Tag: Mickey Arthur

ശ്രീലങ്കന്‍ മുഖ്യ കോച്ച് മിക്കി ആര്‍തര്‍ ഈ മാസം നടക്കാനിരിക്കുന്ന വിന്‍ഡീസ് ടെസ്റ്റ് പരമ്പരയ്ക്ക് ശേഷം സ്ഥാനം ഒഴിയും. കഴിഞ്ഞ വര്‍ഷം ഫെബ്രുവരിയിലാണ് ആര്‍തര്‍ ശ്രീലങ്കയുടെ കോച്ചായി എത്തിയത്.

ഡെര്‍ബിഷയറിന്റെ ഹെഡ് ഓഫ് ക്രിക്കറ്റെന്ന പദവി ആണ് ആര്‍തര്‍ പുതുതായി ഏറ്റെടുക്കുവാന്‍ പോകുന്നത്. 2021 സീസണിന് ശേഷം ഡെര്‍ബിഷയര്‍ ഹെഡ് ഓഫ് ക്രിക്കറ്റ് പദവി ഒഴിയുന്ന ഡേവ് ഹൗട്ടണ് പകരം ആണ് മിക്കി ആര്‍തര്‍ എത്തുന്നത്.

2017ൽ പാക്കിസ്ഥാനൊപ്പം ചാമ്പ്യന്‍സ് ട്രോഫി നേടിയ ആര്‍തര്‍ അതിന് മുമ്പ് ഓസ്ട്രേലിയ, ദക്ഷിണാഫ്രിക്ക എന്നീ ടീമുകളെയും പരിശീലിപ്പിച്ചിട്ടുണ്ട്.

ഇന്ത്യയുടെ ലങ്കന്‍ പര്യടനത്തിനെത്തിയ ടീം രണ്ടാം നിരയാണെന്ന ചിന്ത ശ്രീലങ്കയ്ക്കില്ലെന്ന് അറിയിച്ച് മിക്കി ആര്‍തര്‍. ഇന്ത്യയുടേത് മികച്ച സംഘമാണെന്നും ആ ബോധ്യം ശ്രീലങ്കയ്ക്കുണ്ടെന്നും മിക്കി ആര്‍തര്‍ വ്യക്തമാക്കി. ഒട്ടനവധി മികച്ച താരങ്ങളുള്ള ഇന്ത്യന്‍ ടീം ഐപിഎൽ ഓള്‍ സ്റ്റാര്‍സ് ഇലവന്‍ പോലെയാണെന്നും ആര്‍തര്‍ പറഞ്ഞു.

ജൂലൈ 13ന് ആരംഭിയ്ക്കേണ്ട പരമ്പര ശ്രീലങ്കന്‍ ക്യാമ്പിലെ കോവിഡ് കാരണം ജൂലൈ 18ലേക്ക് മാറ്റുകയായിരുന്നു. ലോക ടെസ്റ്റ് ചാമ്പ്യന്‍ഷിപ്പിനും ഇംഗ്ലണ്ട് ടെസ്റ്റ് പരമ്പരയ്ക്കുമായി ഇന്ത്യയുടെ പ്രധാന താരങ്ങള്‍ ഇംഗ്ലണ്ടിലായതിനാൽ രണ്ടാം നിര ടീമിനെയാണ് ഇന്ത്യ ലങ്കയിലേക്ക് അയയ്ച്ചത്.

ശ്രീലങ്കയുടെ സീനിയർ താരങ്ങൾക്ക് ഏകദിന ടീമിലേക്കുള്ള വാതിൽ കൊട്ടിയടച്ചിട്ടില്ലെന്ന് പറഞ്ഞ് മിക്കി ആർതർ. ശ്രീലങ്ക യുവ താരങ്ങളുമായി ബംഗ്ലാദേശിനെതിരെയുള്ള പരമ്പരയിൽ ഇറങ്ങിയെങ്കിലും ആദ്യ രണ്ട് മത്സരങ്ങളും പരാജയപ്പെട്ട് ടീം ചരിത്രത്തിൽ ആദ്യമായി ബംഗ്ലാദേശിനോട് ഏകദിന പരമ്പരയിൽ പരാജയപ്പെട്ട് സാഹചര്യമാണുണ്ടായത്.

സീനിയർ താരങ്ങളെ ടീമിൽ നിന്ന് ഡ്രോപ് ചെയ്തു എന്ന് പറയാനാകില്ലെന്നും ഭാവിയിലേക്കുള്ള ഒരു പരീക്ഷണായിരുന്നു ലങ്കയുടെ ബംഗ്ലാദേശ് പര്യടനം എന്നും മിക്കി ആർതർ പറഞ്ഞു. സീനിയർ താരങ്ങൾക്ക് എപ്പോൾ വേണമെങ്കിലും ടീമിലേക്ക് മടങ്ങിയെത്താനാകുന്നതേയുള്ളുവെന്നും മിക്കി ആർതർ പറഞ്ഞു. മധ്യ ഓവറുകളിൽ ടീമിന് തിരിച്ചടി ലഭിച്ചുവെന്നും മികച്ച പ്രകടനങ്ങളുടെ ബലത്തിൽ സീനിയർ താരങ്ങൾക്ക് ടീമിലേക്ക് മടങ്ങിയെത്തുവാൻ സാധിക്കുമെന്നും ആർതർ വ്യക്തമാക്കി.

