Tag: Russell Domingo

ബംഗ്ലാദേശ് ബോര്‍ഡ് അനാവശ്യമായ ശബ്ദകോലാഹലങ്ങള്‍ സൃഷ്ടിക്കുന്നുവെന്ന ടെസ്റ്റ് ഏകദിന മുഖ്യ കോച്ചിന്റെ പരാമര്‍ശത്തിൽ വിശദീകരണം ആവശ്യപ്പെടുമെന്ന് അറിയിച്ച് ബംഗ്ലാദേശ് ക്രിക്കറ്റ് ബോര്‍ഡ്. അടുത്തിടെ ടി20 കോച്ചിംഗ് സംവിധാനത്തിൽ നിന്ന് റസ്സൽ ഡൊമിംഗോയെ ബംഗ്ലാദേശ് ബോര്‍ഡ് മാറ്റി നിര്‍ത്തിയിരുന്നു.

ബോര്‍ഡ് അംഗങ്ങള്‍ താരങ്ങളോട് ഡ്രസ്സിംഗ് റൂമിൽ ആക്രോശിക്കുകയാണെന്നും കൂടാതെ അനാവശ്യ പരാമര്‍ശങ്ങളും നടത്തി താരങ്ങളിലും കോച്ചിംഗ് സ്റ്റാഫിലും ബോര്‍ഡ് സമ്മര്‍ദ്ദം സൃഷ്ടിക്കുകയാണെന്നും അദ്ദേഹം കഴിഞ്ഞ ദിവസം പറഞ്ഞിരുന്നു. ടി20 ടീമിന്റെ ചുമതല പുതുതായി നിയമിച്ച ടെക്നിക്കൽ ഡയറക്ടര്‍ ശ്രീധര്‍ ശ്രീറാമിന് ലോകകപ്പ് വരെ നൽകുകയായിരുന്നു.

ഡൊമിംഗോ പറഞ്ഞ പോലെ ആരാണ് താരങ്ങളോട് ആക്രോശിക്കുന്നതെന്ന് ഡൊൊമിംഗോ തന്നെ വെളിപ്പെടുത്തട്ടേ എന്ന് ബംഗ്ലാദേശ് ക്രിക്കറ്റ് ഓപ്പറേഷന്‍ ചെയര്‍മാന്‍ ജലാൽ യൂനുസ് വ്യക്തമാക്കി. അദ്ദേഹം ക്രിക്കറ്റ് ഡയറക്ടര്‍ എന്നാണ് പറഞ്ഞതെന്നും അത് താനാണെന്നും ടീം ഡയറക്ടറെ ആണോ ഉദ്ദേശിച്ചതെന്ന് അദ്ദേഹം വ്യക്തമാക്കണമെന്നും യൂനുസ് പറഞ്ഞു.

ഏത് ബോര്‍ഡ് അംഗങ്ങളാണ് താരങ്ങളോട് കയര്‍ത്ത് സംസാരിച്ചതെന്ന് അവരും വ്യക്തമാക്കണമെന്നും ബോര്‍ഡ് അംഗങ്ങള്‍ക്ക് ടീം മാനേജ്മെന്റിനോട് സംസാരിക്കുവാന്‍ അനുമതി ഇല്ലെന്നും അതിനാൽ തന്നെ അതിന് സാധ്യതയില്ലെന്നുമാണ് യൂനുസ് പറയുന്നത്.

 

ബംഗ്ലാദേശ് കോച്ചിംഗ് സ്റ്റാഫിനോട് സിംബാബ്‍വേ പരമ്പരയ്ക്ക് ശേഷം ധാക്കയിൽ റിപ്പോര്‍ട്ട് ചെയ്യണമെന്ന് ആവശ്യപ്പെട്ട് ബംഗ്ലാദേശ് ബോര്‍ഡ്. സിംബാബ്‍വേയോട് ടി20, ഏകദിന പരമ്പര കൈവിട്ട ടീമിന്റെ കോച്ചിംഗ് സ്റ്റാഫിന്റെ അവലോകനം ആണ് ലക്ഷ്യമെന്നാണ് അറിയുന്നത്.

നാട്ടിൽ ഓസ്ട്രേലിയയെയും ന്യൂസിലാണ്ടിനെയും സ്പിന്‍ സൗഹൃദ പിച്ചൊരുക്കി വിജയിച്ച ശേഷം ടി20യിൽ യാതൊരുവിധ ഫലവും ടീമിന് കൊണ്ട് വരുവാനായിട്ടില്ല. 19 മത്സരങ്ങളിൽ 15ലും ടീം തോൽക്കുകയായിരുന്നു.

മുന്‍ കോച്ച് ചന്ദിക ഹതുരുസിംഗ കൊണ്ടു വന്ന ശൈലിയിൽ നിന്ന് പുതിയ കോച്ചിംഗ് സ്റ്റാഫിലെ റസ്സൽ ഡൊമിംഗോയും മറ്റു കോച്ചുമാരും പിന്നോട്ട് പോയി എന്നാണ് ബോര്‍ഡിന്റെ വിലയിരുത്തൽ.

