Tag: Morocco

മൊറോക്കോയുടെ ഈ ലോകകപ്പിലെ പ്രകടനം ഏറെ സന്തോഷം നൽകുന്നതാണ് എന്ന് പരിശീലകൻ വലിദ്. ഇന്നലെ മൂന്നാം സ്ഥാനത്തിനായുള്ള പോരട്ടത്തിൽ ഞങ്ങൾ ഇപ്പോഴും സന്തുഷ്ടരാണ്. ലോകത്തിലെ ഏറ്റവും മികച്ച നാല് ടീമുകളിൽ ഒന്നാണ് ഞങ്ങൾ. റെഗ്രഗുയി പറഞ്ഞു.

“ഞങ്ങൾ എല്ലാ മത്സരങ്ങളിലും മികച്ച പ്രകടനം നൽകി, ഞങ്ങൾ ഒരിക്കലും വിട്ടുകൊടുത്തില്ല. ക്രൊയേഷ്യയ്ക്ക് അഭിനന്ദനങ്ങൾ, അവർ അവരുടെ മൂന്നാം സ്ഥാനത്തിന് അർഹരാണ്. ഞങ്ങൾ ഇപ്പോഴും ഒരു യുവ ടീമാണ്.” അദ്ദേഹം പറഞ്ഞു

നാല് വർഷത്തിന് ശേഷം മാത്രമെ ഖത്തറിൽ എന്താണ് ഞങ്ങൾ നേടിയതെന്ന് നമുക്ക് മനസ്സിലാകൂ. അന്ന് നമുക്ക് ചുറ്റും പ്രതീക്ഷയുണ്ടാകും. അദ്ദേഹം പറഞ്ഞു

ഖത്തർ ലോകകപ്പിലെ മൂന്നാം സ്ഥാനം ക്രൊയേഷ്യക്ക് സ്വന്തം. ഇന്ന് നടന്ന ലൂസേഴ്സ് ഫൈനലിൽ മൊറോക്കോയെ ഒന്നിനെതിരെ രണ്ടു ഗോളുകൾക്കാണ് ക്രൊയേഷ്യ പരാജയപ്പെടുത്തിയത്. ഇന്ന് വിജയിച്ചിരുന്നു എങ്കിൽ മൊറോക്കോയ്ക്ക് മൂന്നാം സ്ഥാനം സ്വന്തമാക്കുന്ന സൗത് അമേരിക്കയിലെയും യൂറോപ്പിലെയും അല്ലാത്ത ആദ്യ രാജ്യം ആയേനെ.

ഇന്ന് ആദ്യ 8 മിനുട്ടിൽ തന്നെ മത്സരം 1-1 എന്നായിരുന്നു. ഏഴാം മിനുട്ടിൽ ഒരു സെറ്റ് പീസിൽ നിന്നായിരുന്നു ക്രൊയേഷ്യയുടെ ആദ്യ ഗോൾ. മനോഹരമായി പ്ലാൻ ചെയ്ത സെറ്റ് പീസ് അവസാനം ഗ്വാർഡിയോളിന്റെ പവർഫുൾ ഹെഡറിലൂടെ ഗോളായി മാറി. പെരിസിച് ആയിരുന്നു അസിസ്റ്റ് ഒരുക്കിയത്.

ഈ ഗോൾ കഴിഞ്ഞ് രണ്ട് മിനുട്ടിനകം ദാരിയിലൂടെ മൊറോക്കോ സമനില നേടി. ദാരിയുടെ ഗോളും ഒരു സെറ്റ് പീസിൽ നിന്നായിരുന്നു. ഇതിനു ശേഷം മത്സരം ആവേശകരമായിരുന്നു. നിരവധി ചാൻസുകൾ ഇരു ഭാഗത്തും വന്നു. അവസാനം 42ആം മിനുട്ടിൽ ക്രൊയേഷ്യ ലീഡ് എടുത്തു. ഒരിസിഛിന്റെ മനോഹര സ്ട്രൈക്ക് ആയിരുന്നു വിജയം ഉറപ്പിച്ച ക്രൊയേഷ്യൻ ഗോളായി മാറിയത്.

