Tag: Leeds United

ലീഡ്സ് യുണൈറ്റഡ് താരങ്ങളായ കാൽവിൻ ഫിലിപ്സും ലിയാം കൂപ്പറും പരിക്ക് മൂലം മാർച്ച് മാസം വരെ പുറത്ത്. താരങ്ങൾക്കേറ്റ ഹാംസ്ട്രിങ് ഇഞ്ചുറിയാണ് ഇരുവർക്കും തിരിച്ചടിയായത്. താരങ്ങളുടെ പരിക്കും കോവിഡും തിരിച്ചടിയായതോടെ ലീഡ്‌സിന്റെ ഫോം താഴോട്ട് പോയിരുന്നു. കഴിഞ്ഞ മൂന്ന് മത്സരങ്ങളിൽ മാത്രം ലീഡ്സ് 14 ഗോളുകളാണ് വഴങ്ങിയത്.

ഡിസംബർ 5ന് ബ്രെന്റ്ഫോഡിനെതിരെ നടന്ന മത്സരത്തിലാണ് ഇരു താരങ്ങൾക്കും പരിക്കേറ്റത്. ലീഡ്സ് യുണൈറ്റഡ് പരിശീലകൻ മാഴ്‌സെലോ ബിയേൽസയാണ് ഇരു താരങ്ങളും മാർച്ച് വരെ പുറത്തിരിക്കുമെന്ന് അറിയിച്ചത്. ഫിലിപ്സിനേയും കൂപ്പറിനെയും കൂടാതെ ജൂനിയർ ഫിർപ്പോ, ഡീയേഗോ ലോറേന്റോ, റോബിൻ കോച്ച്, ഡാൻ ജെയിംസ് എന്നിവരെല്ലാം പരിക്ക് മൂലം ലീഡ്സ് ടീമിൽ നിന്ന് പുറത്താണ്.

പ്രീമിയർ ലീഗിൽ ആവേശകരമായ മത്സരത്തിൽ ഇഞ്ചുറി ടൈമിലെ പെനാൽറ്റി ഗോളിൽ ചെൽസിക്ക് ജയം. രണ്ടിനെതിരെ മൂന്ന് ഗോളുകൾക്കാണ് ചെൽസി ലീഡ്സ് യുണൈറ്റഡിനെ പരാജയപ്പെടുത്തിയത്. ആവേശകരമായ മത്സരത്തിൽ ആദ്യ ഗോൾ നേടിയത് ലീഡ്സ് ആണ്‌. ലീഡ്സ് യുണൈറ്റഡ് താരം ജെയിംസിനെ അലോൺസോ ഫൗൾ ചെയ്തതിന് അനുകൂലമായി ലഭിച്ച പെനാൽറ്റി ഗോളാക്കി റഫീഞ്ഞ ലീഡ്‌സിന് ലീഡ് നേടികൊടുക്കുകയായിരുന്നു. എന്നാൽ ആദ്യ പകുതി അവസാനിക്കുന്നതിന് മുൻപ് അലോൺസോയുടെ പാസിൽ നിന്ന് മേസൺ മൗണ്ട് ചെൽസിക്ക് സമനില നേടിക്കൊടുത്തു.

തുടർന്ന് രണ്ടാം പകുതിയിൽ ചെൽസിക്ക് അനുകൂലമായി വാർ പെനാൽറ്റി വിളിച്ചു. ചെൽസി താരം റുഡിഗറിനെ റഫിഞ്ഞ ഫൗൾ ചെയ്തതിനാണ് വാർ ചെൽസിക്ക് പെനാൽറ്റി നൽകിയത്. പെനാൽറ്റി എടുത്ത ജോർഗീനോ ഗോൾ കീപ്പർക്ക് ഒരു അവസരവും നൽകാതെ ഗോളാക്കി ചെൽസിയെ മത്സരത്തിൽ മുൻപിൽ എത്തിച്ചു. എന്നാൽ മത്സരം അവസാനിക്കാൻ 7 മിനിറ്റ് ബാക്കി നിൽക്കെ പകരക്കാരനായി ഇറങ്ങിയ ഗെൽഹാർട്ട് ലീഡ്‌സിന് സമനില നേടികൊടുക്കുകയായിരുന്നു. തുടർന്ന് മത്സരം സമനിലയിൽ അവസാനിക്കുമെന്ന് തോന്നിച്ച ഘട്ടത്തിലാണ് ചെൽസിക്ക് വേണ്ടി റുഡിഗർ വീണ്ടും പെനാൽറ്റി നേടിക്കൊടുത്തത്. ഇത്തവണയും പെനാൽറ്റി എടുത്ത ജോർഗീനോ ലീഡ്സ് വല കുലുക്കുകയും ചെൽസിക്ക് വിലപ്പെട്ട മൂന്ന് പോയിന്റ് നേടികൊടുക്കുകയുമായിരുന്നു. ജയത്തോടെ ചെൽസി പോയിന്റ് പട്ടികയിൽ മൂന്നാം സ്ഥാനത്ത് തുടരുകയാണ്.

