സൂപ്പർ 8ൽ എത്തിയാൽ പാകിസ്ഥാൻ മികച്ച ക്രിക്കറ്റ് കളിക്കും എന്ന് ഉറപ്പ് തരുന്നു – ഹാരിസ് റഹൂഫ്

2024ലെ ടി20 ലോകകപ്പിൽ സൂപ്പർ 8ലേക്ക് യോഗ്യത നേടാനാകും എന്ന് തന്നെയാണ് ഇപ്പോഴും വിശ്വാസം എന്ന് പാകിസ്ഥാൻ ബൗളർ ഹാരിസ് റഹൂഫ്. സൂപ്പർ 8ൽ എത്താനുള്ള കണക്കുകളെ ഓർത്ത് പാകിസ്ഥാൻ ആശങ്കപ്പെടുന്നില്ലെന്നും ഹാരിസ് റൗഫ് പറഞ്ഞു.

“കണക്കുകളെ കുറിച്ചുള്ള ആശങ്കകൾ ഒന്നും ഞങ്ങളുടെ മനസ്സിൽ വരുന്നില്ല. ഞങ്ങളുടെ മത്സരത്തിലും എങ്ങനെ കളിക്കണം എന്നതിലും മാത്രമാണ് ഞങ്ങൾ ശ്രദ്ധ കേന്ദ്രീകരിക്കുന്നത്. ഞങ്ങൾ ശേഷിക്കുന്ന മത്സരം വിജയിച്ചാൽ അതിനു ശേഷം എന്ത് സംഭവിച്ചാലും ഞങ്ങൾ അംഗീകരിക്കും,” റൗഫ് മത്സരത്തിന് ശേഷമുള്ള പത്രസമ്മേളനത്തിൽ പറഞ്ഞു

“ഈ വിജയം വളരെ പ്രധാനമാണെന്ന് നമുക്ക് അറിയാം. ഞങ്ങളുടെ ശ്രദ്ധ ഞങ്ങളുടെ മത്സരങ്ങളിൽ ആണ്, അടുത്ത മത്സരത്തിൽ ഞങ്ങൾ വിജയിക്കുമെന്ന് പ്രതീക്ഷിക്കുന്നു. തുടർന്ന് എന്ത് സംഭവിച്ചാലും, ഞങ്ങൾ യോഗ്യത നേടിയാൽ, ഭാവിയിൽ ഞങ്ങൾ മികച്ച ക്രിക്കറ്റ് കളിക്കും, ”റൗഫ് പറഞ്ഞു.