗറിനെ നഷ്ടമായത് ഇന്ത്യയ്ക്ക് തിരിച്ചടിയായി. അന്നബെൽ സത്തര്‍ലാണ്ട് ആ കൂട്ടുകെട്ട് തകര്‍ത്തപ്പോള്‍ ദീപ്തി ശര്‍മ്മയെയും (24) ഇന്ത്യയ്ക്ക് നഷ്ടമായി.

ദീപ്തി പുറത്തായ ശേഷം ക്രീസിലെത്തിയ റിച്ച ഘോഷ് മികച്ച ബാറ്റിംഗ് പുറത്തെടുത്തപ്പോള്‍ അഞ്ചാം വിക്കറ്റിൽ ഈ കൂട്ടുകെട്ട് 46 റൺസ് വേഗത്തിൽ നേടി. 45ാം ഓവറിൽ കൂറ്റനടികളുമായി റിച്ച ഘോഷ് കളം നിറഞ്ഞപ്പോള്‍ അവസാന അഞ്ചോവറിൽ ഇന്ത്യയുടെ വിജയ ലക്ഷ്യം 34 റൺസായി മാറി.

16 പന്തിൽ 26 റൺസ് നേടിയ റിച്ചയെയും അന്നബെൽ ആണ് പുറത്താക്കിയത്.  എന്നാൽ 134 പന്തിൽ 127 റൺസുമായി പുറത്താകാതെ നിന്ന് ജെമീമയും 8 പന്തിൽ 15 റൺസ് നേടി അമന്‍ജോത് കൗറും ഇന്ത്യയ്ക്ക് ഫൈനലില്‍ സ്ഥാനം നേടിക്കൊടുത്തു. ഫൈനലിൽ ദക്ഷിണാഫ്രിക്കയാണ് ഇന്ത്യയുടെ എതിരാളികള്‍.

സ്മൃതി മന്ഥാന നേടിയ തകര്‍പ്പന്‍ ശതകത്തിന്റെ ബലത്തിൽ ഓസ്ട്രേലിയയുടെ 413 റൺസ് വിജയ ലക്ഷ്യം തേടിയിറങ്ങിയ ഇന്ത്യ 369 റൺസ് നേടിയെങ്കിലും 43 റൺസിന്റെ തോൽവി ടീം ഏറ്റുവാങ്ങി. 47 ഓവറിൽ ഇന്ത്യ ഓള്‍ഔട്ട് ആയപ്പോള്‍ സ്മൃതി മന്ഥാന 63 പന്തിൽ നിന്ന് 125 റൺസ് നേടി ഇന്ത്യന്‍ നിരയിൽ കസറി. ഒരു ഇന്ത്യന്‍ താരം നേടുന്ന അതിവേഗ ശതകമാണ് ഇന്ന് സ്മൃതി സ്വന്തമാക്കിയത്. വനിത ഏകദിനത്തിലെ രണ്ടാമത്തെ വേഗതയേറിയ ശതകമാണ് ഇത്.

സ്മൃതിയ്ക്കൊപ്പം ദീപ്തി ശര്‍മ്മ 58 പന്തിൽ 72 റൺസും ഹര്‍മ്മന്‍പ്രീത് കൗര്‍ 35 പന്തിൽ 52 റൺസും നേടിയെങ്കിലും മറ്റു താരങ്ങള്‍ക്കാര്‍ക്കും വലിയ സ്കോര്‍ നേടാനാകാതെ പോയപ്പോള്‍ ഇന്ത്യ 47 ഓവറിൽ 369 റൺസിന് ഓള്‍ഔട്ട് ആയി.

സ്നേഹ് റാണ് 35 റൺസ് നേടി പുറത്തായി. ഓസ്ട്രേലിയയ്ക്കായി കിം ഗാര്‍ത് മൂന്നും മെഗാന്‍ ഷൂട്ട് 2 വിക്കറ്റും നേടി.

നേരത്തെ ആദ്യം ബാറ്റ് ചെയ്ത ഓസ്ട്രേലിയയെ ബെത്ത് മൂണി (138), ജോര്‍ജ്ജിയ വോള്‍ (81), എലീസ് പെറി (68) എന്നിവരുടെ ബാറ്റിംഗ് മികവാണ് 412 റൺസിലേക്ക് എത്തിച്ചത്.

ഇന്ത്യയും ഓസ്ട്രേലിയയും തമ്മിലുള്ള മൂന്നാം ഏകദിനത്തിൽ 412 എന്ന കൂറ്റന്‍ സ്കോര്‍ നേടി ഓസ്ട്രേലിയന്‍ വനിതകള്‍. ടോസ് നേടി ബാറ്റിംഗ് തിരഞ്ഞെടുത്ത ഓസ്ട്രേലിയ ബെത്ത് മൂണിയുടെ ശതകത്തിന്റെ ബലത്തിൽ ഈ സ്കോര്‍ നേടിയപ്പോള്‍ 47.5 ഓവറിൽ ടീം ഓള്‍ഔട്ട് ആയി.