രണ്ടാം പകുതിയിൽ മൊറോക്കോ സമനില നേടാനും ക്രൊയേഷ്യ ലീഡ് ഉയർത്താനും ശ്രമിച്ചു എങ്കിലും സ്കോർ നില മാറിയില്ല.

ഖത്തർ ലോകകപ്പിലെ മൂന്നാം സ്ഥാനക്കാരെ കണ്ടെത്താൻ ഉള്ള പോരാട്ടത്തിൽ ക്രൊയേഷ്യ മൊറോക്കോയെ നേരിടും. നിലവിലെ രണ്ടാം സ്ഥാനക്കാരായ ക്രൊയേഷ്യക്ക് മൂന്നാം സ്ഥാനത്തിനായുള്ള മത്സരം അഭിമാന പോരാട്ടം ആണെങ്കിൽ, ലോകകപ്പ് ചരിത്രത്തിൽ ആദ്യമായി സെമിയിൽ എത്തിയ ആഫ്രിക്കൻ രാജ്യമായ മൊറോക്കോക് തങ്ങളുടെ അപൂർവമായ കുതിപ്പിന് മികച്ച പരിസമാപ്തി നൽകേണ്ടതുണ്ട്. അവസാന ശ്വാസം വരെ പൊരുതാൻ ഇച്ഛാശക്തിയുള്ള ടീമുകൾ നേർക്കുനേർ വരുമ്പോൾ മികച്ചൊരു പോരാട്ടമാണ് പ്രതീക്ഷിക്കുന്നത്. നേരത്തെ ഗ്രൂപ്പ് ഘട്ടത്തിൽ ഇരുവരും നേർക്കുവേർ വന്നപ്പോൾ സമനില ആയിരുന്നു ഫലം.

അർജന്റീനയോടേറ്റ തോൽവി മറന്നാകും ക്രൊയേഷ്യ കളത്തിൽ ഇറങ്ങുന്നത്. തങ്ങളുടെ ഇതിഹാസ താരം മോഡ്രിച്ചിന്റെ അവസാന ലോകകപ്പ് മത്സരം ആകും എന്നതിനാൽ അനുയോജ്യമായ യാത്രയയപ്പാവും ടീമിന്റെ മനസിൽ. ബ്രോൻസോവിച്ച്, പേരിസിച്ച് എന്നിവർക്കും ഇനിയൊരു ലോകകപ്പിന് ബാല്യമില്ല. വിജയം തന്നെ ലക്ഷ്യമിട്ട് ഇറങ്ങുമ്പോൾ മുന്നേറ്റ നിരയിൽ നിന്നും കൂടുതൽ മികച്ച പ്രകടനം ക്രൊയേഷ്യ പ്രതീക്ഷിക്കുന്നുണ്ട്. അർജന്റീനക്കെതിരെ ആദ്യ നിമിഷങ്ങളിൽ മത്സരം കയ്യിൽ ഉണ്ടായിരുന്നിട്ടും ഗോൾ മാത്രം അകന്ന് നിന്നത് ടീമിന് വലിയ തിരിച്ചടി ആയിരുന്നു. കഴിഞ്ഞ മത്സരത്തിൽ നിന്നും ടീമിൽ കാര്യമായ മാറ്റങ്ങൾക്ക് സാധ്യതയില്ല.