സപ്പോര്‍ട്ട് സ്റ്റാഫ് എല്ലാവരും ആത്മാര്‍ത്ഥതയോടെയാണ് ജോലിയെ സമീപിക്കുന്നതെന്നും എന്നാൽ ചിലര്‍ ആക്രമോത്സുക ശൈലിയും ചിലര്‍ അതില്ലാതെയും ആണ് എത്തുന്നതെന്നും ഹതുരുസിംഗ ആക്രമോത്സുക ശൈലിയുള്ള കോച്ചായിരുന്നു പക്ഷേ റസ്സൽ ഡൊമിംഗോ അത്തരത്തിൽ അല്ല എന്നും ബിസിബി ക്രിക്കറ്റ് ഓപ്പറേഷന്‍സ് ചെയര്‍മാന്‍ ജലാൽ യൂനുസ് വ്യക്തമാക്കി.

തെറ്റുകളില്‍ നിന്ന് പാഠം ഉള്‍ക്കൊണ്ട് ബംഗ്ലാദേശ് ഫീല്‍ഡര്‍മാര്‍ അവസരത്തിനൊത്തുയരണമെന്ന് പറഞ്ഞ് ബംഗ്ലാദേശ് മുഖ്യ കോച്ച് റസ്സല്‍ ഡൊമിംഗോ. ന്യൂസിലാണ്ട് പര്യടനത്തില്‍ ടീമിന്റെ കൂറ്റന്‍ തോല്‍വികളില്‍ വലിയ പങ്ക് മോശം ഫീല്‍ഡിംഗ് ആയിരുന്നു. നിരവധി ക്യാച്ചുകള്‍ കൈവിട്ട ടീം ശ്രീലങ്കയ്ക്കെതിരെ ടെസ്റ്റ് പരമ്പരയിലും ആ തെറ്റുകള്‍ ആവര്‍ത്തിച്ചു.

എന്നാല്‍ ഫീല്‍ഡിംഗില്‍ ഇനിയും പാളിച്ചകള്‍ പാടില്ലെന്നും മികച്ച ക്യാച്ചുകളും റണ്ണൗട്ടുകളും സാധ്യമാക്കുന്ന ബംഗ്ലാദേശ് ഫീല്‍ഡര്‍മാര്‍ ആത്മവിശ്വാസത്തോടെ ഫീല്‍ഡിലിറങ്ങണമെന്ന് ഡൊമിംഗോ ആവശ്യപ്പെട്ടു. തെറ്റുകളെക്കുറിച്ച് കൂടുതല്‍ ഓര്‍ക്കാതെ ആത്മവിശ്വാസം വളര്‍ത്തിയെടുക്കുകയാണ് ബംഗ്ലാദേശ് താരങ്ങള്‍ ശ്രമിക്കേണ്ടതെന്നും അദ്ദേഹം പറഞ്ഞു.

 

ബംഗ്ലാദേശിന്റെ മുഖ്യ കോച്ച് റസ്സല്‍ ഡൊമിംഗോയ്ക്ക് പിന്തുണയുമായി ഖാലിദ് മഹമ്മൂദ്. ശ്രീലങ്കയിലെ മോശം പ്രകടനത്തിന് താരത്തെ ബലിയാടാക്കരതുെന്നാണ് മുന്‍ ക്യാപ്റ്റനും ഇപ്പോള്‍ ബംഗ്ലാദേശ് ടീമിന്റെ ടീം ലീഡറുമായി പ്രവര്‍ത്തിക്കുന്ന ഖാലിദ് പറഞ്ഞത്.

വെസ്റ്റിന്‍ഡീസിനെതിരെ നാട്ടില്‍ ടെസ്റ്റ് പരമ്പര പരാജയപ്പെട്ട ബംഗ്ലാദേശിന് ലങ്കയില്‍ ചെന്നും പരമ്പര കൈവിടാനായിരുന്നു യോഗം. ടീമിന്റെ പ്രകടനത്തെക്കുറിച്ചുള്ള തന്റെ റിപ്പോര്‍ട്ട് ബോര്‍ഡിന് കൈമാറുന്നതിന് മുമ്പാണ് താരം റസ്സിലിനെ ബലിയാടാക്കരുതെന്ന അഭിപ്രായം പങ്കുവെച്ചത്.

റസ്സലിന് ഭാഗ്യമില്ലാത്തതാണ് കാരണമെന്നും അല്ലാതെ അദ്ദേഹത്തിന്റെ സമീപനങ്ങളില്‍ ഒരു പാളിച്ചയും ഇല്ലെന്ന് ഖാലിദ് പറഞ്ഞു. താന്‍ ഒരു പരമ്പരയില്‍ ആണ് അദ്ദേഹത്തോടൊപ്പം സഹകരിച്ചതെന്നും അതില്‍ നിന്ന് തനിക്ക് മനസ്സിലായതാണ് താന്‍ പറയുന്നതെന്നും മഹമ്മുദ് വ്യക്തമാക്കി.