Tag: Lahiru Thirimanne

ശ്രീലങ്കൻ ബാറ്റ്സ്മാൻ ലഹിരു തിരിമണ്ണ അന്താരാഷ്ട്ര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചു. 2010-ൽ അന്താരാഷ്ട്ര ക്രിക്കറ്റിൽ അരങ്ങേറ്റം കുറിച്ച 33-കാരൻ 44 ടെസ്റ്റുകളും 127 ഏകദിനങ്ങളും 26 ടി20 മത്സരങ്ങളും ശ്രീലങ്കക്കായി കളിച്ചിട്ടുണ്ട്.

2014ൽ ഐസിസി ട്വന്റി20 ലോകകപ്പ് നേടിയ ടീമിലെ പ്രധാന അംഗമായിരുന്നു തിരിമണ്ണ. ടെസ്റ്റിൽ ശ്രീലങ്കയ്ക്ക് ആയി 2088 റൺസും എകദിനത്തിൽ 4419 റൺസും താരം നേടിയിട്ടുണ്ട്.

കഴിഞ്ഞ കുറച്ച് വർഷങ്ങളായി എന്റെ രാജ്യത്തെ പ്രതിനിധീകരിച്ചു എന്നത് ഒരു പരമമായ ബഹുമതിയാണ്. വർഷങ്ങളായി എനിക്ക് ഒരുപാട് നല്ല കാര്യങ്ങൾ ഈ ഗെയിം സമ്മാനിച്ചു. ഒരു കളിക്കാരൻ എന്ന നിലയിൽ ഞാൻ എന്റെ ഏറ്റവും മികച്ചത് നൽകി, ഞാൻ എന്റെ പരമാവധി ശ്രമിച്ചു, ഞാൻ ഗെയിമിനെ ബഹുമാനിച്ചു, എന്റെ മാതൃരാജ്യത്തോടുള്ള എന്റെ കടമ സത്യസന്ധമായും ധാർമ്മികമായും ചെയ്തു. തിരിമണ്ണ വിരമിക്കൽ പ്രഖ്യാപിച്ചു കൊണ്ടു പറഞ്ഞു.

SLC അംഗങ്ങൾ, എന്റെ പരിശീലകർ, ടീമംഗങ്ങൾ, ഫിസിയോകൾ, പരിശീലകർ, വിശകലന വിദഗ്ധർ എന്നിവർക്ക് നന്ദി പറയാൻ ഞാൻ ഈ അവസരം ഉപയോഗിക്കുന്നു. അദ്ദേഹം കൂട്ടിച്ചേർത്തു.

ബംഗ്ലാദേശിനെതിരെ രണ്ടാം സെഷനിലും വിക്കറ്റ് നഷ്ടമില്ലാതെ ശ്രീലങ്ക. ഇന്ന് ടെസ്റ്റിന്റെ ആദ്യ ദിവസം ചായയ്ക്കായി ടീമുകള്‍ പിരിയുമ്പോള്‍ ലങ്കന്‍ നായകന്‍ ശതകം പൂര്‍ത്തിയാക്കിയാണ് ടീമിനെ മുന്നോട്ട് നയിച്ചിരിക്കുന്നത്. 58 ഓവറില്‍ നിന്ന് 188/0 എന്ന നിലയിലാണ് ശ്രീലങ്ക.

106 റണ്‍സ് നേടിയ ദിമുത് കരുണാരത്നേയ്ക്ക് കൂട്ടായി 80 റണ്‍സുമായി ലഹിരു തിരിമന്നേ ആണ് ക്രീസിലുള്ളത്.

ബംഗ്ലാദേശിന്റെ ഒന്നാം ഇന്നിംഗ്സ് സ്കോറായ 541/7 പിന്തുടര്‍ന്നിറങ്ങിയ ശ്രീലങ്ക മൂന്നാം ദിവസം രണ്ടാം സെഷന്‍ അവസാനിക്കുമ്പോള്‍ 114/1 എന്ന നിലയില്‍. ഓപ്പണര്‍മാരായ ലഹിരു തിരിമന്നേയും ദിമുത് കരുണാരത്നേയും ലങ്കയ്ക്കായി കരുതലോടെയുള്ള തുടക്കമാണ് നല്‍കിയത്. എന്നാല്‍ രണ്ടാം സെഷനും വിക്കറ്റ് നഷ്ടമില്ലാതെ ലങ്ക അവസാനിപ്പിക്കുമെന്ന് തോന്നിപ്പിച്ച നിമിഷത്തിലാണ് മെഹ്ദി ഹസന്‍ കൂട്ടുകെട്ട് തകര്‍ത്തത്.

58 റണ്‍സ് നേടിയ തിരിമന്നേയുടെ വിക്കറ്റ് വീഴ്ത്തിയാണ് ബംഗ്ലാദേശിന് ആദ്യ വിക്കറ്റ് മെഹ്ദി ഹസന്‍ നേടിക്കൊടുത്തത്. 43 റണ്‍സുമായി ദിമുത് കരുണാരത്നേ ആണ് ആതിഥേയര്‍ക്കായി ക്രീസിലുള്ളത്. 427 റണ്‍സ് ഇനിയും നേടിയാലേ ശ്രീലങ്കയ്ക്ക് ബംഗ്ലാദേശിന്റെ സ്കോര്‍ മറികടക്കാനാകുള്ളു.

