ഇന്ത്യയെ 188 റണ്സില് ഒതുക്കിയ ശേഷം ലക്ഷ്യം 10 പന്ത് അവശേഷിക്കെ മറികടന്ന് ദക്ഷിണാഫ്രിക്ക. പരമ്പരയിലെ നാലാം ജയം ആണ് ദക്ഷിണാഫ്രിക്ക ഇന്ന് നേടിയത്. തുടക്കം തകര്ച്ചയോടെയായിരുന്നുവെങ്കിലും മിഗ്നണ് ഡു പ്രീസ് – അന്നേ ബോഷ് കൂട്ടുകെട്ട് ആണ് ടീമിന്റെ തിരിച്ചുവരവ് സാധ്യമാക്കിയത്. 27/3 എന്ന നിലയില് വീണ ടീമിനെ ഈ കൂട്ടുകെട്ട് 96 റണ്സ് മൂന്നാം വിക്കറ്റില് നേടി മുന്നോട്ട് നയിക്കുകയായിരുന്നു. 58 റണ്സ് നേടിയ അന്നേ ബോഷിനെയും 57 റണ്സ് നേടിയ മിഗ്നണിനെയും ദക്ഷിണാഫ്രിക്കയ്ക്ക് നഷ്ടമായെങ്കിലും മത്സരത്തില് പിടിമുറുക്കുവാന് ഇന്ത്യയ്ക്ക് സാധിച്ചില്ല.
മരിസാന്നേ കാപ്പും നദീന് ഡീ ക്ലെര്ക്കും ആറാം വിക്കറ്റില് 57 റണ്സ് നേടിയാണ് ദക്ഷിണാഫ്രിക്കന് വിജയം ഉറപ്പാക്കിയത്. കാപ്പ് 36 റണ്സും നദീന് 19 റണ്സും നേടി ടീമിന്റെ വിജയ സമയത്ത് ക്രീസിലുണ്ടായിരുന്നു. ഇന്ത്യയ്ക്കായി രാജേശ്വരി ഗായക്വാഡ് മൂന്ന് വിക്കറ്റ് നേടി.