മൂണി 75 പന്തിൽ 138 റൺസ് നേടിയപ്പോള്‍ ജോര്‍ജ്ജിയ വോള്‍ 81 റൺസും എലീസ് പെറി 68 റൺസും നേടി ഓസീസ് നിരയിൽ തിളങ്ങി. 57 പന്തിൽ നിന്ന് തന്റെ ശതകം പൂര്‍ത്തിയാക്കിയ മൂണി വനിത ക്രിക്കറ്റിലെ രണ്ടാമത്തെ അതിവേഗ ശതകത്തിന് ഉടമയായി.

ഇന്ത്യയ്ക്കായി അരുന്ധതി റെഡ്ഡി 3 വിക്കറ്റും രേണുക സിംഗ് താക്കൂര്‍, ദീപ്തി ശര്‍മ്മ എന്നിവര്‍ രണ്ട് വീതം വിക്കറ്റും നേടി.

വനിതകളുടെ ഏഷ്യ കപ്പ് മത്സരത്തിൽ പാക്കിസ്ഥാനെതിരെ 7 വിക്കറ്റിന്റെ തകര്‍പ്പന്‍ വിജയം നേടി ഇന്ത്യ. ഇന്ന് ഓപ്പണിംഗ് കൂട്ടുകെട്ടായ സ്മതി മന്ഥാന – ഷഹാലി കൂട്ടുകെട്ട് നേടിയ 85 റൺസാണ് ഇന്ത്യയുടെ വിജയം 14.1 ഓവറിൽ സാധ്യമാക്കിയത്. വിജയത്തിനോടടുത്തെത്തിയപ്പോള്‍ വിക്കറ്റുകള്‍ ഇന്ത്യയ്ക്ക് നഷ്ടമായെങ്കിലും പാക്

85 റൺസാണ് സ്മൃതി മന്ഥാന – ഷഫാലി വര്‍മ്മ കൂട്ടുകെട്ട് നേടിയത്. 10ാം ഓവറിൽ പാക്കിസ്ഥാന്‍ സ്മൃതിയെ (45) പുറത്താക്കിയാണ് ഈ കൂട്ടുകെട്ട് തകര്‍ത്തത്. ആ സമയത്ത് വിജയത്തിന് 24 റൺസ് അകലെ മാത്രമായിരുന്നു ഇന്ത്യ.

ഷഫാലി 40 റൺസ് നേടിയപ്പോള്‍ ദയലന്‍ ഹേമലത 14 റൺസ് നേടി. ഇരുവരുടെയും വിക്കറ്റുകള്‍ അടുത്തടുത്ത് ഇന്ത്യയ്ക്ക് നഷ്ടമായി. പാക്കിസ്ഥാന് വേണ്ടി സയിദ അരൂബ് ഷാ രണ്ട് വിക്കറ്റ് നേടി.

ഏഷ്യ കപ്പിൽ ഇന്ത്യയ്ക്കെതിരെ 108 റൺസിന് പുറത്തായി പാക്കിസ്ഥാന്‍. ഇന്ന് ഗ്രൂപ്പ് എ മത്സരത്തിൽ ആദ്യം ബാറ്റ് ചെയ്യുവാന്‍ തീരുമാനിച്ച പാക്കിസ്ഥാന്‍ 19.2 ഓവറിൽ ഓള്‍ഔട്ട് ആകുകയായിരുന്നു. 25 റൺസ് നേടിയ സിദ്ര അമീനും 22 റൺസ് നേടിയ തൂബ ഹസ്സനും ആണ് പാക്കിസ്ഥാന് വേണ്ടി റൺസ് കണ്ടെത്തിയത്.

ഒരു ഘട്ടത്തിൽ പാക് സ്കോര്‍ നൂറ് കടക്കില്ലെന്ന് ഏവരും കരുതിയെങ്കിലും ഫാത്തിമ സന ടീമിനെ 108 റൺസിലേക്ക് എത്തിച്ചു. സന പുറത്താകാതെ 22 റൺസ് നേടി.  11 ഓവര്‍ പിന്നിടുമ്പോള്‍ 57/3 എന്ന നിലയിലായിരുന്ന പാക്കിസ്ഥാന് അവസാന ഓവറുകള്‍ മുതലാക്കാനാകാതെ പോകുകയായിരുന്നു.  ഇന്ത്യയ്ക്ക് വേണ്ടി ദീപ്തി ശര്‍മ്മ മൂന്നും പൂജ വസ്ട്രാക്കര്‍, രേണുക താക്കൂര്‍ സിംഗ്, ശ്രേയാങ്ക പാട്ടീൽ എന്നിവര്‍ രണ്ട് വീതം വിക്കറ്റും നേടി.