ഇംഗ്ലണ്ടിനെതിരെ രണ്ടാം ടെസ്റ്റില്‍ മികച്ച ബാറ്റിംഗ് പ്രകടനവുമായി ആഞ്ചലോ മാത്യൂസ്. മുന്‍ ലങ്കന്‍ നായകന്റെ ശതകത്തിന്റെ ബലത്തില്‍ ആദ്യ ദിവസം അവസാനിക്കുമ്പോള്‍ ശ്രീലങ്ക 87 ഓവറില്‍ നിന്ന് 229/4 എന്ന സ്കോര്‍ നേടിയിട്ടുണ്ട്. 107 റണ്‍സുമായി മാത്യൂസും 19 റണ്‍സ് നേടി നിരോഷന്‍ ഡിക്ക്വെല്ലയുമാണ് ക്രീസിലുള്ളത്.

43 റണ്‍സ് നേടിയ ലഹിരു തിരിമന്നേയും 52 റണ്‍സ് നേടിയ ദിനേശ് ചന്ദിമലുമാണ് ലങ്കയ്ക്കായി മികവ് പുലര്‍ത്തിയ മറ്റു താരങ്ങള്‍. 7/2 എന്ന നിലയില്‍ നിന്ന് വെറും നാല് വിക്കറ്റ് മാത്രം നഷ്ടത്തില്‍ ആദ്യ ദിനം അവസാനിപ്പിക്കാനായത് ലങ്കയ്ക്ക് മികച്ച ആത്മവിശ്വാസം നല്‍കും.

ഇംഗ്ലണ്ടിനായി ജെയിംസ് ആന്‍ഡേഴ്സണ്‍ മൂന്നും മാര്‍ക്ക് വുഡ് ഒരു വിക്കറ്റും നേടി.

ഗോളില്‍ ഇന്നാരംഭിച്ച രണ്ടാം ടെസ്റ്റില്‍ ഇംഗ്ലണ്ടിനെതിരെ ശ്രീലങ്കയ്ക്ക് മൂന്ന് വിക്കറ്റ് നഷ്ടം. ഇരട്ട വിക്കറ്റുമായി ആന്‍ഡേഴ്സണ്‍ തുടക്കത്തില്‍ ഏല്പിച്ച കനത്ത പ്രഹരങ്ങള്‍ക്ക് ശേഷം ശ്രീലങ്ക 7/2 എന്ന നിലയില്‍ പ്രതിരോധത്തിലായെങ്കിലും പിന്നീട് ലഞ്ച് വരെ കൂടുതല്‍ നഷ്ടമില്ലാതെ ലങ്കയെ എത്തിക്കുവാന്‍ ലഹിരു തിരിമന്നേയ്ക്കും ആഞ്ചലോ മാത്യൂസിനും സാധിച്ചു.

ലഞ്ചിന് പിരിയുമ്പോള്‍ ലങ്ക 26 ഓവറില്‍ നിന്ന് 76/2 എന്ന നിലയിലായിരുന്നു. 43 റണ്‍സുമായി തിരിമന്നേയും 26 റണ്‍സുമായി ആഞ്ചലോ മാത്യൂസുമായിരുന്നു ക്രീസില്‍.

ലഞ്ചിന് ശേഷം മത്സരം പുനരാരംഭിച്ച് രണ്ടാം പന്തില്‍ ലഹിരു തിരിമന്നേയെ ആന്‍ഡേഴ്സണ്‍ മടക്കിയതോടെ ലങ്ക 76/3 എന്ന നിലയിലായി. 69 റണ്‍സിന്റെ മൂന്നാം വിക്കറ്റ് കൂട്ടുകെട്ടാണ് തിരിമന്നേ-മാത്യൂസ് കൂട്ടുകെട്ട് നേടിയത്. ഒടുവില്‍ റിപ്പോര്‍ട്ട് കിട്ടുമ്പോള്‍ ശ്രീലങ്ക 30 ഓവറില്‍ 83/3 എന്ന നിലയിലാണ്.

ഇംഗ്ലണ്ടിനെതിരെ ഗോളിലെ ആദ്യ ടെസ്റ്റില്‍ ശതകം നേടി ലഹിരു തിരിമന്നേ. ഒന്നാം ഇന്നിംഗ്സില്‍ 135 റണ്‍സിന് പുറത്തായ ശ്രീലങ്ക രണ്ടാം ഇന്നിംഗ്സില്‍ മികവുറ്റ നിലയിലാണ് സ്ഥിതി ചെയ്യുന്നത്. 77 ഓവറുകള്‍ പിന്നിടുമ്പോള്‍ ശ്രീലങ്ക 203/3 എന്ന നിലയിലാണ്.

ഇംഗ്ലണ്ടിന്റെ ഒന്നാം ഇന്നിംഗ്സ് ലീഡ് മറികടക്കുവാന്‍ 83 റണ്‍സ് കൂടി ലങ്ക നേടേണ്ടതുണ്ട്. ഇതുവരെ 109 റണ്‍സ് നേടിയ ലഹിരു തിരിമന്നേയാണ് ലങ്കയുടെ പ്രധാന സ്കോറര്‍.

ഇന്ന് മത്സരത്തിന്റെ നാലാം ദിവസം നൈറ്റ്‍വാച്ച്മാന്‍ ലസിത് എംബുല്‍ദേനിയയെ പുറത്താക്കി ഡൊമിനിക് ബെസ്സാണ് ശ്രീലങ്കയുടെ മൂന്നാം വിക്കറ്റ് നേടിയത്.