Tag: Steven Smith

ബൈ ലോയിലെ പ്ലേയര്‍ ഡ്രാഫ്ട് നിയമങ്ങളില്‍ മാറ്റം വരുത്തി ബംഗ്ലാദേശ് ക്രിക്കറ്റ് ബോര്‍ഡ് സ്റ്റീവ് സ്മിത്തിനു ടൂര്‍ണ്ണമെന്റില്‍ കളിയ്ക്കുവാനുള്ള അവസരം ഒരുക്കിയിരിക്കുന്നു. സ്റ്റീവ് സ്മിത്തിനെ ഡ്രാഫ്ടിനു വെളിയില്‍ സൈന ചെയ്തതിനാല്‍ അത് അനുവദിക്കരുതെന്ന് ബംഗ്ലാദേശ് പ്രീമിയര്‍ ലീഗിലെ മറ്റു ഫ്രാഞ്ചൈസികള്‍ ആവശ്യപ്പെട്ടതിനെത്തുടര്‍ന്ന് ബോര്‍ഡ് താരത്തെ വിലക്കിയിരുന്നു.

അസേല ഗുണരത്നേയ്ക്ക് പകരമാണ് കോമില വിക്ടോറിയന്‍സ് താരത്തെ ടീമിലെത്തിച്ചത്. ജനുവരി 5നു ആരംഭിയ്ക്കുവാനിരുന്ന ടൂര്‍ണ്ണമെന്റില്‍ താരത്തിന്റെ പങ്കാളിത്തം അനിശ്ചിതത്തിലായതിനിടയിലാണ് ആശ്വാസ വാര്‍ത്തയുമായി ബിപിഎല്‍ ഗവേണിംഗ് കൗണ്‍സിലിന്റെ തീരുമാനം.

പന്ത് ചുരണ്ടല്‍ വിവാദത്തിന്റെ ആദ്യ പദ്ധതികള്‍ ഡ്രെസ്സിംഗ് റൂമില്‍ ചര്‍ച്ച ചെയ്യുമ്പോള്‍ തന്നെ താന്‍ അത് അറിഞ്ഞിരുന്നുവെന്നും തനിക്ക് അത് നിര്‍ത്തുവാന്‍ അവസരമുണ്ടായിട്ടും താന്‍ അതിനു ശ്രമിച്ചില്ലെന്ന് പറഞ്ഞ് സ്റ്റീവ് സ്മിത്ത്. താന്‍ അത് ഡ്രെസ്സിംഗ് റൂമില്‍ വെച്ച് കേട്ടിട്ടും കേള്‍ക്കാതെ പോലെ പോകുകയായിരുന്നു അതിനാല്‍ തന്നെ ഇത് നടന്നതിനു പിന്നിലുള്ള ഉത്തരവാദിത്വത്തില്‍ നിന്ന് തനിക്ക് ഒഴിയാനാകില്ലെന്ന് സ്മിത്ത് വിശദീകരിച്ചു.

തന്റെ നേതൃത്വം പരാജയപ്പെട്ട നിമിഷമാണിതെന്നും സ്മിത്ത് കൂട്ടിചേര്‍ത്തു.

വിവാദ ത്രയത്തിനുമേല്‍ അടിച്ചേല്പിച്ച വിലക്കുകള്‍ തുടരുമെന്ന് സ്ഥിതീകരിച്ച് ക്രിക്കറ്റ് ഓസ്ട്രേലിയ. ഓസ്ട്രേലിയന്‍ ക്രിക്കറ്റ് അസോസ്സിയേഷന്റെ അപേക്ഷയ്ക്ക് മറുപടിയായാണ് ക്രിക്കറ്റ് ഓസ്ട്രേലിയ തങ്ങളുടെ നയം വ്യക്തമാക്കിയത്. കാമറൂണ്‍ ബാന്‍ക്രോഫ്ടിന്റെ വിലക്ക് ഡിസംബര്‍ 29നു അവസാനിക്കുവാനിരിക്കുമ്പോള്‍ മാര്‍ച്ച് 29 2019ല്‍ മാത്രമാണ് ഡേവിഡ് വാര്‍ണര്‍, സ്റ്റീവന്‍ സ്മിത്ത് എന്നിവരുടെ വിലക്കുകള്‍ മാറുക.

വാര്‍ണറെയും സ്മിത്തിനെയും തിരികെ കൊണ്ടുവരണമെന്നും വേണ്ടെന്നുമുള്ള ചര്‍ച്ചകള്‍ ഓസ്ട്രേലിയന്‍ ക്രിക്കറ്റില്‍ സജീവമായി നില്‍ക്കുമ്പോള്‍ ആണ് ഈ തീരുമാനം ക്രിക്കറ്റ് ഓസ്ട്രേലിയ അറിയിക്കുന്നത്. ഓസ്ട്രേലിയയുടെ മോശം ഫോമും മത്സരങ്ങളിലെ സ്ഥിരം തോല്‍വിയും താരങ്ങളുടെ വിലക്ക് റദ്ദാക്കണമെന്ന ആവശ്യം ഉന്നയിക്കപ്പെടുവാന്‍ ഇടയായിട്ടുണ്ട്.

സ്റ്റീവ് സ്മിത്ത്, ഡേവിഡ് വാര്‍ണര്‍, കാമറൂണ്‍ ബാന്‍ക്രോഫ്ട് എന്നിവരുടെ വിലക്ക് നീക്കണമെന്ന് ആവശ്യപ്പെട്ട് ഗ്രെഗ് ഡയര്‍. താരങ്ങള്‍ ആവശ്യത്തിനു ശിക്ഷ അനുഭവിച്ച് കഴിഞ്ഞുവെന്നും വിലക്കുകള്‍ നീക്കം ചെയ്യപ്പെടേണ്ടതുണ്ടെന്നുമാണ് ഓസ്ട്രേലിയന്‍ ക്രിക്കറ്റേര്‍സ് അസോസ്സിയേഷന്‍ പ്രസിഡന്റ് ഗ്രെഗ് അഭിപ്രായപ്പെട്ടത്. സ്മിത്തിനും വാര്‍ണര്‍ക്കും 12 മാസത്തെയും ബാന്‍ക്രോഫ്ടിനു 9 മാസത്തെയും വിലക്കാണ് ഓസ്ട്രേലിയന്‍ ക്രിക്കറ്റ് അസോസ്സിയേഷന്‍ നല്‍കിയത്.

മൂവര്‍ സംഘം സാമ്പത്തിക നഷ്ടം രാജ്യത്തെ പ്രതിനിധാനം ചെയ്യുവാനുള്ള അവസരം പൊതുസമൂഹത്തില്‍ അപഹാസ്യരായി എന്നീ ശിക്ഷകള്‍ നേരിട്ട് കഴിഞ്ഞതിനാല്‍ ഇനി അവരുടെ ശിക്ഷ ഇളവ് ചെയ്യേണ്ടതാണെന്നാണ് ഡയര്‍ അഭിപ്രായം പറഞ്ഞത്. ഇത് സംബന്ധിച്ച് താരങ്ങള്‍ക്ക് അനുകൂലമായ നടപടി വേണമെന്ന് ആവശ്യപ്പെട്ട് ക്രിക്കറ്റ് അസോസ്സിയേഷനെ എസിഎ സമീപിക്കുകയും ചെയ്യുമെന്നാണ് അറിയുന്നത്.