Tag: Manchester Derby

മാഞ്ചസ്റ്റർ ഡെർബിയുടെ 197-ാമത്തെ പോരാട്ടത്തിന് ഇന്ന് എത്തിഹാദ് സ്റ്റേഡിയം വേദിയാകും. ഇന്ത്യൻ സമയം രാത്രി 9:00ന് (ബ്രിട്ടീഷ് സമയം വൈകുന്നേരം 4:30) ആരംഭിക്കുന്ന ഈ മത്സരം പ്രീമിയർ ലീഗ് സീസണിലെ തിരച്ചടികൾ മറികടക്കാൻ ഇരു ടീമുകൾക്കും നിർണായകമാണ്. നിലവിൽ പ്രീമിയർ ലീഗ് പോയിന്റ് പട്ടികയിൽ 16-ാം സ്ഥാനത്താണ് മാഞ്ചസ്റ്റർ സിറ്റി. മാഞ്ചസ്റ്റർ യുണൈറ്റഡ് ഒരു പോയിന്റ് മാത്രം മുന്നിൽ 11-ാം സ്ഥാനത്തുണ്ട്.

പെപ് ഗ്വാർഡിയോള പരിശീലിപ്പിക്കുന്ന മാഞ്ചസ്റ്റർ സിറ്റി, എഡേഴ്സൺ ക്ലബ് വിട്ടതിന് ശേഷം പുതിയ ഗോൾകീപ്പർ ജിയാൻലൂയിജി ഡൊണ്ണറുമ്മയെ ഇന്ന് ഇറക്കും. എർലിംഗ് ഹാളണ്ടിനെപ്പോലുള്ള ആക്രമണനിരയിലെ പ്രഗത്ഭർ സിറ്റിക്കുണ്ടെങ്കിലും, ഒമർ മർമൂഷിനെപ്പോലുള്ള പ്രധാന താരങ്ങളുടെ പരിക്ക് ടീമിന് വെല്ലുവിളിയാണ്.

അതേസമയം, റൂബൻ അമോറിം പരിശീലിപ്പിക്കുന്ന മാഞ്ചസ്റ്റർ യുണൈറ്റഡ് സ്ഥിരതയില്ലാത്ത പ്രകടനമാണ് ഈ സീസണിലും ഇതുവരെ കാഴ്ചവെച്ചത്. ലീഗ് കപ്പിൽ താഴ്ന്ന ഡിവിഷൻ ടീമിനോട് പരാജയപ്പെട്ട അവർക്ക് ബേൺലിക്കെതിരായ അവസാന നിമിഷത്തിലെ വിജയമാണ് ആത്മവിശ്വാസം നൽകുന്നത്. കഴിഞ്ഞ സീസണിൽ എതിഹാദിൽ 2-1ന് നേടിയ വിജയം മാഞ്ചസ്റ്റർ യുണൈറ്റഡിന് കൂടുതൽ പ്രചോദനമാകും. കുഞ്ഞ്യ, മൗണ്ട്, ഡാലോട്ട് എന്നിവർ അവർക്ക് ഒപ്പം ഇന്ന് ഉണ്ടാകില്ല.

ഇന്ത്യൻ ആരാധകർക്ക് രാത്രി 9:00 മുതൽ ജിയോ ഹോട്ട്സ്റ്റാർ, സ്റ്റാർ സ്പോർട്സ് നെറ്റ്‌വർക്ക് എന്നിവയിൽ മത്സരം തത്സമയം കാണാം.

ഇംഗ്ലീഷ് പ്രീമിയർ ലീഗിൽ ഏവരും കാത്തു നിന്ന മാഞ്ചസ്റ്റർ ഡർബി ഗോൾ രഹിത സമനിലയിൽ അവസാനിച്ചു. രണ്ട് ടീമുകൾക്കും ഇന്ന് അവരുടെ മികവിലേക്ക് എത്താൻ ആയില്ല.

ഇന്ന് ഓൾഡ്ട്രാഫോർഡിൽ വളരെ നിയന്ത്രണത്തോടെയാണ് മാഞ്ചസ്റ്റർ കളിച്ചത്. അവർ മാഞ്ചസ്റ്റർ സിറ്റിയെ നല്ല നീക്കങ്ങൾ നടത്തുന്നതിൽ നിന്ന് തുടക്കം മുതലേ തടഞ്ഞു. ഇടയ്ക്ക് നല്ല അവസരങ്ങൾ യുണൈറ്റഡ് സൃഷ്ടിച്ചു എങ്കിലും അവരുടെ ഫൈനൽ തേർഡിലെ പോരായ്മകൾ ഇന്നും കാണാനായി. ആദ്യ പകുതി ഗോൾ രഹിതമായി തുടർന്നു.