പ്രീമിയർ ലീഗിൽ ഒന്നാം സ്ഥാനം നഷ്ട്ടപെട്ട ചെൽസി ഇന്ന് സ്വന്തം ഗ്രൗണ്ടിൽ ലീഡ്സ് യുണൈറ്റഡിനെ നേരിടും. കഴിഞ്ഞ ആഴ്ച്ച വെസ്റ്റ്ഹാമിനോട് തോറ്റ ചെൽസി ചാമ്പ്യൻസ് ലീഗിൽ സെനിതിനോട് സമനില വഴങ്ങുകയും ചെയ്തിരുന്നു. കഴിഞ്ഞ നാല് മത്സരങ്ങളിൽ ഒന്ന് മാത്രം ജയിച്ച ചെൽസി ലീഡ്സിനെതിരെ ജയിച്ച് പ്രീമിയർ ലീഗ് പോയിന്റ് പട്ടികയിൽ മാഞ്ചസ്റ്റർ സിറ്റിക്കും ലിവർപൂളിനും വെല്ലുവിളി സൃഷ്ടിക്കാനാവും ശ്രമിക്കുക. നിലവിൽ മാഞ്ചസ്റ്റർ സിറ്റിക്കും ലിവർപൂളിനും പിറകിൽ മൂന്നാം സ്ഥാനത്താണ് ചെൽസി. ഈ സീസണിൽ മികച്ച പ്രതിരോധത്തിന് പേരുകേട്ട ചെൽസി കഴിഞ്ഞ രണ്ട് മത്സരങ്ങളിൽ മാത്രം 6 ഗോളുകൾ വഴങ്ങിയത് പരിശീലകൻ തോമസ് ടൂഹലിന് തലവേദന സൃഷ്ട്ടിക്കും.

അതെ സമയം താരങ്ങളുടെ പരിക്കാണ് ചെൽസിക്ക് കഴിഞ്ഞ കുറച്ച് മത്സരങ്ങളിൽ തിരിച്ചടിയായത്. മിഡ്ഫീൽഡർമാരായ എൻഗോളോ കാന്റെ, കോവസിച്ച്, പ്രതിരോധ താരങ്ങളായ ബെൻ ചിൽവെൽ, ചാലോബ എന്നിവരെല്ലാം ഇന്നത്തെ മത്സരത്തിന് ഇറങ്ങില്ല. അതെ സമയം പരിക്ക് അലട്ടുന്നുണ്ടെങ്കിലും ജോർഗീനോ ഇന്നത്തെ മത്സരം കളിക്കുമെന്ന് തോമസ് ടൂഹൽ വ്യക്തമാക്കിയിട്ടുണ്ട്. ലീഡ്സ് യുണൈറ്റഡ് നിരയിലും പരിക്ക് വില്ലനാണ്. കാൽവിൻ ഫിലിപ്സ്, ലിയാം കൂപ്പർ, റോഡ്രിഗോ, പാട്രിക് ബാംഫോർഡ് എന്നിവരെല്ലാം പരിക്ക് മൂലം ഇന്നത്തെ മത്സരത്തിന് ഇറങ്ങില്ല. നിലവിൽ പ്രീമിയർ ലീഗ് പോയിന്റ് പട്ടികയിൽ പതിനഞ്ചാം സ്ഥാനത്താണ് ലീഡ്സ് യുണൈറ്റഡ്.

