Tag: Qatar

ഇന്ന് ലോകകപ്പ് യോഗ്യത റൗണ്ടിലെ അവസാന മത്സരത്തിൽ ഇന്ത്യ ഇന്ന് ഖത്തറിനെ നേരിടും. ഇന്ത്യക്ക് ഏറെ നിർണായകമായ മത്സരത്തിൽ ഇന്ത്യക്ക് വിജയിച്ചേ പറ്റൂ‌. ഇപ്പോൾ രണ്ടാം സ്ഥാനത്ത് ഉള്ള ഇന്ത്യക്ക് വിജയിച്ചാൽ മാത്രമെ ആ രണ്ടാം സ്ഥാനം ഉറപ്പുള്ളൂ. ഖത്തറിൽ വെച്ചാണ് മത്സരം നടക്കുന്നത്. ഖത്തർ ഇതിനകം തന്നെ അടുത്ത റൗണ്ടിന് യോഗ്യത നേടിയിട്ടുണ്ട്.

ഖത്തറിൽ ആയതു കൊണ്ട് തന്നെ ഇന്ത്യക്ക് ഇന്ന് വലിയ പ്രതീക്ഷകളില്ല. ഖത്തർ ഒരു യുവടീമുമായാകും ഇറങ്ങുന്നത് എന്നത് മാത്രമാണ് ഇന്ത്യക്ക് പ്രതീക്ഷ നൽകുന്നത്. സുനിൽ ഛേത്രി വിരമിച്ച ശേഷമുള്ള ആദ്യ മത്സരമാണ് ഇത്. ഗുപ്രീത് ആകും ഇന്ന് ഇന്ത്യയുടെ ക്യാപ്റ്റൻ ആം ബാൻഡ് അണിയുക.

ഇപ്പോൾ ഗ്രൂപ്പിൽ ഖത്തറിന് 5 മത്സരങ്ങളിൽ നിന്ന് 13 പോയിന്റാണ് ഉള്ളത്. ഇന്ത്യ 5 പോയിന്റുമായി രണ്ടാമത് നിൽക്കുന്നു‌. അഞ്ചു പോയിന്റുമായി അഫ്ഗാൻ 3ആമതും 4 പോയിന്റുമായി കുവൈറ്റ് നാലാം സ്ഥാനത്തുമാണ് ഉള്ളത്. ഇന്ന് രാത്രി 9.15ന് നടക്കുന്ന മത്സരം ഫാൻ കോഡ് ആപ്പ് വഴി തത്സമയം കാണാം.

ഏഷ്യൻ കപ്പ് തുടർച്ചയായ രണ്ടാം തവണയും ഖത്തർ സ്വന്തമാക്കി. ഇന്ന് നടന്ന ഫൈനലിൽ ജോർദാനെ ആണ് ഖത്തർ തോൽപ്പിച്ചത്. ഈ ഏഷ്യൻ കപ്പിൽ അത്ഭുത യാത്ര നടത്തിയ ജോർദാന് കലാശ പോരാട്ടത്തിൽ മൂന്ന് പെനാൾട്ടി വിധികൾ ആണ് തിരിച്ചടിയായത്. 3-1 എന്ന സ്കോറിനായിരുന്നു ഖത്തറിന്റെ വിജയം. മൂന്ന് പെനാൾട്ടിയും ലക്ഷ്യത്തിൽ എത്തിച്ച് അഫീഫ് ഹാട്രിക്ക് നേടി.

22ആം മിനുട്ടിൽ ആദ്യ പെനാൾട്ടി വന്നു. അഫീഫ് പതറാതെ പന്ത് ലക്ഷ്യത്തിൽ എത്തിച്ചു. രണ്ടാം പകുതിയിൽ 67ആം മിനുട്ടിൽ അൽ നൈമതിലൂടെ ജോർദാൻ സമനില നേടി. ജോർദാന് പ്രതീക്ഷ വന്നു എങ്കിലും 73ആം മിനുട്ടിൽ വീണ്ടും ഖത്തറിന് പെനാൾട്ടി ലഭിച്ചു. അഫീഫ് വീണ്ടുൻ അവരെ മുന്നിൽ എത്തിച്ചു.

അവസാനം ഇഞ്ച്വറി ടൈമിലും ഖത്തറിന് അനുകൂലമായി പെനാൾട്ടി കിട്ടി. ഇതോടെ 3-1ന്റെ വിജയവും കിരീടവും ഖത്തർ ഉറപ്പിച്ചു.

ഏഷ്യൻ കപ്പിൽ നിലവിലെ ചാമ്പ്യന്മാരായ ഖത്തർ വീണ്ടും ഫൈനലിൽ എത്തി. ഇന്ന് നടന്ന രണ്ടാം സെമി ഫൈനലിൽ ഇറാനെ നേരിട്ട ആതിഥേയർ രണ്ടിനെതിരെ മൂന്നു ഗോളുകൾക്ക് ആണ് വിജയിച്ചത്. ആവേശകരമായ മത്സരം 82ആം മിനുട്ടിലെ ഒരു ഗോളിലാണ് ഖത്തർ വിജയിച്ചത്. മികച്ച തുടക്കമാണ് കളിക്ക് ലഭിച്ചത്‌. നാലാം മിനുട്ടിൽ സർദർ അസ്മൗണിലൂടെ ഇറാൻ ലീഡ് എടുത്തു.

