2026 ലോകകപ്പ് യോഗ്യത രണ്ടാം റൗണ്ടിൽ ഇന്ത്യക്ക് കടുത്ത പരീക്ഷണം. രണ്ടാം റൗണ്ടിൽ ഗ്രൂപ്പ് എയിൽ ഇന്ത്യക്ക് ഒപ്പം 2022 ലോകകപ്പ് നടത്തിയ ഖത്തർ, കുവൈത്ത് ടീമുകൾ ആണ് ഉള്ളത്. ഇവർക്ക് ഒപ്പം ആദ്യ റൗണ്ട് കളിച്ചു വരുന്ന അഫ്ഗാനിസ്ഥാൻ, മംഗോളിയ ടീമുകളിൽ ഒന്നു ചേരും.
ലോകകപ്പ് യോഗ്യത രണ്ടാം റൗണ്ടിൽ 9 ഗ്രൂപ്പുകളിൽ ആയി 36 ടീമുകൾ ആണ് മത്സരിക്കുക. ഇതിൽ നിന്നു ഓരോ ഗ്രൂപ്പുകളിൽ നിന്നു ആദ്യ രണ്ടു സ്ഥാനങ്ങളിൽ എത്തുന്നവർ മാത്രമാണ് മൂന്നാം റൗണ്ടിൽ എത്തുക. അതിനാൽ തന്നെ കടുത്ത ഗ്രൂപ്പിൽ നിന്നു ആദ്യ രണ്ടു സ്ഥാനങ്ങളിൽ സ്ഥാനം പിടിക്കുക എന്ന ലക്ഷ്യവും ആയാവും ഇന്ത്യ കളിക്കാൻ ഇറങ്ങുക. നവംബർ 16 മുതൽ ആണ് രണ്ടാം റൗണ്ട് യോഗ്യത മത്സരങ്ങൾ തുടങ്ങുക.