രണ്ടാം പകുതിയിൽ മാഞ്ചസ്റ്റർ യുണൈറ്റഡ് കൂടുതൽ അവസരങ്ങൾ സൃഷ്ടിച്ചുവെങ്കിലും എഡേഴ്സന്റെ മികച്ച സേവ് അവരെ ഗോളിൽ നിന്ന് അകറ്റി. രണ്ടാം പകുതിയിൽ യുണൈറ്റഡും സിറ്റിയും നിരവധി മാറ്റങ്ങൾ വരുത്തിയെങ്കിലും ഇരുവർക്കും ഗോൾ നേടാൻ ആയില്ല.

ഈ സമനിലയോടെ മാഞ്ചസ്റ്റർ സിറ്റി 52 പോയിന്റുമായി ലീഗിൽ അഞ്ചാം സ്ഥാനത്ത് നിൽക്കുകയാണ് 38 പോയിന്റുള്ള മാഞ്ചസ്റ്റർ യുണൈറ്റഡ് 13 ആം സ്ഥാനത്ത് നിൽക്കുന്നു

ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ ഡെർബിയിൽ മാഞ്ചസ്റ്റർ യുണൈറ്റഡിന് നാടകീയ വിജയം. ഇന്ന് ഇത്തിഹാദിൽ നടന്ന മാഞ്ചസ്റ്റർ ഡർബിയിൽ ഒന്നിനെതിരെ രണ്ടു ഗോളുകൾക്കാണ് മാഞ്ചസ്റ്റർ യുണൈറ്റഡ് വിജയിച്ചത്. അവസാന 2 മിനുട്ടുകളിൽ 2 ഗോളുകൾ നേടിയായിരുന്നു മാഞ്ചസ്റ്റർ യുണൈറ്റഡിന്റെ തിരിച്ചുവരവ്.

ഇത്തിഹാദ് സ്റ്റേഡിയത്തിൽ നടന്ന മത്സരത്തിൽ മാർക്കസ് റാഷ്ഫോർഡും ഗർനാചോയും ഇല്ലാതെയാണ് മാഞ്ചസ്റ്റർ യുണൈറ്റഡ് ഇറങ്ങിയത്. വിരസമായ ഡർബിയാണ് ഇന്ന് കാണാൻ ആയത്‌ ഇരു ടീമുകളും ആദ്യ പകുതിയിൽ അധികം അവസരം സൃഷ്ടിച്ചില്ല. 36ആം മിനുട്ടിൽ ഒരു കോർണറിൽ നിന്ന് മാഞ്ചസ്റ്റർ സിറ്റി ഗോൾ കണ്ടെത്തി.

ഡി ബ്രുയിന്റെ ഒരു ഡിഫ്ലക്റ്റഡ് ക്രോസ് ഒരു ഹെഡറിലൂടെ ഗ്വാർഡിയോൾ വലയിൽ ആക്കുക ആയിരുന്നു. ആദ്യ പകുതി മാഞ്ചസ്റ്റർ സിറ്റി ലീഡിൽ അവസാനിപ്പിച്ചു. ആദ്യ പകുതിയിൽ യുണൈറ്റഡിന് ടാർഗറ്റിലേക്ക് ഒരു ഷോട്ട് പോലും തൊടുത്തില്ല.

രണ്ടാം പകുതിയിൽ മാഞ്ചസ്റ്റർ യുണൈറ്റഡ് പന്ത് കൂടുതൽ കൈവശം വെച്ചെങ്കിലും അവസരങ്ങൾ സൃഷ്ടിക്കാൻ അവർ പ്രയാസപ്പെട്ടു. അമദ് ദിയാലോയുടെ ഒരു ഹെഡർ എഡേഴസൺ തടഞ്ഞപ്പോൾ മാഞ്ചസ്റ്റർ യുണൈറ്റഡിന് ലഭിച്ച മറ്റൊരു സുവർണ്ണാവസരം ബ്രൂണോ തുലച്ചു.

86ആം മിനുട്ടിൽ അമദ് ദിയാലോയെ ഫൗൾ ചെയ്തതിന് മാഞ്ചസ്റ്റർ യുണൈറ്റഡിന് പെനാൾറ്റി ലഭിച്ചു. പെനാൾറ്റി ബ്രൂണോ ഫെർണാണ്ടസ് ലക്ഷ്യത്തിൽ എത്തിച്ചതോടെ യുണൈറ്റഡ് ഒപ്പമെത്തി. സ്കോർ 1-1. ഇതോടെ കളി മാറി.

