Tag: The Hundred

ദി ഹണ്ട്രെഡ് ക്രിക്കറ്റ് ടൂര്‍ണ്ണമെന്റില്‍ ഐപിഎല്‍ ഫ്രാഞ്ചൈസികള്‍ക്കും സ്റ്റേക്ക് നല്‍കുവാന്‍ തയ്യാറായി ഇംഗ്ലണ്ട് ആന്‍ഡ് വെയില്‍സ് ക്രിക്കറ്റ് ബോര്‍ഡ്. ഏഷ്യന്‍ ടെലിവിഷന്‍ റൈറ്റ്സിന്റെ ഒരു ഭാഗം ഇന്ത്യന്‍ കൗണ്‍സിലിന് നല്‍കുവാനാണ് ഇസിബി ഒരുങ്ങുന്നത്. വിരാട് കോഹ്‍ലിയും മറ്റു ഇന്ത്യന്‍ താരങ്ങളുടെയും പ്രാതിനിധ്യം ടൂര്‍ണ്ണമെന്റില്‍ ഉറപ്പാക്കുവാനുള്ള ശ്രമത്തിന്റെ ഭാഗമായാണ് ഈ നീക്കം.

ജൂലൈ 22 2021ന് ആണ് ടൂര്‍ണ്ണമെന്റ് ആരംഭിക്കുക. ഇംഗ്ലണ്ട് ക്രിക്കറ്റ് ബോര്‍ഡും ബിസിസിഐയും തമ്മിലുള്ള ചര്‍ച്ച പുരോഗമിക്കുകയാണെന്നാണ് ലഭിയ്ക്കുന്ന വിവരം. ഇംഗ്ലണ്ട് ക്രിക്കറ്റ് ബോര്‍ഡ് ചെയര്‍മാന്‍ ഇയാന്‍ വാട്മോറും ചീഫ് എക്സിക്യൂട്ടീവ് ടോം ഹാരിസണും അഹമ്മദാബാദിലെ അവസാന ടെസ്റ്റിന്റെ സമയത്ത് ഇവിടെയെത്തിയപ്പോളാണ് ചര്‍ച്ച കൂടുതല്‍ പുരോഗമിച്ചതെന്നാണ് വിവരം.

രണ്ട് അവസരങ്ങളാണ് ഇംഗ്ലണ്ട് ബോര്‍ഡ് മുന്നോട്ട് വെച്ചിരിക്കുന്നത്. എട്ട് ഐപിഎല്‍ ഫ്രാഞ്ചൈസികള്‍ 25 ശതമാനം വീതം ഹണ്ട്രെഡിലെ ടീമില്‍ സ്റ്റേക്ക് നല്‍കുക അല്ലെങ്കില്‍ ഏഷ്യയിലെ ബ്രോഡ്കാസ്റ്റ് വരുമാനത്തിന്റെ ഒരു ഭാഗം ബിസിസിഐയ്ക്ക് നല്‍കാമെന്നുമാണ് ഇസിബി മുന്നോട്ട് വെച്ച രണ്ട് ഉപാധികള്‍. ഇവയില്‍ ഒന്ന് ഇവര്‍ക്ക് തിരഞ്ഞെടുക്കാമെന്നാണ് ഇസിബിയുടെ തീരുമാനം.

ദി ഹണ്ട്രെഡിന്റെ ഭാഗമായ വനിത താരങ്ങള്‍ക്കളുടെ കരാറുകളുടെ സാധുത 2021ലും ഉണ്ടാകുമെന്ന് അറിയിച്ച് ഇംഗ്ലണ്ട് ക്രിക്കറ്റ് ബോര്‍ഡ്. ഇംഗ്ലണ്ടിന്റെ ക്രിക്കറ്റിലെ പുതിയ പതിപ്പായ ദി ഹണ്ട്രെഡിന്റെ ആദ്യത്തെ പതിപ്പ് ഈ വര്‍ഷം ആരംഭിക്കുവാനായിരുന്നു തീരുമാനമെങ്കിലും പിന്നീട് കൊറോണ കാരണം അടുത്ത വര്‍ഷത്തേക്ക് മാറ്റുകയായിരുന്നു.