ഒന്നും നഷ്ടപ്പെടാൻ ഇല്ലാത്തവരാണ് മൊറോക്കോ. വമ്പന്മാരെ ഓരോന്നായി വീഴ്ത്തി സെമി ഫൈനൽ വരെ എത്താൻ കഴിഞ്ഞത് ടീമിന് പുതിയ ഊർജമാണ് നൽകുന്നത്. ഹകീമി, മസ്രോയി, ഒനാഹി അടക്കം ടീമിന്റെ ഭാവിക്ക് കരുത്തു പകരാൻ കഴിയുന്ന താരങ്ങൾക്ക് ദേശിയ ടീമിന്റെ ജേഴ്‌സിയിൽ ഈ ടൂർണമെന്റ് ഒരു പുത്തൻ അനുഭവമാകും. നേരത്തെ ആഫ്രിക്കൻ ചാമ്പ്യന്മാർ ആയിട്ടുള്ള ടീമിന് ലോകവേദിയിൽ തങ്ങളുടെ ഇരിപ്പിടം ഒന്നുകൂടി ഉറപ്പിക്കാൻ മത്സരത്തിലൂടെ കഴിയും. പരിക്കാണ് ടീമിനെ അലട്ടുന്നത്. പ്രതിരോധത്തിലെ നെടുംതൂണുകളായ സായ്സിനും ആഗ്വെർഡിനും പരിക്കേറ്റത് ഫ്രാൻസിനെതിരെ തിരിച്ചടി ആയിരുന്നു. എങ്കിലും സെമിയിൽ പല വട്ടം ഗോൾ മടക്കുന്നതിന് അടുത്തെത്തിയ ടീമിന് ക്രൊയേഷ്യൻ പ്രതിരോധത്തിനും കാര്യമായ തലവേദന സൃഷ്ടിക്കാൻ കഴിയും. ഇരു ടീമുകളും ടൂർണമെന്റിൽ പെനാൽറ്റിയിൽ വിജയം നേടിയിട്ടുള്ളതിനാൽ മത്സരം ഷൂട്ട്ഔട്ടിലേക് നീണ്ടാലും ആവേശകരമായിരിക്കും.

ഇന്ത്യൻ സമയം ശനിയാഴ്ച വൈകീട്ട് 8.30ന് ഖലീഫ ഇന്റർനാഷണൽ സ്റ്റേഡിയത്തിലാണ് മത്സരം ആരംഭിക്കുക.

ഇന്ന് ഫ്രാൻസിന് എതിരെ പരാജയപ്പെട്ടു എങ്കിലും തന്റെ ടീമിനെ കുറിച്ച് തനിക്ക് അഭിമാനം ഉണ്ട് എന്ന് മൊറോക്കോ കോച്ച് വലിദ്. പരിക്കുകൾ ഞങ്ങളെ സഹായിച്ചില്ല. പരിക്കുകൾ ഞങ്ങൾക്ക് അധികമായിരുന്നു. വലിദ് പറഞ്ഞു. ഞങ്ങൾ ഇന്ന് ഞങ്ങളുടെ പരമാവധി നൽകി. അദ്ദേഹം പറഞ്ഞു.

ലോകകപ്പ് പോലൊരു സ്റ്റേജിൽ നിങ്ങൾക്ക് അബദ്ധം സംഭവിക്കാൻ പാടില്ല. നിങ്ങൾ ഒരു തെറ്റ് ചെയ്താൽ അതിന് ഉടൻ വില കൊടുക്കേണ്ടി വരും. വലിദ് പറഞ്ഞു ഞങ്ങൾക്ക് ഇതും വെച്ച് ഫൈനലിലേക്ക് പോകാനാവില്ല എന്നും അദ്ദേഹം പറഞ്ഞു.

ഈ പരാകയം ഞങ്ങൾ ഈ ലോകകപ്പിൽ ചെയ്‌തതിൽ നിന്ന് ഒന്നും എടുത്തുകളയുന്നില്ല. ഇനി ലൂസേഴ്സ് ഫൈനൽ മാനസികമായി കഠിനമായിരിക്കും. കളിക്കാത്തവർക്ക് ഞങ്ങൾ പ്രത്യേകിച്ച് കളിക്കാനുള്ള സമയം ആ മത്സരത്തിൽ നൽകും. ഞങ്ങൾ മൂന്നാം സ്ഥാനത്തെത്താൻ ആഗ്രഹിക്കുന്നു എന്നും മൊറോക്കോ കോച്ച് കൂട്ടിച്ചേർത്തു.