ഇംഗ്ലണ്ടിനെതിരെ ശ്രീലങ്കയുടെ ആദ്യ ഇന്നിംഗ്സിലെ ബാറ്റിംഗ് പ്രകടനം അംഗീകരിക്കാനാകാത്തതെന്ന് ടീം മുഖ്യ കോച്ച് മിക്കി ആര്‍തര്‍. ഗോളിലെ ആദ്യ ടെസ്റ്റിലെ പരാജയത്തിന് ശേഷം പ്രതികരിക്കുകയായിരുന്നു മിക്കി ആര്‍തര്‍.

മത്സരത്തിന്റെ ആദ്യ ഇന്നിംഗ്സില്‍ ശ്രീലങ്ക വെറും 135 റണ്‍സിന് ഓള്‍ഔട്ട് ആകുകയായിരുന്നു. പിന്നീട് രണ്ടാം ഇന്നിംഗ്സില്‍ ശ്രീലങ്ക 359 റണ്‍സ് നേടിയെങ്കിലും ആദ്യ ഇന്നിംഗ്സിലെ മോശം പ്രകടനം ടീമിന്റെ സാധ്യതകളെ ഇല്ലാതാക്കുകയായിരുന്നു.

ആദ്യ ഇന്നിംഗ്സിലെ പ്രകടനത്തിന് ഒഴിവുകഴിവുകള്‍ ഒന്നും സ്വീകാര്യമല്ലെന്നും ഉപഭൂഖണ്ഡത്തില്‍ ലങ്കയ്ക്ക് മികച്ച രീതിയില്‍ ബാറ്റിംഗ് ചെയ്യാനാകുന്നില്ലെന്നത് ഒരിക്കലും അംഗീകരിക്കാവുന്ന കാര്യമല്ലെന്ന് മിക്കി ആര്‍തര്‍ പറഞ്ഞു.

ബാറ്റ്സ്മാന്മാര്‍ സ്വന്തം ടെക്നിക്കിനെ വിശ്വസിച്ച് ക്ഷമയോടെ ബാറ്റ് ചെയ്യുകയെന്ന ഗെയിം പ്ലാന്‍ നടപ്പിലാക്കുവാന്‍ ടീമിന് സാധിച്ചില്ലെന്നും ആര്‍തര്‍ വ്യക്തമാക്കി.

ശ്രീലങ്ക ഏകദിനത്തിലും ടെസ്റ്റിലും ആദ്യ നാല് സ്ഥാനങ്ങളിലെത്തുവാന്‍ ഏറെ അര്‍ഹരാണെന്ന് വ്യക്തമാക്കി ടീം ക്യാപ്റ്റന്‍ ദിമുത് കരുണാരത്നേ. അതിനാല്‍ തന്നെ ടീം ഇതിന് വേണ്ടി ശക്തമായി ശ്രമിക്കേണ്ടതുണ്ടെന്ന് കരുണാരത്നേ പറഞ്ഞു. ഏകദിന ലോകകപ്പില്‍ ഇംഗ്ലണ്ടിനെ കീഴടക്കിയത് ഒഴിച്ച് വേറെ പ്രകടനം ഒന്നും ലങ്കന്‍ ടീമിന് ഓര്‍ത്തു വയ്ക്കാവുന്നതായിട്ടില്ലായിരുന്നു. എന്നിട്ടും ലങ്കന്‍ ക്യാപ്റ്റന്റെ പ്രതീക്ഷകള്‍ വളരെ വലുതാണ്.

വരും ലോകകപ്പില്‍ മുത്തമിടുവാന്‍ ടീമിന് സാധിക്കുമെന്നും കോച്ച് മിക്കി ആര്‍തര്‍ അതിലേക്ക് ടീമിനെ നയിക്കുമെന്നുമാണ് തന്റെ വിശ്വാസമെന്ന് താരം വ്യക്തമാക്കി. 2019 അവസാനം നടന്ന പാക്കിസ്ഥാനെതിരെയുള്ള ടെസ്റ്റ് പരമ്പര മുതല്‍ മിക്കി ആര്‍തര്‍ ആണ് ശ്രീലങ്കന്‍ കോച്ച്. പാക്കിസ്ഥാനില്‍ നിന്ന് വിട്ട് വന്ന ശേഷം മിക്കി ഏറ്റെടുത്ത ദൗത്യമായിരുന്നു ലങ്കന്‍ കോച്ചിന്റെ.

വളരെ അധികം അനുഭവസമ്പത്തുള്ള താരമാണ് മിക്കി ആര്‍തറെന്നും താരങ്ങളില്‍ ആത്മവിശ്വാസം കൊണ്ടുവരാന്‍ മിക്കിയ്ക്ക് സാധിച്ചിട്ടുണ്ടെന്നും ദിമുത് കരുണാരത്നേ വ്യക്തമാക്കി. റാങ്കിംഗ് ഏറെ പ്രധാനമുള്ള ആദ്യ നാല് സ്ഥാനങ്ങളിലേക്ക് എത്തുകയാണെങ്കില്‍ നേരിട്ടല്ലെങ്കിലും സെമി ഫൈനലിസ്റ്റുകളെന്ന ചിന്ത സ്വയം താരങ്ങള്‍ക്കിടയില്‍ ഉണ്ടാകുമെന്നും കരുണാരത്നേ വ്യക്തമാക്കി.

നിലവില്‍ ഏകദിനത്തില്‍ എട്ടാം സ്ഥാനത്താണ് ശ്രീലങ്ക. എന്നാല്‍ നാട്ടില്‍ അടുത്തിടെ വിന്‍ഡീസിനെ 3-0ന് ടീം പരാജയപ്പെടുത്തിയിരുന്നു എന്നാല്‍ ടി20 പരമ്പര 0-2ന് കൈവിടുകയും ചെയ്തു.