90ആം മിനുട്ടിൽ മാഞ്ചസ്റ്റർ യുണൈറ്റഡ് അമദ് ദിയാലോയിലൂടെ വിജയ ഗോൾ നേടി. ലിസാൻഡ്രോ മാർട്ടിനസ് നൽകിയ ലോംഗ് പാസ് സ്വീകരിച്ച് അമദ് പന്ത് വലയിൽ എത്തിക്കുക ആയിരുന്നു. സ്കോർ 2-1.

ഈ വിജയത്തോടെ മാഞ്ചസ്റ്റർ യുണൈറ്റഡ് 22 പോയിന്റുമായി ലീഗിൽ 12ആം സ്ഥാനത്ത് നിൽക്കുകയാണ്. സിറ്റി 16 മത്സരങ്ങളിൽ നിന്ന് 27 പോയിന്റുമായി 5ആം സ്ഥാനത്തും നിൽക്കുന്നു.

കമ്മ്യൂണിയൽറ്റി ഷീൽഡ് കിരീടം മാഞ്ചസ്റ്റർ സിറ്റി സ്വന്തമാക്കി. ഇന്ന് വെംബ്ലിയിൽ നടന്ന സീസൺ ഉദ്ഘാടന മത്സരത്തിൽ ചിരവൈരികളായ മാഞ്ചസ്റ്റർ യുണൈറ്റഡിനെ ആണ് മാഞ്ചസ്റ്റർ സിറ്റി പരാജയപ്പെടുത്തിയത്. പെനാൾട്ടി ഷൂട്ടൗട്ടിൽ ആയിരുന്നു വിജയം. നിശ്ചിത സമയത്ത് സ്കോർ 1-1 എന്നായിരുന്നു.

ഇന്ന് കമ്മ്യൂണിറ്റി ഷീൽഡിൽ ആദ്യ പകുതിയിൽ അത്ര നല്ല ഫുട്ബോൾ കാണാൻ കഴിഞ്ഞില്ല. സീസണിലെ ആദ്യ മത്സരമായത് കൊണ്ട് തന്നെ ഇരുടീമുകളും ഫിറ്റ്നസിന്റെ കാര്യത്തിൽ അത്ര മികച്ച നിലയിൽ ആയിരുന്നില്ല. ആദ്യ പകുതിയിൽ ഒരു ഷോട്ട് പോലും ടാർഗറ്റിൽ വന്നില്ല. മാഞ്ചസ്റ്റർ യുണൈറ്റഡിന് രണ്ട് നല്ല അവസരം ലഭിച്ചെങ്കിലും ആദ്യ പകുതിയിൽ ഗോൾ വന്നില്ല.

രണ്ടാം പകുതിയിൽ ഇരു ടീമുകളും ഗോളിനായുള്ള ശ്രമങ്ങൾ നടത്തി. മാഞ്ചസ്റ്റർ യുണൈറ്റഡ് ക്യാപ്റ്റൻ ബ്രൂണോ ഫെർണാണ്ടസ് ഒരു മനോഹർ ഗോൾ നേടി എങ്കിലും അത് ഓഫ്സൈഡ് ആയത് അദ്ദേഹത്തിന്റെ ആഹ്ലാദം വെട്ടികുറച്ചു.

See more

A huge chance for @ManUtd, as Marcus Rashford hits the post! 😮#CommunityShield pic.twitter.com/u2o2lqb4Fa

— Emirates FA Cup (@EmiratesFACup) August 10, 2024

75ആം മിനുട്ടിൽ ഗർനാചോയുടെ പാസിൽ നിന്ന് റാഷ്ഫോർഡിന് ഒരു സുവർണ്ണവസരം ലഭിച്ചു. പക്ഷെ റാഷ്ഫോർഡിന്റെ ഷോട്ട് പോസ്റ്റിൽ തട്ടി പുറത്തു പോയി. അവസാനം 82ആം മിനുട്ടിൽ മാഞ്ചസ്റ്റർ യുണൈറ്റഡ് ലീഡ് എടുത്തു. ബ്രൂണോ ഫെർണാണ്ടസിന്റെ പാസ് സ്വീകരിച്ച് മുന്നേറിയ ഗർനാചോ തന്റെ ഇടം കാലിൽ മുന്നേറി സിറ്റി ഡിഫൻസിലെ മൂന്ന് പേരെയും മറികടന്ന് ഒരു നല്ല ഫിനിഷിലൂടെ എഡേഴ്സണെയും കീഴ്പ്പെടുത്തി. സ്കോർ 1-0.

