Tag: Morocco

സ്പെയിന്റെ പൊസഷൻ ഫുട്ബോൾ ഞങ്ങൾക്ക് ഒരു വെല്ലുവിളിയും ഉയർത്തിയില്ല എന്ന് മൊറോക്കോ കോച്ച് വാലിദ്. ഇന്നലെ പ്രീക്വാർട്ടറിൽ സ്പെയിനെ തോൽപ്പിച്ച ശേഷം സംസാരിക്കുക ആയിരുന്നു അദ്ദേഹം.

ഞങ്ങൾ പോരാടുകയും മൊറോക്കൻ ജനതയെ സന്തോഷിപ്പിക്കുകയും ചെയ്തു, ഞങ്ങൾ ചരിത്രം സൃഷ്ടിച്ചു, മൊറോക്കോ അത് അർഹിക്കുന്നു, മൊറോക്കൻ ആരാധകർ ആണ് ഞങ്ങളെ മൈതാനത്ത് ഒരുമിച്ച് നിർത്തിയത്. വാലിദ് പറയുന്നു.

ഞങ്ങൾ അറബ്, ആഫ്രിക്കൻ ഫുട്ബോളിന്റെ അഭിമാനം ഉയർത്തുന്ന പ്രകടനം കാഴ്ചവെച്ചു എന്ന് ഞാൻ വിശ്വസിക്കുന്നു‌. സ്‌പെയിൻ അവരുടെ പന്ത് കൈവശം വെച്ച് കളിക്കുന്ന ശൈലിയെ ആശ്രയിച്ചാകും കളിക്കുക എന്ന് ഞങ്ങൾക്കറിയാമായിരുന്നു, അത് മനസ്സിൽ വെച്ചാണ് ഞങ്ങൾ കളിച്ചത്. അവർ ഒരു അപകടവും ഞങ്ങളുടെ ഡിഫൻസിന് വരുത്തിയിട്ടില്ല. വാലിദ് കൂട്ടിച്ചേർത്തു.

ഇന്ന് സ്പെയിന് എതിരെ 120 മിനുട്ട് കളിച്ചിട്ടും അതു കഴിഞ്ഞ് പെനാൾട്ടി ഷൂട്ടൗട്ട് നേരിട്ടിട്ടും മൊറോക്കോ ഒരു ഗോൾ പോലും വഴങ്ങിയില്ല.ഈ ലോകകപ്പിൽ മൂന്ന് ക്ലീൻ ഷീറ്റ് സ്വന്തമാക്കിയ മൊറോക്കോ ആകെ ഒരു ഗോൾ ആണ് വഴങ്ങിയത്. വഴങ്ങി ഗോൾ ആകട്ടെ ഒരു സെൽഫ് ഗോളായിരുന്നു. അതായത് എതിരാളികളിൽ ആർക്കും മൊറോക്കോ വലയിലേക്ക് പന്ത് എത്തിക്കാൻ ആയില്ല എന്ന്.

ഇത് ആദ്യമായാണ് ഒരു ആഫ്രിക്കൻ ടീം ലോകകപ്പിൽ മൂന്ന് ക്ലീൻഷീറ്റ് സ്വന്തമാക്കുന്നത്. ലോകകപ്പിൽ മാത്രമല്ല പരിശീലകൻ വലീദ് ചുമതല ഏറ്റെടുത്ത ശേഷം ഇതുവരെ മൊറോക്കോ ആ സെൽഫ് ഗോൾ അല്ലാതെ ഒരു ഗോൾ വഴങ്ങിയിട്ടില്ല. ഓഗസ്റ്റിൽ വലിദ് ചുമതലയേറ്റ ശേഷം 9 മത്സരങ്ങൾ മൊറോക്കോ കളിച്ചു. ഒരു ടീമും എതിരായി ഇതുവരെ ഗോൾ അടിച്ചില്ല.

മൊറോക്കോ വാലിദ് ചുമതലയേറ്റ ശേഷം;

🔐 2-0 Chile 🇨🇱
🔐 0-0 Paraguay 🇵🇾
🔐 3-0 Georgia 🇬🇪
🔐 0-0 Croatia 🇭🇷
🔐 2-0 Belgium 🇧🇪
🥅 2-1 Canada 🇨🇦 (Own Goal)
🔐 0-0 Spain 🇪🇸

ഇന്ന് പ്രീക്വാർട്ടറിൽ സ്പെയിനെ നേരിടുമ്പോൾ മൊറോക്കോ വിജയിക്കാൻ തന്നെ ആകും പോരാടുക എന്ന് പരിശീലകൻ വാലിദ്‌. ഞങ്ങൾ ഒരു വിജയിയുടെ മനോഭാവത്തോടെ ആകും മത്സരത്തിലേക്ക് വരുക. അദ്ദേഹം പറഞ്ഞു. ഞങ്ങളുടെ മൊറോക്കൻ പതാക ഉയരത്തിൽ ഉയർത്താൻ ഞങ്ങൾ ആഗ്രഹിക്കുന്നു. അദ്ദേഹം തുടർന്നു

നമ്മുടെ രാജ്യത്തിന് ഒപ്പം എല്ലാ അറബികൾക്കും ആഫ്രിക്കക്കാർക്കും വേണ്ടിയാകും മൊറോക്കോ പൊരുതുന്നത്‌. അവരെ സന്തോഷിപ്പിക്കാൻ ഞങ്ങൾ ആഗ്രഹിക്കുന്നു. ഞങ്ങൾക്ക് അവരുടെ പ്രാർത്ഥനയും അവരുടെ പിന്തുണയും വേണം. വാലിദ് പറഞ്ഞു.

