Category: Super Cup

ഈസ്റ്റ് ബംഗാൾ സൂപ്പർ കപ്പ് സ്വന്തമാക്കി. ഇന്ന് നടന്ന ഫൈനലിൽ ഓഡിഷയെ രണ്ടിനെതിരെ മൂന്നു ഗോളികൾക്ക് തോൽപ്പിച്ചാണ് ഈസ്റ്റ് ബംഗാൾ കിരീടം നേടിയത്. എക്സ്ട്രാ ടൈം വരെ നീണ്ട ആവേശകരമായ പോരാട്ടമാണ് ഇന്ന് സൂപ്പർ കപ്പിൽ കാണാനായത്. മത്സരത്തിന്റെ 39ആം മിനിറ്റിൽ ഡിയേഗോ മൊറീസിയോ ആണ് ഒഡീഷയുടെ ആദ്യ ഗോൾ നേടിയത്. ആദ്യ പകുതി ഒഡീഷ 1-0ന്റെ ലീഡിൽ അവസാനിപ്പിച്ചു.

രണ്ടാം പകുതിയുടെ തുടക്കത്തിൽ 51ആം മിനിട്ടിൽ നന്ദകുമാറിലൂടെ ഈസ്റ്റ് ബംഗാൾ സമനില നേടി. മഹേഷിന്റെ അസിസ്റ്റിൽ നിന്നായിരുന്നു നന്ദകുമാറിന്റെ ഗോൾ. അധികം വൈകാതെ 62ആം മിനിറ്റൽ സോൾ ക്രെസ്പോയിലൂടെ ഈസ്റ്റ് ബംഗാൾ ലീഡ് എടുത്തു. 68ആം മിനിറ്റിൽ ചുവപ്പ് കണ്ട് മൗർട്ടാഡ പുറത്തായതോടെ ഒഡീസ്ഗ 10 പേരായി ചുരുങ്ങി. എന്നിട്ടും അവർ തളർന്നില്ല. ഇഞ്ച്വറി ടൈമിന്റെ അവസാന മിനിറ്റിൽ അഹമ്മദ് ജാഹുവിലൂടെ അവർ സമനില കണ്ടെത്തി. ഇതോടെ കളി എക്സ്ട്രാ ടൈമിലേക്ക് നീങ്ങി.

എക്സ്ട്രാ ടൈമിൽ ഈസ്റ്റ് ബംഗാളിന്റെ സൗവിക് ചക്രവർത്തി രണ്ടാം മഞ്ഞക്കാർഡ് കണ്ടതോടെ രണ്ട് ടീമുകളും 10 പേരായി ചുരുങ്ങി. എക്സ്ട്രാ ടൈമിൽ 111ആം ക്ലൈറ്റൻ സിൽവയുടെ ഗോളിലൂടെ മൂന്നാം ഗോൾ നേടിയ ഈസ്റ്റ് ബംഗാൾ കിരീട ഉറപ്പിച്ചു. 12 വർഷങ്ങൾക്ക് ശേഷമാണ് അവർ ഒരു ദേശീയ കപ്പ് ഉയർത്തുന്നത്.

കലിംഗ സൂപ്പർ കപ്പ് സെമി ഫൈനലിൽ ജംഷദ്പൂരിനെ തോൽപ്പിച്ച് കൊണ്ട് ഈസ്റ്റ് ബംഗാൾ ഫൈനലിൽ. ഇന്ന് നടന്ന മത്സരത്തിൽ എതിരില്ലാത്ത രണ്ടു ഗോളുകൾക്ക് ആയിരുന്നു ഈസ്റ്റ് ബംഗാളിന്റെ വിജയം. 19ആം മിനുട്ടിൽ ഹജാസി ആണ് ഈസ്റ്റ് ബംഗാളിന് ലീഡ് നൽകിയത്. ആദ്യ പകുതി 1-0ന് അവസാനിച്ചു.

രണ്ടാം പകുതിയിൽ തുടക്കത്തിൽ തന്നെ ഈസ്റ്റ് ബംഗാൾ ലീഡ് ഇരട്ടിയാക്കി. 47ആം മിനുട്ടിൽ ഈസ്റ്റ് ബംഗാളിനായി സിവേരിയോ ആണ് ഗോൾ നേടിയത്. ഇനി ഫൈനലിൽ മുംബൈ സിറ്റിയോ ഒഡീഷയോ ആകും ഫൈനലിൽ ഈസ്റ്റ് ബംഗാളിന്റെ എതിരാളികൾ. നാളെ ആകും രണ്ടാം സെമി ഫൈനൽ നടക്കുക.

കലിംഗ സൂപ്പർ കപ്പിൽ നിന്ന് ബെംഗളൂരു എഫ് സിയും പുറത്ത്‌. ഇന്ന് എഫ് സി ഗോവയെ നേരിട്ട ബെംഗളൂരു എഫ് സി മറുപടി ഇല്ലാത്ത ഒരു ഗോളിനാണ് പരാജയപ്പെട്ടത്‌. അവസാന നിമിഷ ഗോളിൽ ആയിരുന്നു എഫ് സി ഗോവയുടെ വിജയം. ഇഞ്ച്വറി ടൈമിൽ യുവതാരം ബ്രിസൺ ആണ് വിജയ ഗോൾ നേടിയത്.