എന്നാൽ സിറ്റി പതറിയില്ല. 89ആം മിനുട്ടിൽ അവർ ബെർണാഡോ സിൽവയിലൂടെ മാഞ്ചസ്റ്റർ സിറ്റി സമനില ഗോൾ നേടി. ഒസ്കാർ ബോബിന്റെ ക്രോസിൽ നിന്നായിരുന്നു ബെർണാഡോയുടെ ഹെഡർ. തുടർന്ന് കളി പെനാൾട്ടി ഷൂട്ടൗട്ടിൽ എത്തി.

യുണൈറ്റഡിനായി ആദ്യ കിക്ക് എടുത്ത ബ്രൂണോ പന്ത് ലക്ഷ്യത്തിൽ എത്തിച്ചു. സിറ്റിക്ക് ആയി ബെർണാഡോ ആണ് കിക്ക് എടുത്തത്. അത് ഒനാന തടഞ്ഞു. സ്കോർ 1-0. ഡാലോട്ട് ആണ് യുണൈറ്റഡിന്റെ രണ്ടാം കിക്ക് എടുത്തത്. അതും ലക്ഷ്യത്തിൽ എത്തി. സിറ്റിയുടെ രണ്ടാം കിക്ക് ഡി ബ്രുയിനെ എടുത്തു. അത് ലക്ഷ്യത്തിൽ എത്തി. സ്കോർ 2-1.

മൂന്നാം പെനാൾട്ടി യുണൈറ്റഡിനായി എടുത്തത് ഗർനാചോ ആയിരുന്നു. അർജന്റീന താരത്തിനും പിഴച്ചില്ല. ഹാളണ്ട് എടുത്ത മൂന്നാം പെനാൾട്ടിയും ലക്ഷ്യത്തിൽ. സ്കോർ 3-2. സാഞ്ചോ മാഞ്ചസ്റ്റർ യുണൈറ്റഡിനായി നാലാം കിക്ക് എടുത്തു. ആ കിക്ക് പുറത്ത് പോയി. സിറ്റിക്കായി സവിഞ്ഞിയോ എടുത്ത് കിക്ക് ലക്ഷ്യത്തിൽ എത്തിയതോടെ സ്കോർ 3-3 എന്നായി.

കസെമിറോ അഞ്ചാം കിക്ക് ലക്ഷ്യത്തിൽ എത്തിച്ചു. അവസാന കിക്ക് എടുക്കാൻ എത്തിയ എഡേഴ്സണ് സമ്മർദ്ദം അതിജീവിക്കാൻ എളുപ്പം ആയി. സ്കോർ 4-4. ഇതോടെ കളി സഡൻ ഡെത്തിലേക്ക് നീങ്ങി.

മക്ടോമിനെ യുണൈറ്റഡിനെ കിക്ക് ലക്ഷ്യത്തിൽ എത്തിച്ചു. നുനെസ് സിറ്റിക്ക് ആയി എടുത്ത കിക്കും വലയിൽ. സ്കോർ 5-5. ഏഴാം കിക്ക് എടുത്ത ലിസാൻഡ്രോ മാർട്ടിനസും ലക്ഷ്യം കണ്ടു. റുബൻ ഡിയസും ലക്ഷ്യം കണ്ടു. സ്കോർ 6-6.

ഇവാൻ എടുത്ത എട്ടാം കിക്ക് വലയിൽ എത്തിയില്ല‌. ഇതോടെ സിറ്റിക്ക് അഡ്വാന്റേജ്. സിറ്റി അകാഞ്ചിയുടെ ഗോളോടെ വിജയം ഉറപ്പിച്ചു.

എഫ് എ കപ്പ് കിരീടം മാഞ്ചസ്റ്റർ സിറ്റി സ്വന്തമാക്കി.ഇന്ന് വെംബ്ലിയിൽ നടന്ന ഫൈനലിൽ ചിരവൈരികളായ മാഞ്ചസ്റ്റർ യുണൈറ്റഡിനെ തോൽപ്പിച്ച് ആണ് സിറ്റിയും പെപും എഫ് എ കപ്പിൽ മുത്തമിട്ടത്. ഒന്നിനെതിരെ രണ്ടു ഗോളുകൾക്ക് ആയിരുന്നു മാഞ്ചസ്റ്റർ സിറ്റിയുടെ വിജയം. ക്യാപ്റ്റൻ ഗുണ്ടോഗൻ നേടിയ ഇരട്ട ഗോളുകൾ ആണ് സിറ്റിക്ക് കിരീടം ഉറപ്പിച്ചു കൊടുത്തത്.