സ്പെയിനിന് വലിയ പരിചയസമ്പത്തുണ്ട്‌. ഞങ്ങൾ 36 വർഷമായി ഇവിടെ ഉണ്ടായിരുന്നില്ല. വകിയ രാജ്യങ്ങൾ ലോകകപ്പിൽ ബാക്കിയുണ്ട്, അവർക്ക് വെല്ലുവിളി നൽകുക എന്നത് ഞങ്ങൾക്ക് പ്രധാനമാണ്. ഞങ്ങൾ ഇന്ന് എല്ലാം നൽകാൻ പോകുന്നു, ഒരു ഖേദവും കളം വിടുമ്പോൾ ഉണ്ടാകരുത്. അദ്ദേഹം പറഞ്ഞു.

ഖത്തർ ലോകകപ്പ് ഗ്രൂപ്പ് എഫിൽ ഗ്രൂപ്പ് ജേതാക്കൾ ആയി മൊറോക്കോ അവസാന പതിനാറിൽ. ക്രൊയേഷ്യ, ബെൽജിയം, കാനഡ ടീമുകൾ അടങ്ങിയ ഗ്രൂപ്പിൽ ബെൽജിയത്തിനും കാനഡക്കും മടക്ക ടിക്കറ്റ് ലഭിച്ചു. അവസാന ഗ്രൂപ്പ് മത്സരത്തിൽ കാനഡയെ 2-1 നു തോൽപ്പിച്ച മൊറോക്കോ 7 പോയിന്റുകൾ നേടി ക്രൊയേഷ്യക്ക് മുകളിൽ ലോകകപ്പ് അവസാന പതിനാറിൽ ഇടം നേടുക ആയിരുന്നു. ഇതിനകം ലോകകപ്പിൽ നിന്നു പുറത്തായ കാനഡക്ക് എതിരെ നാലാം മിനിറ്റിൽ തന്നെ മൊറോക്കോ ഗോൾ നേടി.

കനേഡിയൻ ഗോൾ കീപ്പർ മുന്നിലേക്ക് കയറി വന്നപ്പോൾ 30 വാര അകലെ നിന്നു ലഭിച്ച പന്ത് മികച്ച ഷോട്ടിലൂടെ വലയിലാക്കിയ ഹക്കിം സിയെച് ആണ് ആഫ്രിക്കൻ ടീമിന് മുൻതൂക്കം സമ്മാനിച്ചത്. 25 മത്തെ മിനിറ്റിൽ അഷ്‌റഫ് ഹകീമി നൽകിയ മികച്ച ബോളിൽ നിന്നു മികച്ച ഓട്ടത്തിലൂടെ പന്ത് കയ്യിലാക്കിയ മുന്നേറ്റനിര താരം യൂസുഫ് എൻ-നെസ്റി മികച്ച ഷോട്ടിലൂടെ മൊറോക്കോക്ക് രണ്ടാം ഗോളും സമ്മാനിച്ചു. 40 മത്തെ മിനിറ്റിൽ അഡകുഗ്ബെയുടെ ക്രോസ് തടയാനുള്ള മൊറോക്കൻ പ്രതിരോധതാരം നയഫ് അഗ്യുർഡിന്റെ ശ്രമം സ്വന്തം പോസ്റ്റിൽ പതിച്ചതോടെ കാനഡക്ക് ചെറിയ പ്രതീക്ഷ ലഭിച്ചു.

ആദ്യ പകുതിക്ക് തൊട്ടു മുമ്പ് സിയെച്ചിന്റെ ഫ്രീകിക്കിൽ ലഭിച്ച അവസരത്തിൽ
എൻ-നെസ്റി ഗോൾ കണ്ടത്തിയെങ്കിലും റഫറി ഇത് ഓഫ് സൈഡ് വിളിച്ചു. രണ്ടാം പകുതിയിൽ കനേഡിയൻ ആധിപത്യം ആണ് മത്സരത്തിൽ കാണാൻ ആയത്. പലപ്പോഴും മൊറോക്കോക്ക് വലിയ വെല്ലുവിളി അവർ ഉയർത്തി. ഇടക്ക് ഹച്ചിൻസിന്റെ ഹെഡർ ബാറിൽ ഇടിച്ചു മടങ്ങി. ഇടക്ക് മറ്റൊരു ശ്രമം ഗോൾ ലൈനിന് മുന്നിൽ നിന്നാണ് മൊറോക്കൻ പ്രതിരോധം രക്ഷിച്ചത്. മൊറോക്കോയുടെ ചരിത്രത്തിലെ തന്നെ ഏറ്റവും മികച്ച നേട്ടങ്ങളിൽ ഒന്നായി ഇത്. ലോകകപ്പിൽ ഇത് വരെ പരാജയം അറിയാത്ത മൊറോക്കോ ബെൽജിയം, കാനഡ ടീമുകളെ തോൽപ്പിക്കുകയും ചെയ്തു.