എഫ് സി ഗോവ നേരത്തെ ആദ്യ മത്സരത്തിൽ ഇന്റർ കാശിയെയും തോൽപ്പിച്ചിരുന്നു. അവർ 6 പോയിന്റുമായി ഗ്രൂപ്പിൽ ഒന്നാമത് നിൽക്കുകയാണ്. കളിച്ച രണ്ട് മത്സരങ്ങളും തോറ്റ ബെംഗളൂരു എഫ് സിക്ക് ഇനി പ്രതീക്ഷയില്ലം ഗോവ ഇനി അവസാന മത്സരത്തിൽ ഒഡീഷ എഫ് സിയെ നേരിടും. ആ മത്സരം ആകും ഗ്രൂപ്പ് ചാമ്പ്യന്മാരെ നിശ്ചയിക്കുക.

കലിംഗ സൂപ്പർ കപ്പിൽ നിന്ന് രണ്ടാമത്തെ കേരള ടീമും പുറത്തായി. ഇന്ന് ചെന്നൈയിനോട് പരാജയപ്പെട്ടതോടെയാണ് ഗോകുലം കേരള സൂപ്പർ കപ്പിൽ നിന്ന് പുറത്തായത്. ഇന്നലെ കേരള ബ്ലാസ്റ്റേഴ്സും പുറത്തായിരുന്നു. ഇന്ന് എതിരില്ലാത്ത രണ്ടു ഗോളുകൾക്ക് ആണ് ചെന്നൈയിൻ വിജയിച്ചത്. ആദ്യ പകുതിയിൽ കോണോർ ഷീൽഡ്സ് ചെന്നൈയിന് ലീഡ് നൽകി. രണ്ടാം പകുതിയിൽ 64ആം മിനുട്ടിൽ ഇർഫാൻ അവരുടെ രണ്ടാം ഗോളും നേടി.

69ആം മിനുട്ടിൽ ഇർഷാദ് ചുവപ്പ് കാർഡ് കണ്ട് പുറത്തായതോടെ ഗോകുലം കേരളയുടെ പോരാട്ടം അവസാനിച്ചു. അവർ ആദ്യ മത്സരത്തിൽ മുംബൈ സിറ്റിയോടും പരാജയപ്പെട്ടിരുന്നു. ഇനി അവസാന മത്സരത്തിൽ ഗോകുലം കേരള പഞ്ചാബ് എഫ് സിയെ നേരിടും.

ഒരു കിരീടം എന്ന കേരള ബ്ലാസ്റ്റേഴ്സ് എഫ് സിയുടെ സ്വപ്നത്തിന് ഇനിയും കാത്തു നിൽക്കണം. ഇന്ന് കേരള ബ്ലാസ്റ്റേഴ്സ് ജംഷദ്പൂർ എഫ് സിയോട് 3-2ന് പരാജയപ്പെട്ടിരുന്നു. ഈ പരാജയത്തോടെ സൂപ്പർ കപ്പിന്റെ സെമി ഫൈനലിൽ എത്താം എന്നുള്ള ബ്ലാസ്റ്റേഴ്സിന്റെ മോഹങ്ങൾക്ക് തിരിച്ചടിയായി. ഇന്ന് വിജയിച്ച ജംഷദ്പൂർ എഫ് സി സെമി ഫൈനലിൽ എത്തുന്ന ആദ്യ ടീമായും മാറി.

ഗ്രൂപ്പിൽ രണ്ട് മത്സരങ്ങൾ കഴിഞ്ഞപ്പോൾ ജംഷദ്പൂർ 6 പോയിന്റുമായി ഒന്നാമത് നിൽക്കുന്നു. ബ്ലാസ്റ്റേഴ്സ് 3 പോയിന്റുമായി രണ്ടാം സ്ഥാനത്താണ്. നോർത്ത് ഈസ്റ്റിന് 3 പോയിന്റാണ് ഉള്ളത്. ഇനി അവസാന ഗ്രൂപ്പ് മത്സരത്തിൽ നോർത്ത് ഈസ്റ്റിനെ ആണ് ബ്ലാസ്റ്റേഴ്സ് നേരിടേണ്ടത്. അന്ന് ബ്ലാസ്റ്റേഴ്സ് ജയിക്കുകയും ജംഷദ്പൂർ തോൽക്കുകയും ചെയ്താലും ഒരു ടീമുകൾക്കും 6 പോയിന്റ് വീതമാണ് ഉണ്ടാവുക. അങ്ങനെ വന്നാലും ഹെഡ് ടു ഹെഡിൽ ജംഷദ്പൂർ ഗ്രൂപ്പ് ചാമ്പ്യന്മാരാകും.