പ്രീമിയർ ലീഗിൽ ടോപ് ഫോറിൽ ലീഡ് ഉയർത്താനുള്ള അവസരം നഷ്ടപ്പെടുത്തി ചെൽസി. ഇന്ന് ലീഡ്‌സിന്റെ ഗ്രൗണ്ടിൽ നടന്ന മത്സരത്തിലെ ചെൽസിയെ ലീഡ്സ് ഗോൾ രഹിത സമനിലയിൽ കുടുക്കുകയായിരുന്നു. മത്സരത്തിൽ ഇരു ടീമുകളുടെയും ശ്രമം പോസ്റ്റിൽ തട്ടി തെറിക്കുകയും ചെയ്തിരുന്നു. ഇരു ടീമിലെയും ഗോൾ കീപ്പർമാരുടെ മികച്ച പ്രകടനവും മത്സരത്തിൽ ഗോളുകൾ പിറക്കുന്നതിൽ നിന്ന് തടഞ്ഞു.

ചെൽസി പരിശീലകനായതിന് ശേഷം തോമസ് ടൂഹലിന് കീഴിൽ ഒരു ക്ലീൻ ഷീറ്റ് കൂടി സ്വന്തമാക്കാൻ ചെൽസിക്ക് കഴിഞ്ഞെങ്കിലും ടോപ് ഫോറിൽ സ്ഥാനമുറപ്പിക്കാനുള്ള ചെൽസിയുടെ ശ്രമങ്ങൾക്ക് ഇന്നത്തെ സമനില തിരിച്ചടിയാണ്. നാളെ നടക്കുന്ന മാഞ്ചസ്റ്റർ യുണൈറ്റഡ് വെസ്റ്റ്ഹാം മത്സരത്തിൽ വെസ്റ്റ്ഹാം ജയിച്ചാൽ ചെൽസിയെ മറികടന്ന് അവർ പ്രീമിയർ ലീഗ് പട്ടികയിൽ നാലാം സ്ഥാനത്ത് എത്തും.

ആഴ്‌സണൽ സ്‌ട്രൈക്കർ ഒബാമയങ്ങിന്റെ തകർപ്പൻ ഹാട്രിക്കിന്റെ പിൻബലത്തിൽ ലീഡ്സ് യൂണൈറ്റഡിനെതിരെ മികച്ച ജയം സ്വന്തമാക്കി ആഴ്‌സണൽ. 4-2നാണ് ബിയേൽസയുടെ ലീഡ്സ് യുണൈറ്റഡിനെ ആഴ്‌സണൽ തോൽപ്പിച്ചത്. തുടക്കത്തിൽ ആഴ്‌സണലിന്റെ സമ്പൂർണ ആധിപത്യം കണ്ട മത്സരത്തിൽ ആദ്യ പകുതി അവസാനിക്കുന്നതിന് മുൻപ് 3 ഗോളുകളാണ് ആഴ്‌സണൽ ലീഡ്സ് വലയിൽ അടിച്ചു കയറ്റിയത്. മത്സരത്തിന്റെ 13ആം മിനുറ്റിലാണ് ഒബാമയങ്ങിന്റെ ഗോളിലൂടെ ആഴ്‌സണൽ മുൻപിൽ എത്തിയത്. തുടർന്ന് 41ആം മിനുട്ടിൽ ഒബാമയങ്ങിന്റെ രണ്ടാമത്തെ ഗോളിൽ ആഴ്‌സണൽ ലീഡ് ഇരട്ടിയാക്കി.

തുടർന്ന് ആദ്യ പകുതിയുടെ അവസാന മിനുട്ടിൽ ബെല്ലറിൻ മൂന്നാമത്തെ ഗോളും നേടി മത്സരത്തിൻറെ ആഴ്‌സണലിന്റെ ആധിപത്യം ഉറപ്പിച്ചു. രണ്ടാം പകുതിയുടെ തുടക്കത്തിൽ പെനാൽറ്റിയിലൂടെ ആഴ്‌സണൽ നാലാമത്തെ ഗോളും ഒബാമയാങ് തന്റെ ഹാട്രിക്കും തികക്കുകയായിരുന്നു. തുടർന്ന് സ്ട്രുജികിലൂടെയും കോസ്റ്റയിലൂടെയും 2 ഗോളുകൾ നേടി മത്സരത്തിലേക്ക് തിരിച്ചുവരാൻ ലീഡ്സ് യുണൈറ്റഡ് ശ്രമം നടത്തിയെങ്കിലും കൂടുതൽ ഗോൾ വഴങ്ങാതെ ആഴ്‌സണൽ ജയം സ്വന്തമാക്കുകയായിരുന്നു.