ആവശ്യമെങ്കില്‍ താരങ്ങള്‍ക്ക് ഇപ്പോളുള്ള കരാര്‍ വേണ്ടെന്ന് വെച്ച ശേഷം പുതിയ കരാറിനെക്കുറിച്ച് ടീമുകളുമായി ചര്‍ച്ച ചെയ്യാവുന്നതാണെന്നും ബോര്‍ഡ് അറിയിച്ചിട്ടുണ്ട്. ഫ്രാഞ്ചൈസികള്‍ക്ക് കരാറുകള്‍ റദ്ദാക്കുവാന്‍ അധികാരമില്ലെന്നും ഇത് താരങ്ങളെ സംരക്ഷക്കുവാന്‍ വേണ്ടിയുള്ള തീരുമാനം ആണെന്നും ഇംഗ്ലണ്ട് ബോര്‍ഡ് വ്യക്തമാക്കി.

ഇംഗ്ലണ്ടിലെ ക്രിക്കറ്റിന്റെ ഏറ്റവും പുതിയ പതിപ്പായ ദി ഹണ്ട്രെഡിന്റിന്റെ ഇന്ത്യന്‍ പതിപ്പിനായി ബിസിസിഐ ശ്രമിക്കുന്നതായി സൂചന. ഇംഗ്ലണ്ട് ക്രിക്കറ്റ് ബോര്‍ഡില്‍ നിന്ന് വിരമിക്കുന്ന ചെയര്‍മാന്‍ കോളിന്‍ ഗ്രേവ്സ് ആണ് ഈ കാര്യം പുറത്ത് വിട്ടത്. ബിസിസിഐ തങ്ങളോട് നിരന്തരമായി ദി ഹണ്ട്രെഡിന്റെ ഫോര്‍മാറ്റ് അറിയുവാനായി ബന്ധപ്പെട്ടിരുന്നുവെന്നാണ് ഗ്രേവ്സ് പറയുന്നത്. ബിസിസിഐ മാത്രമല്ല വേറെയും പല ബോര്‍ഡുകള്‍ ഇത്തരത്തില്‍ തങ്ങളെ സമീപിച്ചിട്ടുണ്ടെന്നാണ് ഗ്രേവ്സ് പറഞ്ഞത്.

ഈ വര്‍ഷം അരങ്ങേറ്റം കുറിയ്ക്കേണ്ടിയിരുന്ന ദി ഹണ്ട്രെഡ് കോവിഡ് കാരണം അടുത്ത വര്‍ഷത്തേക്ക് മാറ്റുകയായിരുന്നു. ഇത്രയും ബോര്‍ഡുകളുടെ താല്പര്യം സൃഷ്ടിക്കാനായി എന്നത് തന്നെ ദി ഹണ്ട്രെഡിന്റെ പ്രശസ്തിയെ സൂചിപ്പിക്കുന്നുവെന്നാണ് കോളിന്‍ ഗ്രേവ്സിന്റെ അഭിപ്രായം.

ലോകത്തിലെ ഏറ്റവും വിജയകരമായ ടി20 ലീഗ് നടത്തുന്ന ബിസിസിഐയ്ക്ക് സമാനമായ രീതിയില്‍ ദി ഹണ്ട്രെഡ് കൊണ്ടുവന്ന് വിജയിപ്പിക്കുവാനാകുമോ എന്നതാണ് ഇനി കാത്തിരിക്കേണ്ടത്. നേരത്തെ ബിസിസിഐ മിനി ഐപിഎല്‍ കൊണ്ടുവരാന്‍ ശ്രമിച്ചിട്ട് അത് നടക്കാതെ പോയിരുന്നു. അതിനാല്‍ തന്നെ ഇപ്പോളത്തെ സാഹചര്യത്തില്‍ ഹണ്ട്രെഡ് പോലൊരു വ്യത്യസ്തമായ ടൂര്‍ണ്ണമെന്റിന് ബോര്‍ഡ് ശ്രമിക്കുമോ എന്നതും കാത്തിരുന്ന് കാണേണ്ടതാണ്.