ഇന്ന് വെംബ്ലിയിൽ കളി തുടങ്ങി സെക്കൻഡുകൾക്ക് അകം മാഞ്ചസ്റ്റർ സിറ്റി ലീഡ് എടുക്കുന്നത് കാണാൻ ആയി. മാഞ്ചസ്റ്റർ സിറ്റി ഗോൾ കീപ്പർ ഒർടെഗ നൽകിയ ലോംഗ് ബോൾ ഡിഫൻഡ് ചെയ്യാൻ യുണൈറ്റഡ് പരാജയപ്പെടുകയും ഗുണ്ടോഗൻ ഒരു ഗംഭീര സ്ട്രൈക്കിലൂടെ ഗോൾ നേടുകയുമായിരുന്നു. 1-0. വെറും 12 സെക്കൻഡുകൾ മാത്രമേ ഈ ഗോൾ വീഴുമ്പോൾ ആയിരുന്നുള്ളൂ.

മാഞ്ചസ്റ്റർ യുണൈറ്റഡ് ഈ ഗോളിൽ നിന്ന് കരകയറാം കുറച്ച് സമയം എടുത്തു. രണ്ടു ടീമുകളും ഇതിനു ശേഷം ആദ്യ പകുതിയിൽ കാര്യമായ അവസരങ്ങൾ സൃഷ്ടിച്ചില്ല. മത്സരത്തിന്റെ 33ആം മിനുട്ടിൽ ഒരു പെനാൾട്ടിയിലൂടെ മാഞ്ചസ്റ്റർ യുണൈറ്റഡിന് കളിയിലേക്ക് തിരികെ വരാൻ അവസരം ലഭിച്ചു. പെനാൾട്ടി എടുത്ത ബ്രൂണോ ഫെർണാണ്ടസിന് ഒട്ടും പിഴച്ചില്ല. സ്കോർ 1-1.

രണ്ടാം പകുതി മാഞ്ചസ്റ്റർ സിറ്റി നന്നായി തുടങ്ങി. അവർ അവസരങ്ങൾ സൃഷ്ടിക്കാൻ തുടങ്ങി‌‌. കളിയുടെ 51ആം മിനുട്ടിൽ ഒരു കോർണറിലൂടെ ഗുണ്ടോഗൻ വീണ്ടും സിറ്റിക്ക് ലീഡ് നൽകി. ഇത്തവണയും പെനാൾട്ടി ബോക്സിന് പുറത്ത് നിന്നുള്ള ഷോട്ടിലൂടെയാണ് ഗുണ്ടോഗൻ ഗോൾ കണ്ടെത്തിയത്. സ്കോർ 2-1.

മറുപടി ഗോൾ കണ്ടെത്താൻ ആകാത്തതോടെ മാഞ്ചസ്റ്റർ യുണൈറ്റഡ് എറിക്സനെ പിൻവലിച്ച് ഗർനാചോയെ കളത്തിൽ ഇറക്കി. യുണൈറ്റഡിന് എന്നിട്ടും അവസരങ്ങൾ സൃഷ്ടിക്കാൻ ആയില്ല. 70ആം മിനുട്ടിൽ ഗൂണ്ടോഗനിലൂടെ മാഞ്ചസ്റ്റർ സിറ്റി മൂന്നാം ഗോൾ നേടി എങ്കിലും ഓഫ്സൈഡ് ഫ്ലാഗ് ഉയർന്നു.

ഇഞ്ച്വരെഇ ടൈമിൽ യുണൈറ്റഡിന്റെ രണ്ട് ഗോൾ ശ്രമങ്ങൾ ഗോളിന് അടുത്ത് എത്തി എങ്കിലും സമനില ഗോൾ വന്നില്ല. അവസാനം സിറ്റി വിജയം ഉറപ്പിക്കുകയുൻ ചെയ്തു‌. മാഞ്ചസ്റ്റർ സിറ്റിയുടെ ഏഴാം എഫ് എ കപ്പ് കിരീടമാണിത്. ഇനി അടുത്ത ആഴ്ച ചാമ്പ്യൻസ് ലീഗ് ഫൈനൽ കൂടെ വിജയിച്ചാൽ ട്രെബിൾ നേടുന്ന രണ്ടാമത്തെ ഇംഗ്ലീഷ് ക്ലബായി മാഞ്ചസ്റ്റർ സിറ്റിക്ക് മാറാം‌.