മൊറോക്കോക്ക് എതിരായ ഖത്തർ ലോകകപ്പിലെ ഞെട്ടിക്കുന്ന തോൽവിക്ക് പിന്നാലെ ബെൽജിയം നഗരങ്ങളിൽ കലാപം. ബെൽജിയത്തിലെ ബ്രസൽസ് അടക്കമുള്ള മൊറോക്കൻ അഭയാർത്ഥി സമൂഹത്തിലെ ചില യുവാക്കൾ ആണ് കലാപത്തിന് പിന്നിൽ എന്നാണ് സൂചന. കാറുകൾക്കും സ്ഥാപനങ്ങൾക്കും നേരെ കല്ലേറു അടക്കം നടത്തിയ കലാപകാരികളെ നിയന്ത്രിക്കാൻ പോലീസ് കണ്ണീർ വാതകം അടക്കം പ്രയോഗിച്ചു.

അതേസമയം ബെൽജിയത്തിലുള്ള ഭൂരിഭാഗം മൊറോക്കൻ ജനതയും സമാധാനപൂർവ്വം ആണ് ജയം ആഘോഷിച്ചത്. അതേസമയം മൊറോക്കൻ വിഭാഗത്തിൽ നിന്നുള്ള നേതാക്കൾ ആക്രമണത്തെ അപലപിച്ചു. ബ്രസൽസിലെ മേയറും സംഭവം ദൗർഭാഗ്യകാരമാണ് എന്നു പ്രതികരിച്ചു. പോലീസ് ചില സ്ഥലങ്ങളിൽ ആളുകൾ യാത്ര ചെയ്യരുത് എന്ന നിർദേശവും പുറപ്പെടിച്ചു. അതേസമയം തീവ്രവലതുപക്ഷ നേതാക്കൾ സംഭവം അഭയാർത്ഥി വിരുദ്ധത പ്രചരിപ്പിക്കാൻ ആണ് സംഭവം ഉപയോഗിക്കുന്നത്. ബെൽജിയത്തിൽ ഏതാണ്ട് 5 ലക്ഷം മൊറോക്കൻ വംശജർ ആണ് ഉള്ളത് എന്നാണ് കണക്കുകൾ.

ക്ലബ്ബ് ഫുട്ബോളിന്റെ കരുത്തിൽ മൊറോക്കോ ലോകകപ്പിന് എത്തുന്നു. യൂറോപ്പിലെ പ്രമുഖ ടീമുകൾക്ക് വേണ്ടി കളിക്കുന്ന താരങ്ങൾ തന്നെയാണ് ടീമിന്റെ പിൻബലം. പതിവ് മുഖങ്ങൾ ആയ ഹക്കീം സിയാച്ചും എൻ-നെസൈരിയും അഷ്റഫ് ഹകീമിയും എല്ലാം ടീമിൽ ഉൾപ്പെട്ടിട്ടുണ്ട്.

സെവിയ്യ താരം യാസീൻ ബോനോ ആണ് പോസ്റ്റിന് കീഴിൽ എത്തുക. പ്രതിരോധത്തിൽ പിഎസ്ജിയുടെ ഹകീമിയും ബയേണിന്റെ മസ്രൗയിയും എത്തുമ്പോൾ വെസ്റ്റ്ഹാമിന്റെ ആഗ്വെർഡ്, വല്ലഡോളിഡിന്റെ എൽ യാമിക് എന്നിവരും കൂടെ ഉണ്ടാവും. മധ്യനിരയിൽ ഫ്‌യോരെന്റിനയുടെ ആംരബത് സാംപ്ഡോരിയയുടെ സാബിരി എന്നിവരും ഇടം പിടിച്ചിട്ടുണ്ട്. മുന്നേറ്റത്തിന് ചുക്കാൻ പിടിക്കാൻ സിയാച്ച്, എൻ-നെസൈരി എന്നിവർ ഉണ്ടെങ്കിലും ചെൽസി താരത്തിന് അടുത്തിടെ അവസരങ്ങൾ കുറവായതും സെവിയ്യ താരത്തിന്റെ ഗോൾ ദാരിദ്ര്യവും ആശങ്കയാണ്. ബാഴ്‌സയിൽ നിന്നും ലോണിൽ ഒസാസുനക്കായി ബൂട്ട് കെട്ടുന്ന ആബ്ദേയും തന്റെ ആദ്യ ലോകകപ്പിന് ബൂട്ടണിയും