Tag: Mayank Agarwal

ഐപിഎലില്‍ ഏതാനും ടോസുകള്‍ കൂടി ജയിക്കുവാന്‍ തനിക്ക് ആഗ്രഹം ഉണ്ടെന്ന് പറഞ്ഞ് മയാംഗ് അഗര്‍വാള്‍. ഇതുവരെ ഒരു ടോസ് മാത്രമാണ് താന്‍ നേടിയതെന്നും അതിൽ മാറ്റം ഉണ്ടാവണമെന്നാണ് ആഗ്രഹം എന്നും താരം വ്യക്തമാക്കി. ഐപിഎലില്‍ ഇന്നലെ ചെന്നൈ സൂപ്പര്‍ കിംഗ്സിനെതിരെ 11 റൺസ് വിജയം നേടിയ ശേഷം സംസാരിക്കുകയായിരുന്നു പഞ്ചാബ് കിംഗ്സ് നായകന്‍ മയാംഗ് അഗര്‍വാള്‍.

അര്‍ഷ്ദീപ് മികച്ച രീതിയിലാണ് പന്തെറിഞ്ഞതെന്നും ടഫ് ഓവറുകള്‍ എറിഞ്ഞ താരം പഞ്ചാബിന് വേണ്ടി ഏറെ പ്രാധാന്യമുള്ള താരമാണ് അദ്ദേഹം എന്നും മയാംഗ് വ്യക്തമാക്കി. റുതുരാജിനെയും റായിഡുവിനെയും പുറത്താക്കി റബാഡയും മികച്ച സംഭാവനയാണ് മത്സരത്തിൽ നടത്തിയതെന്ന് അഗര്‍വാള്‍ സൂചിപ്പിച്ചു.

തന്റെ ടീമിന്റെ ബാറ്റിംഗ് നിരാശാജനകമായിരുന്നുവെന്ന് പറഞ്ഞ് പഞ്ചാബ് കിംഗ്സ് നായകന്‍ മയാംഗ് അഗര്‍വാള്‍. ഐപിഎലില്‍ ഇന്നലെ റസ്സല്‍ അടിയിൽ മത്സരം കൈവിട്ട ശേഷം പ്രതികരിക്കുകയായിരുന്നു മയാംഗ്.

ബൗളര്‍മാര്‍ തുടക്കത്തിൽ പ്രതീക്ഷ നല്‍കിയെങ്കിലും ആന്‍ഡ്രേ റസ്സൽ ക്രീസിലെത്തിയതോടെ കാര്യങ്ങള്‍ മാറി മറിഞ്ഞുവെന്നും മയാംഗ് വ്യക്തമാക്കി. 170 റൺസ് പിറക്കേണ്ട വിക്കറ്റായിരുന്നു ഇതെന്നും എന്നാൽ ബാറ്റ്സ്മാന്മാര്‍ക്ക് 137 റൺസ് മാത്രമേ നേടാനായുള്ളുവെന്നും മയാംഗ് വ്യക്തമാക്കി.

ടൂര്‍ണ്ണമെന്റിന്റെ തുടക്കമായതിനാൽ ഇത്തരം തിരിച്ചടി അത്ര സാരമുള്ളതല്ലെന്നും മയാംഗ് സൂചിപ്പിച്ചു.

പഞ്ചാബ് കിംഗ്സ് തങ്ങളുടെ നായകനായി മയാംഗ് അഗര്‍വാളിനെ പ്രഖ്യാപിച്ചത് ഭാവിയിലേക്കുള്ള കരുതുറ്റ ടീമിനെ മയാംഗിന് ചുറ്റും സൃഷ്ടിച്ചെടുക്കുക എന്ന ലക്ഷ്യത്തോടെയാണെന്ന് പറഞ്ഞ് ടീം മുഖ്യ കോച്ച് അനിൽ കുംബ്ലേ.

മികച്ച അടിത്തറ സൃഷ്ടിക്കുക എന്നതാണ് ടീമിന്റെ ലക്ഷ്യം എന്നും അതിന് മയാംഗിന്റെ ക്യാപ്റ്റൻസി ഗുണം ചെയ്യുമെന്നും അനിൽ സൂചിപ്പിച്ചു. 2018 മുതൽ ടീമിന്റെ ലീഡര്‍ഷിപ്പ് ഗ്രൂപ്പിന്റെ ഭാഗമായിരുന്നു മയാംഗ് എന്നും മികച്ച താരങ്ങളെ ലേലത്തിൽ ടീമിലേക്ക് എത്തിക്കുവാന്‍ കഴിഞ്ഞിട്ടുണ്ടെന്നും അത് ടീമിനെ മികച്ച സീസൺ നല്‍കുമെന്നാണ് പ്രതീക്ഷയെന്നും അനിൽ കുംബ്ലേ പറഞ്ഞു.

വരാനിരിക്കുന്ന ഇന്ത്യൻ പ്രീമിയർ ലീഗിൽ പഞ്ചാബ് കിംഗ്‌സിന്റെ ക്യാപ്റ്റനായി ഇന്ത്യൻ താരം മായങ്ക് അഗർവാളിനെ തിരഞ്ഞെടുക്കും. പുതുതായി സൈൻ ചെയ്ത ശിഖർ ധവാൻ ആകും ക്യാപ്റ്റൻ ആവുക എന്ന് വാർത്തകൾ ഉണ്ടായിരുന്നു എങ്കിലും മാനേജ്മെന്റ് മായങ്ക് അഗർവാളിനെ ക്യാപ്റ്റൻ ആക്കാൻ തീരുമാനിച്ചിരിക്കുകയാണ്‌. ഇതു സംബന്ധിച്ച ഔദ്യോഗിക പ്രഖ്യാപനം ഉടൻ വരും.

ഇന്ത്യൻ ടെസ്റ്റ് ടീമിന്റെ ഭാഗമായ അഗർവാളിനെ മെഗാ ലേലത്തിന് പഞ്ചാബ് കിംഗ്സ് നിലനിർത്തിയിരുന്നു. അവസാന രണ്ട് സീസണിലും പഞ്ചാബിനായി 400ൽ അധികം റൺസ് മായങ്ക് നേടിയിട്ടുണ്ട്. കഴിഞ്ഞ സീസണിൽ രാഹുലിന് പരിക്കേറ്റപ്പോൾ താൽക്കാലികമായി പഞ്ചാബിന്റെ ക്യാപ്റ്റൻ ആയും മായങ്ക് ഇറങ്ങിയിട്ടുണ്ട്.