അടുത്ത സീസൺ 2023/24 മുതൽ, ഓൾ ഇന്ത്യ ഫുട്ബോൾ ഫെഡറേഷൻ (എഐഎഫ്എഫ്) സംഘടിപ്പിക്കുന്ന ഹീറോ സൂപ്പർ കപ്പ് ഇനി സീസൺ അവസാനം നടക്കുന്ന ടൂർണമെന്റ് ആയിരിക്കിഅ, ഹീറോ ഇന്ത്യൻ സൂപ്പർ ലീഗിന് (ഐഎസ്എൽ) ഒപ്പം ഒരേസമയം കളിക്കുന്ന രീതിയിൽ ആകും സൂപ്പർ കപ്പ് നടക്കുക. നേരത്തെ കേരള ബ്ലാസ്റ്റേഴ്സ് പരിശീലകൻ ഇവാൻ വുകമാനോവിച് സൂപ്പർ സീസണ് ഇടയിൽ ഐ എസ് എല്ലിന് ഒപ്പം തന്നെ നടത്തണം എന്ന് ആവശ്യപ്പെട്ടിരുന്നു. ഇനി അത് നടക്കുന്നത് കാണാൻ ഫുട്ബോൾ പ്രേമികൾക്ക് ആകും.
പക്വതയുള്ള ഏതൊരു ഫുട്ബോൾ രാജ്യത്തെയും പോലെ നടക്കേണ്ട ഒരു കപ്പ് മത്സരമാണ് സൂപ്പർ കപ്പ് എന്ന് എഐഎഫ്എഫ് ജനറൽ സെക്രട്ടറി ഷാജി പ്രഭാകരൻ പറഞ്ഞു. ഒരേസമയം സൂപ്പർ കപ്പും ഐ എസ് എല്ലും കളിക്കുന്നത് എല്ലാവർക്കും ഒരു പുതിയ വെല്ലുവിളി നൽകുമെന്നും മത്സര അന്തരീക്ഷത്തിലേക്ക് കൂടുതൽ ആവേശം ചേർക്കുമെന്നും അദ്ദേഹം കൂട്ടിച്ചേർത്തു.
ലോവർ ഡിവിഷനുകളിൽ നിന്നുള്ള കൂടുതൽ ടീമുകളെ സൂപ്പർ കപ്പിൽ ഉൾപ്പെടുത്തുന്നതിനെ കുറിച്ചും ഷാജി പ്രഭാകരൻ പറഞ്ഞു, ലോവർ ഡിവിഷൻ ടീമുകൾ മുൻനിര ടീമുകളെ തോൽപ്പിക്കുന്നത് മറ്റ് രാജ്യങ്ങളിൽ കാണുന്നതുപോലെയുള്ള ആവേശം സൃഷ്ടിക്കാൻ ഇത് അവസരമൊരുക്കും എന്ന് അദ്ദേഹം പറഞ്ഞു.