മൊറോക്കോയുടെ ലോകകപ്പ് സ്വപ്നങ്ങൾ ഇന്ന് സെമി ഫൈനലിൽ ഫ്രാൻസിന് മുന്നിൽ അവസാനിച്ചു എങ്കിലും ഖത്തറിൽ മൊറോക്കൻ ജേഴ്സി അണിഞ്ഞ ഒരോ താരത്തിനും അഭിമാനത്തോടെ തല ഉയർത്തി തന്നെ നാട്ടിലേക്ക് മടങ്ങാം. ഈ മൊറോക്കോയെ ഫുട്ബോൾ ലോകം അടുത്ത് ഒന്നും മറക്കില്ല. ലോകകപ്പ് സെമി ഫൈനലിൽ എത്തുന്ന ആദ്യ ആഫ്രിക്കൻ ടീം എന്ന ചരിത്രം എഴുതിയാണ് വലിദിന്റെ ടീം ഖത്തറിൽ നിന്ന് മടങ്ങുന്നത്.

ആരുടെയും പ്രതീക്ഷകളുടെ ഭാരമില്ലാതെ വന്ന മൊറോക്കോ ഫുട്ബോൾ ആഫ്രിക്കൻ ഭൂഖണ്ഡത്തിന് തന്നെ പ്രതീക്ഷ നൽകിയാണ് നാട്ടിലെക്ക് തിരികെ കയറുന്നത്. ഗ്രൂപ്പ് ഘട്ടത്തിൽ ക്രൊയേഷ്യയെ സമനിലയിൽ പിടിച്ചു കൊണ്ടായിരുന്നു മൊറോക്കോ ഖത്തറിലെ പോരാട്ടം തുടങ്ങിയത്.

രണ്ടാം മത്സരത്തിൽ അവർ ബെൽജിയഥെ എതിരില്ലാത്ത രണ്ടു ഗോളുകൾക്ക് തോൽപ്പിച്ചപ്പോൾ ആണ് ഫുട്ബോൾ ലോകം മൊറോക്കോയെ ശരിക്കു ശ്രദ്ധിക്കുന്നത്. പിന്നെ ലോക ഫുട്ബോളിന്റെ ശ്രദ്ധ മുഴുവൻ മൊറോക്കോയിലേക്ക് ആയി. കാനഡയെ കൂടെ തോൽപ്പിച്ച് അവർ ഗ്രൂപ്പ് ചാമ്പ്യന്മാരായി പ്രീ ക്വാർട്ടറിലേക്ക്.

പ്രീ ക്വാർട്ടറിൽ മുന്നിൽ വന്ന സ്പെയിനിന്റെ ടികി ടാക ഒടിച്ച് എൻറികെയുടെ കയ്യിൽ കൊടുത്ത് മൊറോക്കോ ക്വാർട്ടറിലേക്ക് മുന്നേറി. ക്വാർട്ടറിൽ സൂപ്പർ താരങ്ങളുടെ വലിയ നിരയുള്ള പോർച്ചുഗലും മൊറോക്കോക്ക് മുന്നിൽ മുട്ടുമടക്കി.

സെമി ഫൈനലിൽ ഫ്രാൻസിനോട് രണ്ടു ഗോളിന് തോറ്റു എങ്കിലും കളിയിലെ ഭൂരിഭാഗം സമയവും മൊറോക്കോക്ക് മുന്നിൽ ഫ്രാൻസ് വിറക്കുന്നതാണ് കണ്ടത്. ഈ രണ്ട് ഗോളുകൾക്ക് മുന്നെ ഒരു എതിർ താരത്തിനും മൊറോക്കോക്ക് എതിരെ ഗോൾ നേടാൻ ആയിരുന്നില്ല എന്നത് തന്നെ മൊറോക്കോയുടെ മികവ് കാണിക്കുന്നു.

സൊഫ്യാൻ അമ്രബാതും സൈസും ബോനോയുൻ ഹകീമിക്കും സിയെചിനും ഒപ്പം ഏറെ കാലം ഫുട്ബോൾ പ്രേമികളുടെ മനസ്സിൽ നിൽക്കാനും ഈ ലോകകപ്പ് കാരണമാകും.