ഇതിന് 17ആം മിനുട്ടിൽ അബ്ദുൽസലാമിലൂടെ ഖത്തർ മറുപടി നൽകി. ആദ്യ പകുതി അവസാനിക്കും മുമ്പ് അഫീഫിലൂടെ ഖത്തർ ലീഡും എടുത്തു. രണ്ടാം പകുതിയിൽ 51ആം മിനുട്ടിൽ ജഹനഭക്ഷ് പെനാൾട്ടിയിലൂടെ ഇറാൻ വീണ്ടും ഒപ്പം എത്തി. സ്കോർ 2-2.

അവസാനം 82ആം മിനുട്ടിൽ അസ്മൊൻ അലിയിലൂടെ ഖത്തർ വിജയ ഗോളും നേടി. ഇനി ഖത്തർ ജോർദാനെ ആകും ഫൈനലിൽ നേരിടുക. ഇന്നലെ ദക്ഷിണ കൊറിയയെ തോൽപ്പിച്ച് ആണ് ജോർദാൻ ഫൈനലിൽ എത്തിയത്‌

ജർമ്മനിയുടെ ആദ്യ മത്സരം കഴിഞ്ഞപ്പോൾ ബെൽജിയൻ താരം ഹസാർഡ് ചോദിച്ച് ഒരു ചോദ്യം ഉണ്ട്. ഇവർ പ്രതിഷേധിക്കാതെ ഇരുന്ന് കളി ജയിക്കുന്നതിൽ ശ്രദ്ധ കൊടുത്തിരുന്നു എങ്കിൽ അവർക്ക് സന്തോഷവാന്മാരായി ഇരുന്നുകൂടായിരുന്നോ എന്ന്. ആദ്യ മത്സരത്തിൽ ജപ്പാനോട് ജർമ്മനി പരാജയപ്പെട്ട ശേഷം ആയിരുന്നു ഹസാർഡിന്റെ ഈ ചോദ്യം. ജപ്പാന് എതിരായ മത്സരത്തിനു മുമ്പ് ജർമ്മനി വായടച്ച് ഫിഫക്ക് എതിരെ പ്രതിഷേധിച്ചിരുന്നു.

ജർമ്മനിക്ക് പറ്റിയതും അതാണ് എന്ന് പറയേണ്ടി വരും. അവർ ഖത്തർ ലോകകപ്പിലെ കളിയിൽ അല്ല ഖത്തറിലെ രാഷ്ട്രീയത്തിൽ ആണ് ശ്രദ്ധ കൊടുത്തത്. ലോകകപ്പ് ആരംഭിക്കും മുമ്പ് തന്നെ ജർമ്മനിയിലും ജർമ്മൻ ആരാധകർക്ക് ഇടയിലും ഖത്തറിനെതിരെ വലിയ പ്രതിഷേധങ്ങൾ ഉയർന്നിരുന്നു. ജർമ്മനി ഉയർത്തുന്ന രാഷ്ട്രീയ മുദ്രാവാക്യങ്ങൾ പ്രസക്തമായിരുന്നു എങ്കിലും ഫുട്ബോൾ ആണ് പ്രധാനം രാഷ്ട്രീയം പറയാൻ വേറെ ആൾക്കാരുണ്ടല്ലോ എന്ന മറുവാദം ഫുട്ബോളിൽ ഉള്ളവർ ഉന്നയിച്ചു.

ഖത്തറിലെ രാഷ്ട്രീയ പ്രശ്നങ്ങൾ മാത്രം കാണുന്നത് യൂറോപ്യന്മാരുടെ ഇരട്ടതാപ്പാണ് എന്ന് ഫിഫ പ്രസിഡന്റ് തന്നെ പറഞ്ഞു. ജർമ്മനിയോട് പ്രതിഷേധിക്കണ്ട എന്നും ഫുട്ബോൾ കളത്തിൽ രാഷ്ട്രീയം പാടില്ല എന്നും ഫിഫ തറപ്പിച്ചു പറഞ്ഞു. വൺ ലവ് ആം ബാൻഡ് ഫിഫ വിലക്കിയപ്പോൾ ആയിരുന്നു ജർമ്മനി വാ മൂടി പ്രതിഷേധിച്ചത്. ആ കളി ജർമ്മനി പരാജയപ്പെട്ടു.

രണ്ടാം കളിയിൽ സ്പെയിനോട് സമനില നേടിയപ്പോൾ ആശ്വാസം ആയെങ്കിലും ജർമ്മനി അവരുടെ ഫോമിന്റെ അടുത്ത് ഒന്നും ഉണ്ടായിരിന്നില്ല. ഇന്ന് കോസ്റ്ററിക്കയ്ക്ക് എതിരെ ഒരു ഘട്ടത്തിൽ 2-1ന് പിറകിലായിരുന്നു ജർമ്മനി. അവസാനം ജയിച്ചെങ്കിലും ആ ജയം ഒരു ഉപകാരവും ഇല്ലാത്ത ജയമായി മാറി. 2 തുടർച്ചയായ ലോകകപ്പിൽ ഗ്രൂപ്പ് ഘട്ടത്തിൽ പുറത്ത് പോകുന്ന വലിയ നാണക്കേട്. ഖത്തറിൽ ഉള്ളവരും ഫുട്ബോൾ ആരാധകരും ജർമ്മനിയോട് പറയുന്നത് രാഷ്ട്രീയത്തിന് ഒപ്പം കളി കൂടെ നോക്കിയിരുന്നെങ്കിൽ എന്നാകും.